Wednesday, August 16, 2017

നീ മാത്രമെന്തേ.....



രാവുറങ്ങി നിലാവുറങ്ങി
നീ മാത്രമെന്തേ മയങ്ങിയില്ല ,,,

നിന്‍ മിഴിയാകെ തുളുമ്പിയല്ലോ
നീറുന്നുവോ ഉള്ളില്‍ വിരഹ നോവ്
കാത്തിരിപ്പിന്‍ നിറം മങ്ങും ദിനങ്ങളുടെ
കിനാവൊക്കെ കാണാനാവാതെ


രാവുറങ്ങി നിലാവുറങ്ങി
നീ മാത്രമെന്തേ മയങ്ങിയില്ല ,,,

കദനത്തിന്‍ വേദനയാലെ
കടലലയലറി കരഞ്ഞു കരയോട്
തൊട്ടുരുമ്മി വന്നു മെല്ലെയങ്ങ്
പതഞ്ഞു നുരഞ്ഞു ദുഃഖങ്ങളാറാതെ,,,,,

രാവുറങ്ങി നിലാവുറങ്ങി
നീ മാത്രമെന്തേ മയങ്ങിയില്ല ,,,

കലഹം പറഞ്ഞു തിരികെ പോകും നേരം
കടലിന്റെ കഥയെല്ലാമറിഞ്ഞൊരു
കവിയത് എഴുതി ഏറ്റുപാടി
കണ്ടു നിന്നവര്‍ ഇതൊന്നുമേ അറിഞ്ഞതില്ല

രാവുറങ്ങി നിലാവുറങ്ങി
നീ മാത്രമെന്തേ മയങ്ങിയില്ല ,,,

കുറും കവിതകൾ 712


കുറും കവിതകൾ 712


രാവിന്‍ കമ്പളത്തില്‍
നിലാപാല്‍ ചന്തം ചുരത്തി .
ചൂണ്ടി നിന്നു അച്ഛന്റെ വാത്സല്യം ..!!

മാനത്തും തോളത്തും അമ്പിളി
രാവുറങ്ങി ഉറങ്ങാതെ
അച്ഛന്റെ വാത്സല്യം ...!!

മഴമാറി വെയില്‍ തെളിഞ്ഞു
നീലകൊമ്പന്‍ തുമ്പി വരവായ്
ഓണമകലെയല്ല ..!!

കടലിരമ്പി
കാറ്റടിച്ചു
അരയത്തിയുടെ ഉള്ളം പിടഞ്ഞു   ..!!

മഴമാറി
വെയില്‍ വന്നു .
വന്നതില്ല അവള്‍ മാത്രം  ..!!

ചെണ്ടയും ഇലത്താളവും മുറുകി
മുടിയേറ്റം തുടങ്ങി .
കാവില്‍ കാളിഉറഞ്ഞാടി ..!!

അമ്മയില്ലാ ദുഃഖമറിയിക്കാതെ
നിലാവുറങ്ങുമ്പോൾ
തോളിൽ ഉറങ്ങും പൈതൽ ..!!

നിലാവെട്ടത്തിൽ
വാത്സല്യ തോളിലേറി
വിരലുണ്ട് ഉറങ്ങി പൈതൽ ..!!

കടൽകാറ്റിന്റെയും
മേഘഗതിയും കണ്ടു
അരയന്റെ ഹൃദയമിടിപ്പേറി  ..!!

കാറും കോളും കയറി
കടൽ തിരയുടെ ഭാവമാറ്റങ്ങൾ
ഒന്നും വകവെക്കാതെ അരയർ..!! 

കുറും കവിതകൾ 711

കുറും കവിതകൾ 711

ശീലക്കുട തുമ്പത്തു
ഇറ്റുന്ന മഴമുത്ത് .
നാലുമണി വിട്ട വിശപ്പിന്റെ ഓട്ടം..!!

നൂല്‍പ്പന്തുകള്‍ കൊണ്ട്
ജയം ഉറപ്പിച്ച കര്‍ക്കിടകം .
ഓണവെയില്‍ കാത്തു കൊച്ചുമനം ..!!

രാവിന്റെ മുറ്റത്തു
ആളിപടരുന്നുണ്ട്
കാറ്റിലുലഞ്ഞ തിരിനാളം ..!!

നാലുമണിയുടെ വരവും കാത്തു
ആവിയില്‍ വേവുന്നുണ്ട് .
സ്നേഹത്തിന്‍ മധുരം ..!!

ഉദയകിരണങ്ങലുടെ
തലോടലേറ്റ് തിളങ്ങുണ്ട്
ചാളതടിയിലെ ജീവിതം ..!!

ചുവപ്പ് കൊടികളില്ലാതെ
മഴമുകിലുകളാല്‍
തടഞ്ഞിട്ട യാത്ര ..!!

കനല്‍ക്കട്ടയാറിതണുത്തു
വേനല്‍ വീഴ്ത്തിയൊരില
നിറങ്ങള്‍ തമ്മില്‍ ചേര്‍ന്നു..!!


വിശപ്പിന്റെ സ്വാദ്
എല്ലാം മറക്കുന്നു
നിവൃതികെടിന്റെ സ്വാതന്ത്ര്യം..!!

കെട്ടടങ്ങിയ പകല്‍
കാത്തിരിപ്പിന്റെ കണ്ണു കഴച്ചു
വിരഹതീരം ..!!

