Sunday, January 29, 2017

ആഞ്ജനേയ സ്വാമി ശരണം .......

ആഞ്ജനേയ സ്വാമി ശരണം .......

അഞ്ജലീബദ്ധനായ്   നിന്നു തൊഴുതേന്‍
ആഞ്ജനേയ സ്വാമി ശരണം എന്‍
ആഞ്ജനേയ സ്വാമി ശരണം .......

രാമ രാമേതി ജപിച്ചു വലംവച്ചു
രാമായണ സ്മൃതിയിലലിഞ്ഞു
രാമോപദേശാര്‍ത്ഥം പോയിങ്ങു വന്നിതു
രമ്യമാമി ഭൂവിതില്‍ പ്രതിഷ്ടാ ശിലയുമായ്
രാമഭക്തന്‍  വൈകിവന്നേരമങ്ങു .....


അഞ്ജലീബദ്ധനായ്   നിന്നു തൊഴുതേന്‍
ആഞ്ജനേയ സ്വാമി ശരണം എന്‍
ആഞ്ജനേയ സ്വാമി ശരണം .......

ശ്രീരാമസ്വാമി ദൂളിയും ദര്‍ഭയും ചേര്‍ത്തു
ശിവലിംഗ പ്രതിഷ്ഠനടത്തിയതു കണ്ടു
ശേഷാവതാരന്‍ കേട്ടു ഭക്തിയോടെ
കൊണ്ടു വന്നതിനിയെന്തു ചെയ്യവു
രാമാകാന്തന്‍ ചെറുപുഞ്ചിരിയാല്‍ ചൊല്ലി
മാറ്റി പ്രതിഷ്ടിക്കുക വേഗം വാനര വീരാ


അഞ്ജലീബദ്ധനായ്   നിന്നു തൊഴുതേന്‍
ആഞ്ജനേയ സ്വാമി ശരണം എന്‍
ആഞ്ജനേയ സ്വാമി ശരണം .......

മര്‍ക്കടവീരന്‍ ഒന്നുമേ ചിന്തിക്കാതെ
മൊത്തത്തെ വാലാല്‍ ചുറ്റി വരിഞ്ഞു
വലിച്ച നേരമാപ്പോള്‍ ഉയര്‍ന്നു വന്നിതു
വലിയ പ്രദേശമാകെ തെളിഞ്ഞു എണ്ണചിറയും
വന്നില്ല ശ്രീ രാമസ്വാമി പ്രതിഷ്ടിച്ചോരാ  ലിംഗം .


അഞ്ജലീബദ്ധനായ്   നിന്നു തൊഴുതേന്‍
ആഞ്ജനേയ സ്വാമി ശരണം എന്‍
ആഞ്ജനേയ സ്വാമി ശരണം .......

ഗര്‍വു ശമിച്ചോരാ ഹനുമാന്‍ സ്വാമി
ഗല്‍ഗത ചിത്തനായി സാഷ്ടാംഗം നമിച്ചു
രാമപാദത്തെ ,അനുഗ്രഹിച്ചു വരം നല്‍കി
ചിരം ജീവിയായ് വാഴ്കയീയവനിയിലായ്
ചിത്തം അനുജിതം വാഴുന്നുമിന്നുമീ ദേശത്തു
രാമ നാമ ജപവുമായ് രാമ ഭക്തഹനുമാന്‍ സ്വാമി  .


അഞ്ജലീബദ്ധനായ്   നിന്നു തൊഴുതേന്‍
ആഞ്ജനേയ സ്വാമി ശരണം എന്‍
ആഞ്ജനേയ സ്വാമി ശരണം .......

