Monday, December 31, 2012

ഇനിയെന്ത് പറയാന്‍


ഇനിയെന്ത് പറയാന്‍



ഇന്നല്ല   ഇന്നലെയെങ്കിലും        
ജനപഥമുള്ളോരു  ഇന്ദ്രപ്രസ്ഥം  
മുഖം  കുനിച്ചിരുന്നു  എന്ന്
വ്യസനതോടെ വ്യാസനറിയിച്ചു എന്നാല്‍
വ്യാസമെറിയിരിക്കുന്ന    ഇന്നിന്റെ
കാമവെറികളെ    ക്യാമറകണ്ണിലുടെ
കണ്ടറിയുന്നു  ലോകമെങ്കിലും
നിയമങ്ങളും  നിയമ  സംഹിതകളേറെ
നിയോഗിക്കപ്പെട്ടു  അനാതി  മുതല്‍  എന്നാലും
മനുഷ്യന്‍  മൃഗത്തെക്കാള്‍ മോശമായി പരിണമിക്കുകയോ
മനം  നൊന്തു  പോകുന്നുയിനിയെന്തു പറയാന്‍  

Saturday, December 29, 2012

വന്ദേമാതരം




മൗനം ദീക്ഷിതം കഷ്ടം
മാംസത്തിന്‍ ഗന്ധത്തിനപ്പുറം
സിംഹികളായി മരുവുന്നു തലസ്ഥാനത്ത്
സഹിക്കുക ക്ഷമിക്കുക പൊറുക്കുക
ഇനിയെത്രനാളിങ്ങനെ തുടരുമി
ഇണങ്ങനാവാത്ത സത്യത്തിന്‍ മുന്നിലായി
എരിഞ്ഞടങ്ങാത്ത പ്രതികാരത്തിന്‍ ജ്യോതി
എലുകകള്‍ താണ്ടി പടര്‍ന്നു കത്തുന്ന മനസ്സുകള്‍
പ്രതികരിക്കും വരും നാളെ മഷികുത്തുമ്പോള്‍    
പ്രതികളെറട്ടെ കഴുമരത്തില്‍,അടങ്ങട്ടെ ഒടുങ്ങട്ടെ
ഇനിയുമിങ്ങനെ തുടരാതിരിക്കട്ടെ ഒരുനാളും
ഇതുപോലെ ഈ ഭാരതത്തില്‍ ,വന്ദേമാതരം  

അധരവിരാമം



Friday, December 28, 2012

കുറും കവിതകള്‍ 47

കുറും കവിതകള്‍ 47





ഇരുള്‍  നിറഞ്ഞ മാനമേ 
മനസ്സില്‍ അല്‍പ്പം സ്നേഹത്തിന്‍ 
പുലരി വെളിച്ചം പകര്‍ന്നു നല്‍ക 

വൃണമേറിയൊരു പരിണിത പ്രണയമേ 
തേടുന്നുവോ ചേക്കേറാന്‍ 
ചില്ലകള്‍ 

വിരലുകള്‍ ചേര്‍ന്ന്
വിദ്രോഹം തീര്‍ത്തു
വിപ്ലവ മുഷ്ടി ചുരുട്ടി,മര്‍ദിച്ചു വായുവിനെ 

നുണഞ്ഞാല്‍   തീരാത്ത ഒരു  നുണയോ 
നുരഞ്ഞു പൊന്തും വീഞ്ഞിന്‍  ലഹരിയോ  
നുകരാന്‍ കൊതിയുണര്‍ത്തും വര്‍ണ്ണ വസന്തമോ പ്രണയം 

താരകങ്ങള്‍   മിഴിയുണര്‍ത്തിയ  
ആകാശത്തിന്‍ ചുവട്ടില്‍
ഞാന്‍ എന്ന ഭാവത്തില്‍ ഒരു മിന്നാമിന്നി 

പൊഴിഞ്ഞു വീണ കിടപ്പില്‍ 
ആകാശതാരകങ്ങളെ  നോക്കി വിതുമ്പിചിരിച്ചു 
കൊണ്ടിരുന്നു മുറ്റത്തെ മുല്ലപൂവുകള്‍ 

Sunday, December 23, 2012

പ്രണയം


പ്രണയം




നുണഞ്ഞാല്‍   തീരാത്ത ഒരു  നുണയോ
നൂലുകളാല്‍ ഇഴയടുപ്പം തീര്‍ക്കും പട്ടുറുമാലോ
നിവര്‍ത്തിയാല്‍   നീണ്ടുപോകും  ഇണക്ക പിണക്കമോ    
നിര്‍വൃതിയുടെ സീമകളൊടുക്കം ചക്രവാളത്തുടിപ്പോ
നുരഞ്ഞു പൊന്തും വീഞ്ഞിന്‍  ലഹരിയോ    
നുകരാന്‍ കൊതിയുണര്‍ത്തും വര്‍ണ്ണങ്ങള്‍ നിറച്ചു വിടര്‍ന്നു
നില്‍ക്കും മൃദുലമാര്‍ന്ന പൂവും കാര്‍ക്കശ്യമുള്ള വണ്ടും തമ്മിലുള്ളതോ
ജന്മജന്മങ്ങളാല്‍ മായാത്ത വികാര സാന്ദ്രതയോയീ പ്രണയം