സ്വാതന്ത്യം അതാണ്‌ എല്ലാം .
പ്രകൃതിയെ അറിഞ്ഞു
വളരേണ്ട ബാല്യം ...!!

Saturday, August 12, 2017

കുറും കവിതകൾ 710


കുറും കവിതകൾ 710

ഓരോ ജീവിക്കും തുല്യമായി
തലയെടുത്ത് നില്‍ക്കാന്‍
പ്രകൃതി നല്‍കിയിട്ടുണ്ട്  അവകാശം ..!!

താളമേള തുടുപ്പില്‍
വെഞ്ചാമരം വീശുന്നു
ആനപുറം പൂര പറമ്പാക്കുന്നു കഷ്ടം ..!!

കുടിനീരിനു നാവിളക്കുന്ന
പുഞ്ചവയല്‍ക്കരയില്‍
മാനം നോക്കി കരിമ്പനകള്‍ ..!!

കാകന്റെ ആരാധനാമൂർത്തി
പല്ലില്ലാ മോണകാട്ടി ചിരിച്ചു .
മൈതാനം സ്വാതന്ത്ര്യ ദിനമാഘോഷിച്ചു  ..!!

റാന്തൽ മുനിഞ്ഞു കത്തി
വാതിൽ പഴുതിലൂടെ
ഭയം എത്തി നോക്കി ..!!

ആറാതെ പതച്ചു പൊന്തി
നരകേറിയ ജീവിതം
നിലനിൽപ്പിന്റെ കച്ചവടം ..!!

തല്ലുകൊണ്ട് പാകമാക്കുന്നുണ്ട്
മൺപുരണ്ട ജീവിതം .
ഉടയൻ ഉടച്ചാൽ കേടില്ലല്ലോ    ..!!


പുലരിപുഞ്ചിരിമായാതെ
പാൽപാത്രവുമായ് .
പടിവാതുക്കൽ കുഞ്ഞു ശലഭം ..!!

രാമായണപ്പലകയില്ലാതെ
തെറ്റിപ്പൂവും ഇല്ലാതെ
മുറ്റത്തു വായനതുടരുന്നു കര്‍ക്കിടം ..!!

ചെവിപോയ കണ്ണാടിയുമായ്
വായന തുടരുന്നുണ്ട് കോലായിൽ .
മുറ്റത്തേറ്റു വായിക്കുന്നുണ്ട്  കർക്കിട മഴ ..!! 

കുറും കവിതകൾ 709


കുറും കവിതകൾ 709

വസന്തപൗർണ്ണമിയിൽ
രാവറുതിയിലായ്
കുളിര്‍ കാറ്റായ് അവള്‍വന്നു ..!!

മാവിലക്കിടയില്‍
വിടര്‍ന്നൊരു അമ്പിളി .
മനസ്സിലൊരു കുളിര്‍കോരി ..!!

ഊഞ്ഞാലാടുന്ന
തെങ്ങോലത്തലപ്പുകള്‍
കര്‍ക്കിടക്കാറ്റില്‍ മണിമുത്തുക്കള്‍..!!

ഇലപെയ്യും മഴയത്ത്
തിരഞ്ഞു നടന്നു
ഒരു ചമ്മന്തിക്കുള്ള വക ..!!

ഓടിന്‍ പുറത്തു
കര്‍ക്കിട മഴയുടെ
പഞ്ചാരിമേളം ..!!

പെയ്യ് തൊഴിഞ്ഞ മഴ .
കുട തുഞ്ചത്ത്
കണ്ണുനീര്‍ തുള്ളി ..!!

പടിഞ്ഞാറേ ചക്രവാള-
ക്കവിള്‍ ചുവന്നു തുടുത്തു
മനസ്സില്‍ വിരഹം നിറഞ്ഞു ..!!

കാറ്റും മഴയും നനഞ്ഞു
തലയെടുത്ത് കൈകെട്ടി
പൊന്‍ മുടിമലയിലൊരു ഒറ്റയാന്‍ മരം ..!!

പച്ചകൊടി കാട്ടും
പെണ്‍കൊടി കരുത്താണ്
ഒരു ദേശം നീക്കുന്നത് ..!!

രാവുറങ്ങി
നിലാവുറങ്ങി
ഉണര്‍ന്നിരുന്നു കൂമന്‍ ..!!

കുറും കവിതകൾ 708


കുറും കവിതകൾ 708

അന്തിച്ചെമ്പക മരത്തിലിരുന്നു
ചെമ്പോത്തു വിളിച്ചു കൂവി .
നാളെ ചിങ്ങം വരവാകുമെന്നു ..!!

കിഴക്കന്‍ മലകടന്നുവന്ന
അന്തിക്കാറ്റ് മുറ്റത്തെ
മാവിനെ കെട്ടിപ്പിടിച്ചു ..!!

പറമ്പിലെ  ഒറ്റക്കരിമ്പന
വിരഹമുള്ളിലൊതുക്കി
ആകാശം നോക്കി ചിന്തിച്ചു നിന്നു ..!!

നാട്ടുമാവിന്‍ നേരെ കുട്ടികള്‍
കല്ലും കൊഴിയുമെറിഞ്ഞു
നിക്കറുനിറയെ മാങ്ങാചുന..!!

തമിഴ്‌നാട്ടിൽ നിന്നും
ബസ്സുകയറി ചുരമിറങ്ങി
മുല്ലപ്പൂക്കൾ വന്നു  തൊഴാൻ ..!!