കലിയുഗാന്ത്യ  നേരത്തു വന്നിതു
കണ്ടറിഞ്ഞു വില്‍വമംഗലം പ്രതിഷ്ഠടിച്ചു
ഹനുമല്‍ ചൈതന്യത്തെയീ തൃക്കവിയൂരില്‍
ഹനിക്കാതെയിന്നും നമിക്കുന്നു ഞാനിതാ

അഞ്ജലീബദ്ധനായ്   നിന്നു തൊഴുതേന്‍
ആഞ്ജനേയ സ്വാമി ശരണം എന്‍
ആഞ്ജനേയ സ്വാമി ശരണം .......


ജീ ആര്‍ കവിയൂര്‍
29-1-2017

Saturday, January 28, 2017

ശാന്തിയുടെ ചിരി

ശാന്തിയുടെ ചിരി

നനുത്ത ശ്വാസം
വിറയാർന്ന ചുണ്ടുകൾ
മൗനമുടഞ്ഞു ചിതറി 

കുളിർ തെന്നലില്‍
രഹസ്യമർമ്മരങ്ങള്‍
തണുത്തുറഞ്ഞു  നിമിഷങ്ങള്‍

നിമ്നോന്നതങ്ങളില്‍
നിലാവു പരന്നൊഴുകി
ശ്വാസനിശ്വസഗതിക്കു

സാഗര തിരമാലയുടെ വേഗത
നേര്‍ത്തു നേര്‍ത്തു വന്നൊരു
അനുഭൂതിയുടെ പൂക്കള്‍ വിടര്‍ന്നു .

മഴയുടെ ഒടുക്കം
സൃഷ്ടിയുടെ. തുടക്കം ..
അര്‍ത്ഥ വിരാമാര്‍ന്ന മൗനം  ...

ആനാദിയില്‍ വചനം മൊട്ടിട്ടു
വാക്കുകള്‍പൂക്കളായ് വീണ്ടും
കവിത ഉണര്‍ന്നു വണ്ടുകള്‍ മൂളിപറന്നു

ആമരം ഈമരമായി രാമ രാമ
മാമുനി മാനിഷാദ ചൊല്ലി
അരണിയില്‍ തരുണി വെന്തു

ചൂത് ദൂത് ആക്ഷേപങ്ങള്‍
അക്ഷൗണികൾ നിരന്നു
ഹത കുഞ്ചരക്കിടയില്‍

പാഞ്ചജന്യം മുഴങ്ങി
ഒരിടത്ത് തോല്‍വിയും ജയവും
കൈകോര്‍ത്തു ചുടലനൃത്തം ചവുട്ടി

പ്രളയം വീണ്ടും വീണ്ടും
സാഗരം വളര്‍ന്നു
ബുദ്ധന്റെ ചിരി പരന്നു..

ജീ ആര്‍ കവിയൂര്‍
28-1-2017

Friday, January 27, 2017

എന്തെ നീയും വായിക്കുകയോ ..!!

എന്തെ  നീയും വായിക്കുകയോ ..!!


എന്റെ കണ്ണുകൾ
പറയാൻ ശ്രമിക്കുന്നു
കണ്ണുനീരാൽ

ചാലിച്ചെഴുതുകയാണോയീ 
രാവിന്‍ നിറമുടച്ചു മഷിയാക്കി
നോവിന്‍  കവിതകള്‍

ഞാനിവിടെ ഉണ്ട്
എന്നാൽ അവിടെ
നിന്നോടൊപ്പവുമുണ്ട്

മൗനമെന്റെ വീടും
ചിന്തകൾ എന്റെ
ഏകാന്തതയുടെ കൂട്ടുകാർ

ഞാൻ അല്പനേരത്തേക്കു
മൗനിയായിമാറി കൊണ്ട്
അനുവദിച്ചു അവൾക്കായി

നീയറിയാതെ ഹൃദയം
മന്ത്രിക്കുന്നതു ഞാനറിയുന്നു
എന്‍ മിഴികളിലൂടെ ഒഴുകും

നീരിലായി എഴുതിയവ
മുഴുവനും നീ ചുണ്ടുകളാൽ
വായിച്ചെടുടുത്തുവല്ലോ ..!!