Friday, December 21, 2012

കുറും കവിതകള്‍ 46



കുറും കവിതകള്‍ 46




നിന്‍ പ്രതിച്ഛായ
പിറക്കാനിരിക്കുന്ന
കടലാണെന്ന് ഒരു തോന്നല്‍


പ്രണയത്തിന്‍  അവസാനം
വ്രണമാര്‍ന്ന നൊമ്പരങ്ങളും
മങ്ങിയ നിറങ്ങളുടെ ഘോഷ യാത്ര  

ഭൂപടം തീര്‍ക്കുന്നു
ചത്ത പല്ലിയുടെ വാലുമായി
ഉറുമ്പിന്‍ കൂട്ടങ്ങള്‍    

ഉടഞ്ഞ കുപ്പി വളചിന്തുകളില്‍
സ്നേഹത്താല്‍  വേദനകൊള്ളും
 പരിഭവത്തിന്‍  രക്ത തുള്ളികളോ

മുള്ളുള്ളത് ചെടിയുടെ രക്ഷക്കെങ്കിലും
പൂവിന്റെ നോമ്പരമറിയാതെ
വണ്ടു വന്നകലുന്നു


അവസാനിക്കില്ല ഒന്നുമേ

അവസാനിക്കില്ല ഒന്നുമേ





അവസ്ഥകള്‍ക്ക്  മാറ്റമെന്ന്
മാറ്റൊലി കൊള്ളുന്നവരെ
ഇല്ല മാറുകില്ല ഒന്നുമേ
ഇനിയെറെ നാള്‍ ചുറ്റും ഭൂമി
കത്തി ജ്വലിച്ചുനിള്‍ക്കും
സൂര്യനു ചുറ്റും ,മിന്നും താരകങ്ങള്‍
കടലിളകിയാടും കാറ്റ് ചുറ്റിവീശും
നിറങ്ങളൊക്കെ നിലനില്‍ക്കും
മായയാര്‍ന്ന   മായന്മാര്‍
 ചോന്നതോക്കെ മിഥ്യയല്ലോ
നിത്യതയാര്‍ന്ന സത്യം ഒന്ന്‌ അറിക
ഞാനും നിങ്ങളും വന്നു പോയിരിക്കും
ഭൂമിയെ കാത്തു സംരക്ഷിക്കുക
നിങ്ങളാല്‍ ആവുന്നത്രയും



Wednesday, December 19, 2012

രഹസ്യം




തിരി അണഞ്ഞ വിളക്കിന്‍ മുന്നില്‍
പടര്‍ന്നു വിടര്‍ന്ന ഉലഞ്ഞാടും മുടിയിഴകളില്‍
കരിനീലിച്ച ചുണ്ടമര്‍ത്തി നെറ്റിതടങ്ങളില്‍
സിന്ദുര പടര്‍പ്പില്‍ നിന്നും ഒഴിഞ്ഞകന്ന
വികാര സാന്ത്രത ഒഴിയകലുന്ന നിശ്ശബ്ദത
ഇതാണോ നിന്നിലേക്കുള്ള വഴിതെളിയിക്കും  
സ്വപ്ന സാക്ഷാത്കാര രഹസ്യം .    

നിത്യം


നിത്യം 



ക്രൗഞ്ച  പക്ഷിയുടെ  ചിറകിന്‍ നിഴലുകള്‍ തേടി  
ക്രമം തെറ്റും  ഹൃദയസ്‌പന്ദനങ്ങളുടെ നോവുകള്‍ പേറി 
ക്രയവിക്രയങ്ങളുടെ താളക്രമത്തില്‍ കാതോര്‍ത്ത് തേങ്ങി 
കൃത്രിമങ്ങളുടെ വലയങ്ങള്‍ ചുറ്റും ഗതിവിഗതിയറിയാതെ 
ക്രോധങ്ങളെക്കെ  അകറ്റി പഞ്ച പുശ്ചമടക്കി കഴിയുന്നു നിത്യവും  