പുഞ്ചപ്പാടം .
പച്ചകായല്‍ക്കര .
ഉടഞ്ഞ വഴിയമ്പലം ..!!

ഓടിക്കയറിയ വഴി
പായൽ കേറി കിടക്കുന്നു .
ഓർമ്മകൾ പടിയേറുന്നുണ്ട് ..!!

കർക്കട പെയ്യത്തിൽ
മേഘം വീണ പുഴയും
പാടവും ഒരുപോലെ  ..!!

ഒരുങ്ങുന്നുണ്ട് ചിങ്ങം
നീറ്റിലെ താളമേളാ-
ഘോഷങ്ങൾക്കായി ചുണ്ടൻ ..!!

മാന്തോപ്പുകൾക്കിടയിൽ
പാതിരാച്ചന്ദ്രൻ തിരനീക്കി
ഓർമ്മകളായി നക്ഷത്രങ്ങൾ ..!!   

Friday, August 11, 2017

കുറും കവിതകൾ 707

കുറും കവിതകൾ 707

റബ്ബര്‍ മരത്തണലിനിടയിലുടെ
ആരെയോ കാത്തുകിടക്കുന്നു
മൂകമായി ഒരു ചെമ്മണ്‍പാത ..!!

പടുതിരികത്തുന്ന സന്ധ്യാംബരം
കിളികള്‍ ചേക്കേറി
മെല്ലെ ഇരുട്ട് പരക്കുന്നു..!!

കൊടമഴക്കാറുകള്‍ കണ്‍തുടച്ചു
വെയില്‍ തിളക്കം കൊണ്ടു
പാലംകടന്നൊരു വണ്ടി വരുന്നു ..!!

കിഴക്കാകാശം പൊന്നായി
നുരപതയുമായി കടലല്‍
തീരത്തൊരു തോണി ..!!

കിഴക്കന്‍ കാവില്‍
കുളിച്ചുതൊഴുതു
കസുമുണ്ടുടുത്തു ചിങ്ങപുലരി  ..!!

താലപ്പൊലിപ്പൊലിമയില്‍
തിടമ്പേറിയ ദേവര്‍ .
പടിതോറും പറയെടുത്തു..!!

താളമേളപ്പെരുക്കം
വെളിച്ചപ്പാടിന്റെ ചെമ്പട്ട്
കാറ്റില്‍ പാറി പറന്നു ..!!

നിരയാര്‍ന്ന കേരതലപ്പുകള്‍
കൈയ്യാട്ടി വിളിച്ചു വരിക
മലയാഴ്മയുടെ സ്നേഹതീരത്തേക്ക് ..!!

കരഞ്ഞു കലങ്ങിയ
പുഴയുടെ രോദനം
കര്‍ണ്ണങ്ങളടച്ച മനുഷ്യന്‍..!!

Wednesday, August 9, 2017

മനമേ പാടുക

Image may contain: bird and sky

ഒരുനാള്‍വരുമിനി ദുഖമെല്ലാം മൊടുങ്ങും
ഒരുമയാര്‍ന്നു തോളോടു തോള്‍ചേരും
വാനവും ഭൂമിയും കൈകോര്‍ക്കും
വാനവില്‍ കാവടിയാടും വര്‍ണ്ണങ്ങളും
മയിലാടും കുന്നുകളും കുയില്‍ പാടും കാടും
മദനമാടിയോടും മാനും തുയില്‍ പാടും പുലരിയും
കടലോടുവില്‍ കരയെ വിട്ടകലും നേരങ്ങളില്‍
കാമിനിയവള്‍വരും കൈപിടിച്ചു കൊണ്ടുപോകും
സ്നേഹം നിറയുമെല്ലായിടത്തും ആനന്ദം നടമാടും
സന്തോഷം അലതല്ലും സമാധാനം കൈവരും
ലോകാ സമസ്താ സുഖിനോഭവന്തു ചൊല്ലും
ലോക ഐക്യം പുലരും മാനവരിലാകെ
ശാന്തി മന്ത്രം ജപിക്കാമിനി മനമേ പാടുക
ശാന്തി ശാന്തി ശാന്തി ഓം ശാന്തി :

കുറും കവിതകൾ 706

കുറും കവിതകൾ 706

ചെളിയിലും ഒരുമെയ്യായ്
നഷ്ടമാകാത്ത ചങ്ങാത്തം
കുളിര്‍ കൊരുന്നുമിന്നുമോര്‍മ്മയില്‍ ..!!

എന്‍ വിരല്‍ തൊട്ടപ്പോള്‍ നിന്നിൽ
സംഭ്രമ പൂവിരിയുന്നതു കണ്ട്.
കണ്ണാടി നോക്കി ചിരിച്ചു ...

ആളൊഴിഞ്ഞ രാവിൽ
തെരുവിൽ വിശക്കുന്നവന്റെ
അന്നവുമായി തട്ടുകട ..!!

കുസൃതികൾ നടമാടിയ
കളിമുറ്റവും വരാന്തയും
ഓർമ്മകളിലിന്നും വസന്തം ..!!

കർക്കട കുളിരില്‍
ഓലപ്പീലിക്കിടയിൽ നിന്നും
നിലാചന്ദ്രന്‍റെഎത്തിനോട്ടം  ..!!

കര്‍ക്കിടരാവില്‍
മേഘപുതപ്പിന്‍ ഇടയില്‍
ഒരു അമ്പിളി നോട്ടം ..!!

