ഏകാന്ത ചിന്തകൾ - 90

ഏകാന്ത ചിന്തകൾ - 90

ഒരു വിത്ത് മണ്ണിൽ പതിഞ്ഞ്

നിശ്ശബ്ദമായ് വളരുന്നു.

വൃക്ഷം വീഴുമ്പോൾ ശബ്ദം കൂടും,

കാറ്റ് പോലും കരഞ്ഞു പോവും.

മൗനം സൃഷ്ടിയുടെ ശക്തിയാണ്,

പൂവ് വിടരുമ്പോൾ ശബ്ദമില്ല.

സൂര്യൻ ഉയർന്നാലും ശബ്‌ദമില്ല,

പക്ഷികൾ മാത്രം പാടും.

ശാന്തമായതിനാണ് കരുത്തുള്ളത്,

സ്നേഹം മൗനത്തിൽ തേൻ പോലെ.

അഹങ്കാരമുള്ളവൻ ശബ്ദമുണ്ടാക്കും,

നിസ്സംഗൻ മൗനത്തിൽ തിളങ്ങും.

ജീ ആർ കവിയൂർ

03 03 2025