Monday, December 17, 2012

ജാഗ്രതേ


ജാഗ്രതേ

കാടും മേടും ആറും കടന്നു
കൂടുകളില്‍ വന്നു ചേരുന്നു ആധാറുമായി
ആറും നൂറും അറുനൂറുമുണ്ടെങ്കില്‍  
അതി സുഭിക്ഷമായി  ''വാള്‍മാര്‍ട്ടിലുടെ  
ജീവിതം മുന്നോട്ടുയെന്നു
വാതോരാതെ തുപ്പല്‍ മഴ പൊഴിയിക്കും
മന്ത്രിക്കുന്നവരെ മഷികുത്തുന്നതിനു
നേരമായി വരുന്നു ജാഗ്രതേ

Saturday, December 15, 2012

കുറും കവിതകള്‍ - 45

കുറും കവിതകള്‍ - 45




പണ്ട് നദിയൊരത്തെ പൂകൈതയുടെ
മറവില്‍ തേടിയ കണ്ണുകളിന്നു
മറയില്ലാതെ ക്യാമറയുടെ ഉള്ളില്‍


ചീവിടുകള്‍ ചിലച്ചകറ്റി
രാവിന്‍ നിശ്ശബ്ദതയെ
ഏറ്റുപാടിയാ കച്ചേരി മണ്ടൂകങ്ങളും


എന്‍ കണ്ണില്‍ വിടര്‍ന്നു നിന്നു
നിന്‍ പുഞ്ചിരി പൂവ്പോലുള്ള മുഖകാന്തി
വസന്ത വെയിലില്‍


കരയുമിന്നു കരയുന്നു പുഴയോടോപ്പം
മാറു തുളച്ചിറക്കുന്നു
മര്‍ത്ത്യന്റെ കടും ചെയ്തികളാല്‍


കാടിന്റെ കടയ്ക്കല്‍) വെട്ടിയ
മഴുവിന്‍ പിടിയും
മരത്തിന്റെ ശത്രുതന്നെ

കാലത്തിനൊപ്പം

കാലത്തിനൊപ്പം


കനവായിരം പൂത്തോരു രാവില്‍
കരളിന്‍ വാതയനത്തിന്‍ മുന്നില്‍
കനിവായി നീ വന്നു നിന്ന് ഒന്നു
കാതര മിഴിയാല്‍ നല്‍കിയകന്നുവോ

ഓര്‍മ്മയുടെ പൂപ്പന്തലോരുക്കി
ഓണനിലാവും വിഷുപുലരികളും
ഒഴുക്ക് നീറ്റില്‍  ഉരുളും കല്ലുപോല്‍
ഓടിയകന്നു ജീവിതം കാലത്തിനൊപ്പം .

Thursday, December 13, 2012

മുന്നോട്ട് മുന്നോട്ട്......


മുന്നോട്ട് മുന്നോട്ട്......



ഓരോ അറിവുകളും കുത്തി നിറച്ചു കൊണ്ടിരുന്ന
പഴയ ഓര്‍മ്മ കുറഞ്ഞ കയറ്റങ്ങളെറാത്ത
റാമ്പും പിന്നെ ഹാര്‍ഡ് ഡിസ്ക്കും
സിലികോണ്‍ താഴ്വരയിലെ കുളിര്‍ കാറ്റുഏറ്റു
ഡിസംബറിന്റെ ഞായറാഴ്‌ചകളില്‍
തോളെറ്റിയ സഞ്ചിയില്‍ വീര്‍പ്പുമുട്ടുന്ന
കവിതാ പുസ്തകങ്ങളൊക്കെ പേറിയുള്ള
യാത്രയില്‍ പലമുഖങ്ങള്‍ പലഭാഷകള്‍ പലകാഴ്ചകള്‍
പരിവേദനങ്ങളുടെ  അലര്‍ച്ചകള്‍ ഉപദ്രവസഹായിലുടെ*
മനസ്സ് എവിടെയോ കെട്ടഴിഞ്ഞു മെയുന്നു
പിടിതെരാതെ കൊമ്പിളക്കിയോടും നാല്‍ക്കാലിയായി,
വീഗതക്കു പിന്നാലെ പായുന്നവന്റെ പിന്നാലെ എങ്ങോ
ലക്ഷ്യം തേടി ദിനവും ഷെഡ്‌ ഡൌണിനും റിസ്റ്റാര്‍ട്ടിനു
വിഥെയനായി  വിരലും കണ്ണുകളും യുദ്ധം ചെയ്യ്തു
മടുക്കുമ്പോഴാശ്വാസം വേറെ ഒന്നുമില്ല ,കുറിച്ചിടും
നാലുവരി മടുപ്പു നല്‍ക്കാതെ വന്നു പോകുന്ന
കവിത മാത്രം കൂട്ടുണ്ടിന്നു  കരുതി ജീവിതം മുന്നോട്ട് മുന്നോട്ട് ........