കര്‍ക്കടപുലരിയില്‍
നനഞ്ഞ ആല്‍ത്തറയും
കല്‍വിളക്കുകളും അമ്പലവും  ..!!

ഇലപൊഴിയും ശിശിരവും
പൂപെറുക്കിയ ബാല്യവും
ഓര്‍മ്മകളിലിന്നും വസന്തം ..!!


മൗനം കൂടുകുട്ടും കാടുകളില്‍
പ്രകൃതിയുടെ നോവറിയാതെ
മെതിച്ചു കയറും ഇരുകാലി ..!!

ഉടയാന്‍ കൊതിക്കുന്ന മൗനം
കാത്തുകിടക്കുന്ന ഗൃഹം .
മഴമേഘം കുളിരേകി ..!!

കുറും കവിതകൾ 705

കുറും കവിതകൾ 705

ആകാശ കണ്ണിമനനഞ്ഞു
ഭൂമിയുടെ നെഞ്ചകം കുളിര്‍ന്നു .
നിലാപക്ഷികള്‍ ചേക്കേറി ..!!

അകലെ മലമുതുകില്‍
കുഞ്ഞു മേഘങ്ങള്‍ ആന കളിച്ചു
താഴ്വാരത്തു നദിയൊഴുകി ശാന്തം .!!

കാറ്റിന്റെ ചാട്ടവാറടി
പുന്നെല്‍ക്കതിര്‍ കൊത്തിപാറി കിളികള്‍
കുട്ടികള്‍ പാട്ടകൊട്ടി ..!!

ഇടനാഴികളില്‍
തളച്ചിട്ട കൗമാര്യമേ
ഇനിയൊന്നു മടങ്ങാനാവുമോ ?!!

പച്ചമലയാളത്തേനരുവിയിൽ
മുങ്ങികുളിക്കാന്‍ തുഞ്ചന്റെ രാമായണ
കടവിലിറങ്ങി  കര്‍ക്കിടകം ..!!

ഇളംവെയില്‍ പെയ്യ്തു
പൂ തുമ്പിയെത്തി.
പിള്ളാരോണം ..!!


അവളെക്കാണാന്‍
മനം തുടിച്ചു .....
തീവണ്ടിക്കു വേഗത പോരാ !!

നാലുമണിപൂവിരിഞ്ഞു
നാണത്താല്‍ കവിള്‍ തുടുത്തു .
കര്‍ക്കടമഴ തോരാതെ പെയ്യ്തു ..!!

കാവിയുടുത്ത്‌ സന്ധ്യ
കാവിനെ വലംവേക്കുമ്പോള്‍.
കണ്ണടച്ചു നാമം ജപിച്ചു പ്രകൃതി ..!!

പള്ളിക്കുടപ്പടിയില്‍
പങ്കുവച്ച പച്ചമാങ്ങ.
ഒരമ്മകള്‍ക്കിന്നും  മധുരം ..!!


Tuesday, August 8, 2017

കുറും കവിതകൾ 704

കുറും കവിതകൾ 704

പൂജിച്ചുകിട്ടിയ മഞ്ഞച്ചരടിലെ
തിളങ്ങുന്ന താലി
വിറയാർന്നകൈകളിൽ..!!

നിന്മിഴിയിൽ കണ്ടു
കദനമില്ലാത്ത കവിത
വിരൽത്തുമ്പിനാൽ തൊട്ട്ടുത്തു  ..!!

പുഴയുമാൽത്തറയും
ശേഷിച്ച ജീവിതത്തിന്
സന്തോഷം നൽകും കൂട്ടുകാർ  ..!!

പൊക്കിൾകൊടി
ബന്ധങ്ങൾ കേവലം
ഒരു  ജലരേഖമാത്രം

ജന്മങ്ങള്‍ക്കിന്നൊരു
ആധാരമായി നിയമ
സാധുത തെളിയിക്കും രേഖമാത്രം

കൈവളരുന്നുവോ
കാല്‍വളരുന്നുവോ
മുള്ളു കൊള്ളാതെ വളര്‍ത്തി

ക്ഷീരം നല്‍കി താലോലിച്ചു
അക്ഷൌണിക പട നയിക്കുവാന്‍
കെല്‍പ്പുണ്ടായി എന്ത് അവസാനം

ഒരുവാക്ക് ഓരുനോക്ക്
കാണുവാനാവാതെ നിന്നു മകന്‍
ഒരസ്ഥിപഞ്ചരമായിമാറിയോരമ്മ തന്‍ മുന്നില്‍

തേങ്ങുക വെറുതെ
മനുഷ്യത്തമേ നിന്റെ
നന്മകൾ വേരറ്റു നീരറ്റുവല്ലോ  ....

കണ്ടു വായിച്ചു കണ്‍ നിറഞ്ഞൊരു
ബന്ധങ്ങള്‍ തന്നുടെ ഇഴയകല്‍ച്ച
നോവുന്നുവല്ലോ മനവും തനവുമയ്യോ..!!