ജീ ആര്‍ കവിയൂര്‍
27-1-2017


ഇതിന്റെ പേരോ ..?!!

ഇതിന്റെ പേരോ


പൊരുതി പൊറുതിമുട്ടി
വറുതിയുടെ പരുധിയറുത്തു
തകൃതിയുടെ തമിരു പൊട്ടി

കലിക പൊലിക
തരിക തരിക വീണ്ടും
തരിശാം മനസ്സിലിടമെനിക്കു

മഴത്തുള്ളി കിലുക്കമുടച്ചു
നാഴികമണിയുടെ
ചുംബനങ്ങളാല്‍

എന്റെ സ്വാതന്ത്രത്തിന്റെ
അവസാന വാക്കോയിതിനു
വക്കുമുറിഞ്ഞൊരു ചഷകമോ ?.

ഏകാന്ത രാവുകളുടെ
വ്രണിത വികാരങ്ങളോ
ജല്പനങ്ങളോയീ വിരലാലമര്‍ന്നു ...

ഉടഞ്ഞു വീണ മൗനത്തിനവസാനം
ലവണ രസമിശ്രിതത്തിന്റെ
സ്വാദിനാണോയീ പ്രണയമെന്ന പേര്...!!

ജീ ആര്‍ കവിയൂര്‍
27 -01 - 2017

ഞാനും നീയുമൊന്ന് ......

ഞാനും നീയുമൊന്ന് ......


അക്ഷരങ്ങള്‍ നിറഞ്ഞോരാ
ആകാശ ഗംഗയില്‍ നിന്നും 
പൊഴിഞ്ഞു വീഴുന്നൊരു

വാലില്ലാ നക്ഷത്രമോയീ  ഞാന്‍
തിരയുന്നു എന്നെ എല്ലായിടത്തും
കൊഴിഞ്ഞു വീണ പൂവിലും

പാടി തീര്‍ന്ന പാട്ടിന്റെ
നിശബ്ദതയിലും കേട്ടില്ല 
മിന്നിയോടുങ്ങിയ മിന്നലിലും

അലറി അടുത്തു തിരയെ
തൊട്ടു പതഞ്ഞു പൊതിഞ്ഞകലും
തീരത്തിലും കണ്ടില്ല

ആരാണ് ഞാന്‍ നീയാണോ
നിന്നിലൂറും സ്നേഹസ്വാന്തനമോ
നിന്‍ നിഴലിലോടുങ്ങും മൗനമോ

പഞ്ചഭൂതങ്ങളിലും അത്
തീര്‍ത്തൊരു നിത്യ ശാന്തിയിലും
ഇല്ല എനിക്ക് മരണമില്ല

ഞാന്‍ സനാതനന്‍
ജനിമൃതികല്‍ക്കിടയിലൊരു
ആരുമറിയാ നാഴികക്കല്ലോ

ഇല്ലില്ല ഞാനീ നങ്കുരമില്ലാതേ
തുടരുന്നുയീ ജീവിതയാത്രാവസാനം
നീയെന്ന തീരത്തണഞ്ഞുവല്ലോ ..

അലിഞ്ഞു അലിഞ്ഞു
ഇല്ലാതെയാകുന്നുവല്ലോ
നിത്യ താരകാ പരബ്രഹ്മബിന്ദുവില്‍ ....!!

ജീ ആര്‍ കവിയൂര്‍
27 - 01 -2017

Thursday, January 26, 2017

പൂക്കുന്നുവല്ലോയെന്നില്‍ ...

പൂക്കുന്നുവല്ലോയെന്നില്‍ ...

ഗസലുകള്‍ പൂക്കുന്ന രാവുകളില്‍
മദനഗന്ധമേറുന്നു എന്നില്‍ സഖിയേ...
മന്ദാരമേ നിന്നാല്‍ എന്തേ
മന്ദപവനും ലഹരിയോ ......!!