* മൊബൈല്‍ ഫോണിലുടെ  

Tuesday, December 11, 2012

ഉറവ വറ്റി

ഉറവ വറ്റി




കലങ്ങി വറ്റി കണ്ണുകളും താണ്
എല്ലുന്തി പളന്തിയുള്ള നടപ്പും നിപ്പും
വീണ്ടരക്കാനുള്ള കെല്‍പ്പുമില്ലാതെ
പുരയും തൊഴുത്തിലും  ഇടമില്ലാതെ
അറവുകാരന്‍   അദ്രമാനും  വേണ്ടാതെ 
തെരുവിലെ   ചാവാലികള്‍
കണ്ടു കുരച്ചടുക്കാതെയായി   
എന്നിട്ടും  ആഗ്രഹങ്ങള്‍ക്ക്  അല്‍പ്പവും 
കുറവില്ലാതെ   പച്ചപ്പുല്ലുകള്‍   സ്വപ്നം   കണ്ടു
ശൗര്യം കാണിക്കും പല്ലു  കൊഴിഞ്ഞ 
ചിരികളുടെ   കാര്യമിനിയെന്തു പറയാന്‍
ഉറവ വറ്റിയ നദി പോല്‍

Friday, December 7, 2012

അറിയാതെ ...............

അറിയാതെ ...............

മനസ്സറിയാതെയൊരു
മഞ്ഞു തുള്ളിയായി മാറി
ഹരിതാപങ്ങളിലാകെ
പടര്‍ന്നു വിരിഞ്ഞൊരു
പൂവിന്റെ നെഞ്ചകത്തില്‍
കിനാവയായ് പ്രണയമഴയായി
പൂന്തേന്‍  മുകരാന്‍ എത്തിയൊരു
ശലഭത്തിന്‍ ചിറകിലേറി പറന്നു
നീലാകാശം കണ്ടു കൊതി തീരുമുന്‍പേ
ഉണര്‍ന്നു പോയി മലര്‍ കിടപ്പില്‍ കിടന്നു
ഓര്‍ത്ത് ഓര്‍ത്തു എഴുതുവാനാവാതെ
വരികളില്‍ വഴിമുട്ടി നിന്നും ഇനി
എന്ത് എന്ന് അറിയാതെ ...............

Thursday, December 6, 2012

കുറും കവിതകള്‍ 44


കുറും കവിതകള്‍ 44

Photo: Meals Ready


ഉണ്ടിരിക്കാന്‍ കണ്ടിരിക്കാന്‍
മുണ്ടുമുറുക്കി ഇരിക്കാന്‍ അല്ലാതെ
ചിത്രത്തിലെ സദ്യയാല്‍ മറയുമോ വിശപ്പ്‌  



പൂക്കളൊടൊപ്പം
അവളുടെ നുണകുഴികവിളില്‍
വിരിഞ്ഞു പുഞ്ചിരി


സ്‌നേഹവും വെറുപ്പും
ഇടകലര്‍ന്ന നിശിത ബന്ധിതനായി
നാല്‍കവലയില്‍ വഴിമുട്ടിനിന്നു ജീവിതം


നിഴല്‍മങ്ങി ഇരുളുന്ന
നിശയുടെ മാറില്‍തളര്‍ന്നുറങ്ങുന്ന
ഇരുകാലി മോഹങ്ങള്‍ അന്ത്യമില്ലാതെ തുടരുന്നു


അരുവിയിലെ ജലകണങ്ങളാല്‍
ഉരുണ്ടു കൊഴുത്തൊരു
വെള്ളാരം കല്ലുകള്‍ക്ക് ദൈവ ചൈതന്യം


നിശ്ശബ്ദതയെ നിന്നിലലിയും
കിനാക്കളൊക്കെയെവിടെ പോയി
മറയുന്നു നിത്യശാന്തിയിലോ 

കുറികി പോയി 
ഇനി കുറുക്കാന്‍ ഇല്ല 
കുറുക്കു വഴി വല്ലതുമുണ്ടോ കവേ     

Sunday, December 2, 2012

പുലര്‍കാല ചിന്ത


പുലര്‍കാല   ചിന്ത

നാം നടന്ന വഴികളേറെ എന്നും
കല്ലും മുള്ളും നിറഞ്ഞയവയായിരുന്നു
ജീവിതമെന്ന കിനാവള്ളിയുടെ
ചുറ്റി വരിയലുകളില്‍ നിന്നും
മുക്തി നേടുവാന്‍ യുക്തി സഹജമാം
ചിന്തകളാല്‍  നമ്മെ നേര്‍ വഴി കാട്ടുന്ന
ആ അദൃശ്യ ശക്തി ഏതെന്നു അറിയാതെ
അലയുന്നു എല്ലാം മറന്നു ഞാന്‍ എന്ന
ഭാവം ഇതിനു ഒരു മുടിവു ഉണ്ടായിരുന്നുയെങ്കില്‍  
ഇന്ന് ഇത്ര അലയണമായിരുന്നുവോ
ശുഭദിനമാശംസകള്‍