നോവുന്നുവല്ലോ



പൊക്കിൾകൊടി
ബന്ധങ്ങൾ കേവലം
ഒരു ജലരേഖമാത്രം

ജന്മങ്ങള്‍ക്കിന്നൊരു
ആധാരമായി നിയമ
സാധുത തെളിയിക്കും രേഖമാത്രം


കൈവളരുന്നുവോ
കാല്‍വളരുന്നുവോ
മുള്ളു കൊള്ളാതെ വളര്‍ത്തി

ക്ഷീരം നല്‍കി താലോലിച്ചു
അക്ഷൌണിക പട നയിക്കുവാന്‍
കെല്‍പ്പുണ്ടായി എന്ത് അവസാനം

ഒരുവാക്ക് ഓരുനോക്ക് കാണുവാനാവാതെ
നിന്നു മകന്‍ ജീവ ശവമായ്
ഒരസ്ഥിപഞ്ചരമായിമാറിയോരമ്മ തന്‍ മുന്നില്‍

തേങ്ങുക വെറുതെ
മനുഷ്യത്തമേ നിന്റെ
നന്മകൾ വേരറ്റു നീരറ്റുവല്ലോ ..!!

കുറും കവിതകൾ 703

കുറും കവിതകൾ 703

കർക്കടക്കാറ്റ്
നീലമലകളില്‍ കരിമേഘം
പനി മണക്കുന്നു ..!!

അന്തിത്തെന്നലില്‍
ആടിയുലഞ്ഞു നിന്ന
പുല്‍ചെടിതുമ്പില്‍ മന്ദഹാസം ..!!

നിലാവിന്റെ
വെള്ളിപ്പാദസരത്തിന് അഴക്‌
അമ്പലക്കുളത്തിലെത്തി നോക്കി ..!!

വെണ്‍മേഘങ്ങള്‍ക്കിടയില്‍
ഒളിച്ചുകളിക്കുന്ന പഞ്ചമിച്ചന്ദ്രക്കല.
ഉറക്കമില്ലാ രാവ് ..!!

അര്‍ദ്ധയാമം
വിജനമായ നടപ്പാത.
നക്ഷത്രങ്ങള്‍ കണ്‍ ചിമ്മി ..!!

നിലാച്ചന്ദ്രന്റെ നിഴലില്‍
വൈക്കോല്‍ത്തുറുവും.
മാമലയില്‍ കുമന്‍ മൂളി ..!!

വെയില്‍ തിളക്കത്തില്‍ പുഴ
പുലര്‍ച്ചെ കുളിച്ചുതൊഴുതു
മണലില്‍ മായാതെ കാല്‍പാദങ്ങള്‍ ..!!

കൈത്തണ്ടയിലേറി
കിലുങ്ങിച്ചിരിക്കാൻ കൊതിച്ച്
അലമാരയിലിരുന്നു വളകൾ ..!!


കാലം പോയതറിയാതെ
കടവത്തു കനവു കണ്ട്
കാത്തുകിടന്നു.മൗനമാര്‍ന്ന  ചിന്ത ..!!

കാറും കൊളുമില്ലാത്ത മാനം
മനസാന്നിധ്യം കൈവിടാതെ
കരകാണാതെ ഒരു കൊതുമ്പുവള്ളം  ..!!

Monday, August 7, 2017

കുറും കവിതകൾ 702


കുറും കവിതകൾ 702

ജീവിത ചക്രവാളത്തിന്
നിഴലിൽ സ്നേഹത്തിന്റെ
നുറുങ്ങു വെട്ടം  ..!!

കാറ്റിൽ ആടാതെ
സുവർണ്ണ തിളക്കത്തിന്‍
നടുവിലൊരു ചെറുതോണി ..!!

സിന്ദൂരസന്ധ്യക്കു മുന്നിലായി
ചെക്കേറാനൊരുങ്ങും പറവ
ഓളങ്ങളില്ലാ കായല്‍ ..!!

നീലക്കായലില്‍
വലയില്‍ കണ്ണും നട്ട്
ഒരു ചെറുതോണിക്കാരന്‍ ..!!

നിന്നെ കുറിച്ചെഴുതിയതെല്ലാം
വെറും ജലചിത്രമായി മാറിയോ
വിരഹവും പ്രണയവും സമരേഖയായി ..!!

വിരഹ ഗാനം മാത്രമേ
മീട്ടിയ കൈകൾക്കു അറിവു
നീ ഒരു പുനർജനിയായി ...!!

എൻ മുന്നിൽ നീണ്ട കൈകൾ
നിനക്കുവേണ്ടി മാത്രമായിരുന്നോ
അതോ വിശപ്പിന്റെ വേദനയോ ..!!

കോങ്കണി എങ്കിലും
കരിമഷി കണ്ണുകളിൽ
കരിമീൻ പാഞ്ഞു ..!!

നടവഴിയിൽ വെള്ളമുണ്ടുടുത്തു
കാത്തുനിൽക്കുന്നുണ്ട്
പടിഞ്ഞാറയിലെ  വാടകവീട് ..!!

അടിയേറ്റു പരുക്കുള്ള ഖാദർമുണ്ട്
കാലൊടിഞ്ഞ കുട
ആടുന്ന ട്രഷറി ബെഞ്ച്  ..!!

കുറും കവിതകൾ 701

കുറും കവിതകൾ 701

നീല മേഘപ്പുതപ്പിന്‍ കീഴേ
വേമ്പനാട്ടു കായല്‍ തിരകളില്‍
ആടിയുലഞ്ഞു നിന്നു ചീനവല ..!!

അന്തിവാന ചുവട്ടില്‍
കാറ്റിലാടിനിന്ന
പുല്‍കൊടിക്കു നാണം ..!!

രാമായണ വായനക്ക്
കാതോര്‍ത്ത് നില്‍ക്കും പോലെ
നിലവിളക്കിന്‍ തിരിനാളം ..!!