ചന്ദ്രകാന്തത്തിന്‍ ചാരുതയില്‍
ചന്ദനം മണക്കുന്ന മയില്‍‌പ്പീലി വീശിയും
നിന്‍ അധര ചഷകങ്ങള്‍ക്ക്
മുന്തിരിയുടെ നിറകണമോ....

പാല്‍നിലാവ് നിന്നെ തഴുകുമ്പോള്‍
പുണരാന്‍ വെമ്പുന്നെന്‍ എന്‍ മനമാകെ,...... 
പെയ്തു ഒഴിയുന്നുവല്ലോ അക്ഷര മഴയാല്‍
പ്രണയമേ എന്‍ കവിതേ ......

നിന്നില്‍ പടരുന്ന അളകങ്ങള്‍ക്ക്
എന്തേ സര്‍പ്പ സൗന്ദര്യമോ.....
ഗസലുകള്‍ പൂക്കുന്ന രാവുകളില്‍
മദനഗന്ധമേറുന്നു എന്നില്‍ സഖിയേ...!!

ജീ ആര്‍ കവിയൂര്‍
25-1-2017

എല്ലാമറിയുന്നുവല്ലോ യഹോവേ ....

എല്ലാമറിയുന്നുവല്ലോ യഹോവേ ....

എല്ലാം നീ അറിയുന്നുവല്ലോ യഹോവേ
എന്‍ ചിന്താ വഴികലെ പുല്‍കൊടികളിലേ
മഞ്ഞിന്‍ കണങ്ങളിലുമെഴുതിയിരിക്കുന്നുവല്ലോ
മഹനീയമാം നിൻ നാമമൊക്കെയുമുണ്ടല്ലോ....

അങ്ങയുടെ ആത്മാംശമെന്നില്‍ നിറയുന്നുവല്ലോ
അറിയുന്നു നീ എല്ലാം അറിയുന്നു നീ യഹോവേ 
പുലരിയതന്‍ ചിറകേറി പറക്കുവാന്‍ വെമ്പുയെന്നെ
നിന്‍ കൈകളാല്‍ എന്നെ നയിക്കുന്നുവല്ലോ ......

ഇരുളെന്നെ മൂടി കഴിയുന്ന നേരത്തു നിന്‍ 
ദിവ്യ പ്രകാശമെന്നില്‍ നിറക്കുന്നുവല്ലോ യഹോവേ .....
എണ്ണിയാലോടുങ്ങാത്ത മണല്‍തരിപോലെയല്ലോ
എഴുതിയാല്‍ തീരാത്ത അങ്ങയുടെ സംങ്കീര്‍ത്തനങ്ങള്‍ ..

എല്ലാം നീ അറിയുന്നുവല്ലോ യഹോവേ
എന്‍ ചിന്താ വഴികലെ പുല്‍കൊടികളിലേ
മഞ്ഞിന്‍ കണങ്ങളിലുമെഴുതിയിരിക്കുന്നുവല്ലോ
മഹനീയമാം നിൻ നാമമൊക്കെയുമുണ്ടല്ലോ..

