കനവോ നിനവോ

കനവോ നിനവോ

കനവോ നിനവോ രാവോ പകലോ

അറിയില്ല ഒരിക്കലും,

ഞാനോ നീയോ എന്നതറിഞ്ഞില്ല,

കണ്ണിൽ വന്നു മറഞ്ഞു

എൻ മനസ്സിനുള്ളിലായ്

വന്നു നീ നിറഞ്ഞില്ലേ.

കാറ്റുപോലെത്തി നീ പുഞ്ചിരിച്ചു,

മിഴികളിൽ സ്വപ്നം തെളിഞ്ഞു,

ഒരുനാളുമാറാത്ത സ്നേഹമാം

ഓർമകളായ് എൻ ചിന്തയിൽ നിറഞ്ഞു.

നദിപോലെത്തും നിന്റെ വരവിൽ

വിരിയുന്ന പൂവിൻ മന്ദഹാസം,

നീ ചൊരിയുന്ന മൗനസംഗീതം

മധുരമഴയായി ചിതറുന്നു.

ജീ ആർ കവിയൂർ

25 03 2025