താളമേളത്തിന്‍ ലഹരിയില്‍
കയ്യും മെയ്യും മറന്നു
തുഴഞ്ഞടുക്കുന്നു തിരുവോണം ..!!

അങ്ങാടിയിലെ മരതണലിൽ
വിശപ്പ് കാത്തിരുന്നു .
വെയിലിനു ചൂടേറിവന്നു ..!!

ആരുടെയൊക്കെയോ
വരവുകാത്തു കിടപ്പു
വെയിലേറ്റു ചുട്ട പാളങ്ങൾ..!!

ചെമ്മാന ചോട്ടിൽ
മയങ്ങാനൊരുങ്ങി
മഴനനഞ്ഞൊരു മുണ്ടകൻ പാടം  ..!!

മോഹങ്ങളുടെ തിളക്കത്തിനു മങ്ങൽ
വെയിലിന്റെ ശക്തിയേറി
കാവലിരിപ്പിന് ക്ഷീണം..!!

അന്തിത്തിരി താഴുന്നു
നഷ്ടമാവും ബാല്യത്തിന്
ജീവിത ഭാരമേറുന്നു ..!!

ചക്രവാള ചരുവിൽ അരുണിമ.
രാവിനെ  വരവേൽക്കാൻ ഒരുങ്ങുന്നു
അദ്ധ്വാനത്തിന്റെ നിഴൽരൂപങ്ങൾ  ..!!

Saturday, August 5, 2017

കുറും കവിതകൾ 700

കുറും കവിതകൾ 700

മൂകമാം രാവില്‍
ജീവിത നിഴല്‍ പരന്നു.
നിലാവെട്ടം  തിളങ്ങി ..!!

യന്ത്രങ്ങലുടെ വരവ്
കാലം പാടെ മറന്നു
തുരുമ്പേറ്റു കിടന്നു കപ്പി..!!

വിയര്‍പ്പെറ്റിട്ടും
നിറം മങ്ങിയിട്ടും
കൈത്തണ്ടയില്‍ ടിക്ക് ടിക്ക് ..

എത്ര വെയിലെറ്റാലും
കയറും തൊട്ടിക്കും
ദാഹവും വിശപ്പുമില്ലയോ...

മനുഷ്യന്‍ എന്നാണോ
മുള്ളുവേലികളാല്‍
പരസ്പരമകന്നു  മറതീര്‍ത്തത് ..!!

പരമ്പരകളാല്‍
കാല്പതിഞ്ഞ മണ്ണിന്നു
ഇന്നും ഉപ്പിന്‍ ക്ഷാരമോ ..!!

വസന്തത്തെ കാത്ത്
ഉണങ്ങിയ ചില്ലകളും
ആളൊഴിഞ്ഞ പാതയും ..!!

മണമെറ്റ് നിഴലറ്റ്
വേരറ്റു മണ്ണില്‍
കടമേറിയൊരു വലലന്‍ ..!!

തിരുശേഷിപ്പുകളുടെ
ഭാരം ചുമന്നു വിശപ്പെന്ന
ശപ്പന്റെ പിടിയില്‍ ജീവിതം ..!!

മനയുടെ നടുമുറ്റത്തു
കര്‍ക്കട മഴയുടെ
മുറജപം തുടര്‍ന്നു ..!!

കരകാണാ വിരഹം

Image may contain: sky, ocean, cloud, outdoor, nature and water

കഥയൊന്നുമറിയാതെ
കരയെതെന്നുമറിയാതെ                      
കരതേടിയെത്തും
ദേശാടനപ്പക്ഷി പോൽ                      
കണ്ണിൽ നിറഞ്ഞു നിന്നു വിരഹം                      
കാണാൻ കൊതിയോടെ
തീരത്ത് ഒക്കെ തിരഞ്ഞു                      
കണ്ടു അവസാനമെന്
നിഴൽ മാത്രം കൂട്ടായി നിന്നു                      
കടം കൊണ്ടു ഞാൻ എൻ
കദനങ്ങൾക്കൊപ്പം                      
കരവിട്ടു കൈവിട്ടൊരു
വാക്കുകൾ മാത്രം                      
കരകാണാ വിരഹത്തിരകള്‍
ചുറ്റിനും ഓര്‍മ്മകള്‍മാത്രം ..!!

കാത്തിരിപ്പ് .....!!

കാത്തിരിപ്പ് .....!!

Image may contain: one or more people, ocean, beach, water, outdoor and nature


തിരകളെണ്ണി
അയവിറകിയിരുന്നു
സ്നേഹകടലാഴം.!!

ഉള്ളിലൊതുക്കിയ
ഓർമ്മകളുടെ
അഴിമുഖത്തെ

ഓളമടിച്ച ജീവിതമെന്ന
പ്രഹേളികളൊക്കെ
കണ്ടില്ലയെന്നു നടിച്ചു

ആരെയുമൊന്നുമറിയിക്കാതെ
ഒപ്പം നിന്ന് തുഴഞ്ഞു
നിത്യ നൈമിത്യ

സുഖ ദുഃഖങ്ങളെ നെഞ്ചേറ്റി
നാളെയെന്ന ചിന്തകൾക്കിടം
നൽകാതെ സ്നേഹസാന്ദ്രമാം

ഇന്നിനെമാത്രം ആനന്ദമാക്കി
കഴിയുന്നു നോവിന്റെ
തിരകളിൽ നിന്നുമകന്നു

ശാന്തിതീരമണയും
വരേക്കും കാത്തിരിപ്പ്
തുടരുന്നു ഇന്നും ..!!

photo by surjith naalukettil 

Thursday, August 3, 2017

നാളെ എന്താവുമോ...