ജീ ആര്‍ കവിയൂര്‍
24 -1 -2017

Tuesday, January 24, 2017

പ്രവാസിയും അയ്യപ്പനും

പ്രവാസിയും അയ്യപ്പനും - ജീ ആര്‍ കവിയൂര്‍

നാടുവിട്ടു പോന്ന ഓരോ മലയാളിയുടെ കൂടെ അയ്യപ്പ രൂപവും മനസ്സില്‍ കയറികൂടി .അവന്റെ ഗൃഹാതുരത്വവും നാടിനോട് ചേര്‍ന്നു നില്‍ക്കാന്‍  മോഹിനിസുഥന്റെ മോഹനരൂപം എന്നും കൂട്ടായിനില്‍ക്കുന്നു .ശരണംവിളികളും
ഭജനകളും അന്നപ്രസാദങ്ങളും ശാന്തി പകര്‍ന്നു ഒപ്പം അവന്റെ ഒത്തു ചേരല്‍ കേന്ദ്രവും മതവും ജാതിയും വര്‍ണ്ണവും മറന്നു അവന്റെ അസ്ഥിത്വം നിലനിര്‍ത്താന്‍ തത്വമസി മന്ത്രമുതുര്‍ക്കാന്‍ ഒന്ന് കണ്ണടച്ചു ശാന്തി പകരാന്‍ കഷ്ടനഷ്ടങ്ങള്‍ക്കിടയില്‍ ഒത്തു ഒരുമയുടെ കേന്ദ്രമായി ക്ഷേത്രങ്ങള്‍ ഉയര്‍ന്നു .

 അയ്യപ്പന്‍ എന്റെകത്തോ സ്വാമി നിന്റെയകത്തോ പാടി പാടി അയ്യപ്പന്‍ തിന്തകതോം സ്വാമിതിന്തകതോമായ് മാറ്റി മലയാളി മറ്റുള്ള നാട്ടുകാരെയും അയ്യപ്പന്‍റെ ഭക്തി ലഹരിയില്‍ ആറാട്ടി വര്‍ഷാവര്‍ഷം ശബരിമലയില്‍ എത്തിക്കുന്നു .കേരളത്തിന്റെ മതേതരത്വമഹിമയുടെ ഭാരതത്തിന്റെ മഹിമയാര്‍ന്ന നാനാത്വത്തില്‍ ഏകത്വതമെന്ന മഹാമന്ത്രം ഊട്ടിയുറപ്പിക്കുന്നു .

മണ്ഡലകാല വൃതശുദ്ധിയില്‍ സ്വയം അയ്യപ്പനായി മാറി സന്മാര്‍ഗ്ഗമാര്‍ഗ്ഗം സ്വീകരിച്ചു മനശാന്തിയുടെ ശരണം വിളിച്ചു പാപമുക്തനായി മാറുന്നു ഒപ്പം നന്മയുടെ നെയ്യ് തെങ്ങയുമായി ഇരുമുടികെട്ടി കറുപ്പുമുടുത്ത് വിശുദ്ധിയുടെ
പതിനെട്ടു പടികയറുന്നു.

മറുനാടന്‍ മലയാളിയുടെ കഷ്ടനഷ്ടങ്ങലുടെ  വേദനയുടെ കരിമലകയറി അവന്റെ മുഖ മുദ്രയായി മാറുന്നു പല ചെറുതും വലുതുമായ അയ്യപ്പസേവാ സംഘങ്ങള്‍ വളര്‍ന്നു പന്തലിക്കുന്നു, ഭാരതത്തിന്റെ ഏതാണ്ട് മൂക്കിനും മൂലയിലും അയ്യപ്പന്റെ അമ്പലങ്ങൾ ഉണ്ട് .
വാലയാറിന്റെ ചുരം താണ്ടി എത്തുമ്പോള്‍ അങ്ങ് വടക്ക്  കര്‍ണാടകം , അതായത് കറുത്ത, നാട് എന്നിങ്ങനെയുള്ള രണ്ട് പദങ്ങൾ ചേർന്നാണ്‌ കരു-നാട്, കരു-നടം, കാനറ, കന്നടം എന്നീ രൂപഭേദങ്ങളോടെ സംസ്കൃതവൽക്കരിക്കപ്പെട്ടാണു് കർണ്ണാടകം എന്ന പദം രൂപം കൊണ്ടത്. പിൽക്കാലത്തു്, നാമപദങ്ങൾ 'അ'കാരം കൊണ്ടവസാനിപ്പിക്കുന്ന കന്നട. അവിടെയും മലയാളികളുടെ കണ്‍കണ്ട ദൈവമായ അയ്യപ്പനായി അമ്പലങ്ങള്‍ തീര്‍ത്തിട്ടുണ്ട് ,

ജീവകാരുണ്യ പ്രവര്‍ത്തനങ്ങള്‍ക്ക് പേരേടുത്ത ക്ഷേത്ര സമുച്ചയങ്ങള്‍ തികച്ചും മലയാളത്തിന്റെ തനതായ വാസ്തു ശില്പത്തിന്റെയും തച്ചു ശാസ്ത്ര പ്രകാരവും തന്ത്ര വിധിപ്രകാരവും തീര്‍ത്ത ക്ഷേത്രമാണ് ജാലഹള്ളി ശ്രീ അയ്യപ്പ സ്വാമി ക്ഷേത്രം

സ്ഥലപരിമിതികള്‍ ഉണ്ടെങ്കിലും തനതായ ഭക്തി  ലഹരിയില്‍ എല്ലാം മറന്നു അയ്യനെ പ്രാര്‍ത്ഥിക്കുവാന്‍ തോന്നുമാറാണ് മടിവാലാ ശ്രീ  അയ്യപ്പ  ടെംപിൾ സ്ഥിതി ചെയ്യുന്നത് .

മലയാളികളുടെ പ്രയത്നവും കുട്ടായിമ്മയുടെയും മഹത്തമായ ഉദാഹരണം ആണ് വിജയ  ബാങ്ക്  അയ്യപ്പൻ  ടെംപിൾ ഉള്ള സ്ഥലത്ത് വളരെ മനോഹരമായ ക്ഷേത്രം പണിതിരിക്കുന്നു ഒപ്പം മണ്ഡല കാലത്ത് അന്ന ദാനം എന്ന മഹാദാനം നടക്കുന്നുണ്ട് അവിടെ

അതുപോലെ തന്നെ കര്‍ണ്ണാടകത്തില്‍ ഇനിയും ക്ഷേത്രങ്ങള്‍ ഉണ്ട് അതില്‍ ചിലത് ആനേപാളയം  ശ്രീ  അയ്യപ്പൻ  ടെംപിൾ ബാംഗ്ലൂരിൽ , ,എച്ചേ യേല്‍ അയ്യപ്പ സ്വാമി ക്ഷേത്രം ബാംഗ്ലൂര്‍ ,ഹെബ്ബാൾ  കേമ്പപ്പൂര  ശ്രീ  അയ്യപ്പ  ടെംപിൾ , ബാംഗ്ലൂർ ജെ  സി  നഗർ  ശ്രീ  അയ്യപ്പൻ  ടെംപിൾ , ബാംഗ്ലൂർ ,കോളർ  ഗോൾഡ്  ഫീൽഡ്സ്  (KGF) അയ്യപ്പ  ടെംപിൾ.
ശ്രീ  അയ്യപ്പ  ടെംപിൾ  വാസ്കോ , ഗോവ, അയ്യപ്പ  ടെംപിൾ  - മഡ്ഗാവ് ഗോവ ശ്രീ  അയ്യപ്പ  സ്വാമി  ടെംപിൾ  പോണ്ട ഗോവ , കാർവാർ  അയ്യപ്പ  ടെംപിൾ കൊടിബീർ  ടെംപിൾ  റോഡ്  കാര്‍വാര്‍ കര്‍ണ്ണാടകം.