നടന്നു പിന്നിട്ട മണലില്‍
കാല്പാദങ്ങളുടെ പദചിന്ഹം
കടലതു മായിച്ചു കളഞ്ഞു

ചിപ്പികളും കക്കകളും
ഞെരിഞ്ഞമര്‍ന്നു നോവുകള്‍
ഒന്നെടുത്തു തെന്നിച്ച് എറിഞ്ഞു

ഓളങ്ങള്‍ ഉണ്ടാക്കാന്‍
ശക്തി ഇല്ലാതെ അവ
കടല്‍ തിര തന്നിലൊതുക്കി

എന്നാല്‍  അലകള്‍
മനസ്സിനെ ഉണര്‍ത്തി
നാളെ എന്താവുമോ ആവോ ..!!

കുറും കവിതകൾ 699

കുറും കവിതകൾ 699

രാവിന്റെ കരിമഷിയാല്‍
എഴുതിയൊരു
ദുഃഖ കാവ്യം

കടത്താമിനിയും
സൂചി കുഴലിലുടെ
കാലവുമതുനല്കും വിചാരങ്ങളും ..!!

നടകൊണ്ടൊരു ഒറ്റവരമ്പും
ചങ്ങാതിയും ഞാനും
ഒരമ്മകള്‍ക്ക് ബാല്യം ..!!

വസന്തത്തിന്‍ വെയിലും
മനം കുളിര്‍ക്കും കാറ്റും
ആല്‍മര ചുവടും ..!!

മൂന്നാറിലെ കാറ്റിനും
വിയര്‍പ്പിനും
തേയില മണം..!!

ഇടവഴികളില്‍
ഓണവെയില്‍ പരന്നു
തുമ്പികള്‍ പറന്നുപൊങ്ങി..!!

മണ്ണിന്റെ മണവും
വിഷമയമില്ലാതെ
വിളവിന് പച്ച  നിറം ..!!

കര്‍ക്കടകം മാഞ്ഞു
മുറ്റം ഒരുങ്ങുന്നു
വെയിലേറ്റു എരിവെറ്റു ചിങ്ങം ..!!

ചന്ദനം മണക്കുന്ന കാറ്റും
പച്ചിലകാടും കിളിനാദവും
ക്ഷീണം മറന്ന യാത്ര ..!!

പുലര്‍കാല മഞ്ഞും
ഇലയറ്റമരവും
ആവിപറക്കും ചായ..!!

Tuesday, August 1, 2017

കുറും കവിതകൾ 698

കുറും കവിതകൾ 698

 നഷ്ട സ്വപ്നങ്ങളുടെ
ഇതളറ്റ ജീവിതം .
കൂട്ടിയിട്ട പുറംതോടുകൾ ..!!

നീലരാവിലായ്
ഇതളറ്റകൊമ്പ്
വസന്തം കാത്ത് ..!!

നഷ്ട സ്വപനങ്ങളുടെ
ഉടഞ്ഞ ചെപ്പില്‍ നിന്നും
ചിതറിയ നാണയങ്ങൾ ..!!

കൊഴിഞ്ഞു പോയ ദിനങ്ങലുടെ
നഷ്ടങ്ങളുടെ കണക്കെടുക്കുമ്പോള്‍
എവിടെയോക്കയോ തെറ്റിയപോലെ..!!

ഉദയസൂര്യ കിരണങ്ങളാൽ
കടലും കരയും തിളങ്ങി
ധ്യാനാത്മകം മനം ..!!

മനസ്സിൽ മോഹങ്ങളുടെ
ചാകരയുമായ് വഞ്ചിയിറക്കുന്നു
കടലിന്റെ അപാരതയിലേക്കു ..!!


നിന്റെ സന്ദേശങ്ങളുടെ
സുന്ദര നിമിഷങ്ങൾക്കായ്
വിരൽത്തുമ്പുകൾ പരതി ..!!


നോവിക്കുന്ന  രാവിന്റെ
ഏകാന്തതകളില്‍ കൂട്ടിനു
നിന്‍ ഓര്‍മ്മകള്‍ മാത്രം ..!!

ഓര്‍മ്മകളുടെ ആഴങ്ങള്‍
തേടുന്ന മിഴികളില്‍
മനസ്സിന്റെ നിലയറിഞ്ഞു ..!!

കനലെഴും തീയില്‍
വെന്തുരുകി നില്‍ക്കും
സ്നേഹത്തിന്‍ നന്മ ..!!

ഇതാണ് പ്രണയമെന്നത് ..!!

No automatic alt text available.
നിലവിട്ടു   ആരുടെയോ
ഓർമ്മകൾ കൂടുന്നുവോ
ഉറക്കം കെടുത്തുന്നു ,
കണ്ണുകളിലാകെ അറിയാതെ
സാന്ത്വനത്തിനെ ബലി-
കൊടുക്കപ്പെടുന്നുവല്ലോ
ചിലരുടെ മൊഴികേള്‍ക്കുമ്പോള്‍
നെഞ്ചിടിപ്പുകള്‍ കൂടുമ്പോള്‍
അറിയുന്നു അവരുടെ വാക്കുകള്‍
നല്‍കുന്ന സന്തോഷത്തിന്‍
 അലകള്‍ സുഖം പകരുന്നുവല്ലോ

കണ്ണുകളില്‍ കനവ് നിറയുമ്പോള്‍
ഹൃദയത്തിന്റെ മിടിപ്പുകൾ കുടി വന്നു
ആരുടെയോ പേരുകൾക്കൊപ്പം
എഴുതപെടുമ്പോൾ ശ്വാസം
ശ്വാസത്തോട് ചേരുന്നു ...
അപ്പോൾ മനസ്സിലാക്കുക
ഇതാണ് പ്രണയമെന്നത് ..!!