കേരളത്തിന്റെ കിഴക്കും വടക്കുമായി പരന്നുകിടക്കുന്ന ചേര ചോള പാണ്ഡ്യ പല്ലവ രാജ്യങ്ങള്‍ ഒത്തു ചേര്‍ന്ന് തമിഴ് സംസാരിക്കുന്ന ദ്രാവിഡ സംസ്ക്കാരം ഊട്ടിയുറപ്പിക്കുന്നതും മലയാളികളെക്കാള്‍ അയ്യനെ നെഞ്ചിലേറ്റുന്ന
ജനം ,പെറ്റനാടുവിട്ടു പോറ്റും നാടാക്കിയ തമിഴ്നാട്ടില്‍ അവരുടെ ഇടയില്‍ മലയാളികള്‍ പോയി മലയാളി കൂട്ടായിമ്മ പടുത്തുയര്‍ത്തിയ ക്ഷേത്രങ്ങളില്‍ ഒന്നാണ് കോയമ്പത്തൂരിലെ സിദ്ധാപൂര്‍ അയ്യപ്പ ക്ഷേത്രം രണ്ടാം ശബരിമല എന്ന് അവകാശപ്പെടുന്ന ക്ഷേത്രം നാട്ടിലെ പോലെ തന്നെ ആനയെ തിടമ്പേറ്റി നടത്തി ഉത്സവം ആഘോഷിക്കപ്പെടുന്നുണ്ട് അവിടെ തന്നെയുമല്ല ഒരു മെഡിക്കല്‍ സെന്റര്‍ നടത്തുന്നുണ്ട് അതല്ലാതെ  ഗോശാല ,അയ്യപ്പന്‍റെ പൂങ്കാവനം പല ഔഷദ സസ്യങ്ങള്‍ വളര്‍ത്തുന്നുമുണ്ട് അതിലുപരി വിദ്യാഭ്യാസത്തിനായി
ശ്രീ  ധർമശാസ്താ  മട്രിക്കുലേഷൻ  ഹയർ  സെക്കന്ററി  സ്കൂൾ എന്നിവയും മഹത്തരമായി നടത്തി പോകുന്നുണ്ട് കോയമ്പത്തുരില്‍ വേറെയും ക്ഷേത്രം ഉണ്ട് പെരിയനായിക്കാന്‍ പാളയം അയ്യപ്പന്‍ ക്ഷേത്രം


ആയിരത്തി തൊള്ളായിരത്തി അറുപതില്‍ മലയാളികള്‍  തുടങ്ങിയെ അയ്യപ്പ സേവാസമിതി വളര്‍ന്നു 1984 ഓടുകൂടി കേരളത്തിന്റെ ക്ഷേത്ര കലയെ നട്ടു പിടിപ്പിച്ച വലിയ ക്ഷേത്രത്തിന്റെ കുംഭാഭിഷേകം നടത്തി വളരെ നല്ല രീതിയില്‍ നടന്നു പോകുന്നു അണ്ണാ നഗർ ചെന്നെയിലെ അയ്യപ്പ ടെമ്പിള്‍, ഇതുപോലെ അയ്യന്റെ മഹത്വം വിളിച്ചോദുന്ന ക്ഷേത്രങ്ങള്‍ ഉണ്ട് ചെന്നയിലും തമിഴ് നാട്ടിലും അതില്‍ പേരെടുത്തു പറയുകില്‍
മഹാലിംഗപുരം ശ്രീ അയ്യപ്പ ടെമ്പിള്‍ ചെന്നൈ  രാജാ അന്നാമലയ് പുരം അയ്യപ്പന്‍ കോവില്‍ ചെന്നൈ ശ്രീ  അയ്യപ്പൻ  ടെംപിൾ   നുങ്കമ്പാക്കം ചെന്നൈ , എഗ്മോർ  ശ്രീ  അയ്യപ്പ  ടെംപിൾ , ചെന്നൈ ,അണുപുരം അയ്യപ്പ ടെമ്പിള്‍ കല്‍പ്പാക്കം , നെയ്‌വേലി  ശ്രീ  അയ്യപ്പ  ടെംപിൾ , തമിഴ്നാട് കന്യാ കുമാരി ജില്ലയില്‍ കൊല്ലൻകോഡ്  വട്ടവിള  ശ്രീ  ഭദ്രകാളി  ടെംപിൾ ,