എന്റെ പുലമ്പലുകൾ 71


Image may contain: flower and plant




സമയമേ നീ എന്നോട് അരുതാത്തതൊക്കെ
സ്വയം എന്നിൽ ചെയ്തു കൂട്ടുന്നുവല്ലോ
എപ്പോൾ അവന്റെ വരവിനെ കാത്തുനിന്നുവോ
അപ്പോഴൊക്കെ നീ വളരെ പതുക്കെ പതുക്കെ നടക്കുന്നു
അടുത്തുവരുമ്പോഴേക്കും നീ കണ്ണടച്ചു തുറക്കുമ്പോഴേക്കും
അരികും എലുകയും താണ്ടി എങ്ങോ കൈയ്യെത്താ
കണ്ണെത്താ ദൂരംകടക്കുന്നുവോ ..മനമിന്നു തേടുന്നു
കാദങ്ങൾ എത്രയാണെങ്കിലും അടുത്തെത്തു ..!!


നിന്റെ മിഴിയാഴങ്ങളിൽ മുങ്ങാൻ വെമ്പുന്നു ഞാൻ
നിൻ പ്രണയത്തിൽ അലിഞ്ഞു ചേരാൻ മോഹം
ആരെങ്കിലും എന്നെ ഒന്ന് ഇളവേൽക്കുയീ
ആഴിയാം സ്നേഹത്തിൽ നിന്നും കരേൽക്കു
നിനക്കായ് പ്രാണൻ പോലും ത്വജിക്കാൻ ഒരുക്കം
നീ എങ്ങുമേ പോയിടാതെ എന്നരികിൽ നിൽക്കു...!!

ജീ ആര്‍ കവിയൂര്‍
1 /8 /20 17

പെയ്യട്ടെ ...!!

Image may contain: text, nature and outdoor

മഴയുടെ താളമേളങ്ങള്‍ക്കിടയില്‍
മാതളനാരകം പൂത്തു കായിക്കുന്നുവല്ലോ
നിന്നെ ഓര്‍മ്മിക്കാറുള്ള കാര്യം
അത് പുതിയതല്ലല്ലോ ഈ ശീലം
ഈ പ്രാവിശ്യം വിചാരിച്ചിരുന്നു
പതിവുകൾ മാറ്റണം എന്ന് എന്നാൽ
പിന്നെ ഓർമ്മവന്നു ഈ ശീലങ്ങൾ
മാറ്റാൻ ആവില്ലല്ലോ അഥവാ മാറ്റിയാലും
മഴയൊന്നു മാറുകയില്ലല്ലോ പെയ്യട്ടെ ...!!

കുറ്റമല്ലല്ലോ ..!!



ഇത് പ്രണയത്തിന്റെ കുറ്റമോ അതോ
വേറെ എന്തെങ്കിലുമോ അറിയില്ല
നിനക്കോ എനിക്കോ അറിയില്ലല്ലോ
ഇതെല്ലാമി കണ്ണുകളുടെ കുറ്റമോ


നിന്റെ സന്തോഷം നിലനില്‍ക്കട്ടെ
എന്റെ ആയസ്സും നിനക്ക് വന്നുചെരട്ടെ
നിനക്ക് മംഗളം നേരുവാന്‍ ഞാന്‍ ഒരുക്കമാണ്
നിനക്കോ എനിക്കോ അറിയില്ലല്ലോ ..!!

ലോകമേ നിന്നില്‍ സമര്‍പ്പിച്ചു ഒന്നും അറിയാതെ
എല്ലാമേ നഷ്ടം വരുത്തി ഞാന്‍ നില്‍ക്കുമ്പോള്‍
ഇതാവുമോ പ്രണയത്തിന്‍ കീഴ്വഴക്കം
എന്റെയോ നിന്റയോ കുറ്റമല്ലല്ലോ ..!!

നയനങ്ങള്‍

Image may contain: tree, sky, plant, cloud, outdoor and nature


മഞ്ഞുപെയ്യും വഴികളില്‍ മനസ്സില്‍
മാഞ്ഞുപോകാതെ നിന്നു നിന്‍
നനുനനുത്ത ആഴങ്ങളുടെ  അഴകില്‍
നഷ്ടങ്ങളില്ലാതെ ചിന്തകളില്‍ നിറയുന്നു ..

മൗനം വാചാലമാകുമ്പോള്‍ കാറ്റ്
മതിലുകള്‍ കടന്നു സുഗന്ധം
തഴുതിടാതെ ഒഴുകി നടന്നു
തഴുകി അകലുനേരം ഓര്‍മ്മകളില്‍

നിന്‍ നയനങ്ങള്‍ മാത്രമെന്‍ മനസ്സില്‍
നിറഞ്ഞു നില്‍ക്കുന്നു നക്ഷത്രം പോല്‍
ഇനി പോകാം ഏതു രാവിലും മഞ്ഞിലും
ഇഴയടുപ്പിക്കും നിന്‍  ചിന്തകളുമായ്