അയ്യപ്പസ്വാമിയുടെ ഭക്തന്മാര്‍ ഏറെ നിറഞ്ഞ ഒരു സംസ്ഥാനം ആണ് ആന്ധ്രാപ്രദേശ് ഏറെ ഭക്തി ലഹരിയില്‍ എല്ലാം മറക്കുന്ന ഇവരുടെ ഇടയിലും മലയാളമണ്ണിന്റെ മണമുള്ള അയ്യപ്പന്റെ ആരാധാനാലയങ്ങള്‍ ഉണ്ട് കറുപ്പും നീലയും ഉടുത്തു 41 നാള്‍ കഠിന വൃതം നോക്കുന്ന തെലുങ്കരുടെ ഭക്തി ഏറെ സ്ലാഹനീയമാണ് അവരുടെ സംസ്ഥാനത്തും നിരവധി ക്ഷേത്രങ്ങള്‍ ഉണ്ട് അയ്യപ്പ  സ്വാമി  ടെംപ്ളേ , കനാല്  റോഡ് ; ഭീമവാരം  – അയ്യപ്പ  സ്വാമി  ടെമ്പിള്‍ , ജുനുപുടി , അയ്യപ്പ  സ്വാമി  ടെമ്പിള്‍  , സൂര്യനാരായണപുരം ; ദ്വാരപ്പടി  – അയ്യപ്പ  സ്വാമി  ടെമ്പിള്‍, കനാല്  റോഡ് ; ഹൈദരാബാദ്
സെക്കന്തരാബാദ്  – അയ്യപ്പ ടെമ്പിള്‍ , ഭാര്തനഗർ ; അയ്യപ്പ ടെമ്പിള്‍, ഡോളറും ; അയ്യപ്പ ടെമ്പിള്‍, BHEL  അയ്യപ്പ ടെമ്പിള്‍, GTS കോളനി , അയ്യപ്പ ടെമ്പിള്‍, HAL Colony, ബാലാനഗർ അയ്യപ്പ ടെമ്പിള്‍,  ലാൽബസാർ , , മെറ്റലുഗുദ , , നല്ലകുണ്ഠ അയ്യപ്പ ടെമ്പിള്‍, സനാതനഗർ അയ്യപ്പ ടെമ്പിള്‍, , ശ്രീനിനഗർ  കോളനി അയ്യപ്പ ടെമ്പിള്‍, , സോമജിഗ്‌ദ , , തീരുമലഗിരി ,  വിവേകാനന്ദ  നഗർ  കോളനി , കുക്കാട്  പള്ളി ; കാക്കിനട :  അയ്യപ്പ ടെമ്പിള്‍, ബേണി ഗുഡി  ജങ്ഷന്‍ ; പാളകൊള്ളൂ  – അയ്യപ്പ സ്വാമി ടെമ്പിള്‍, പാളകൊള്ളൂ അയ്യപ്പ സ്വാമി ടെമ്പിള്‍
; വിജയവാഡ  – അയ്യപ്പ സ്വാമി ടെമ്പിള്‍,ഗോളപ്പടി , ധ്യാനമാലകുടു ;വിശാഖപട്ടണം  – അയ്യപ്പ സ്വാമി ടെമ്പിള്‍, ഷീല  നഗർ , NH5.അയ്യപ്പ സ്വാമി ടെമ്പിള്‍ അങ്ങിനെ നീളുന്നു മണികണ്ഠന്‍ സ്വമിയ്കളുടെ ആരധനാലയങ്ങലുടെ നാമനിറയുന്ന സ്ഥലങ്ങള്‍

മലയാളി അവന്റെ കാല്‍പ്പാദം പതിഞ്ഞ ഇടത്ത് അയ്യപ്പന്‍റെ ശരണം വിളികള്‍ ഉയര്‍ത്തി പണിതും ആരാധിച്ചും പോരുന്നു അതാണ്‌ അങ്ങ് വടക്ക് വരെ പല ഇടങ്ങളില്‍ അയ്യപ്പന്റെ അമ്പലങ്ങള്‍ ഉണ്ട്
നാടുവിട്ട മലയാളി  ബോംബയില്‍ മുന്‍പേ പോയി  ഇന്ന് മുംബയില്‍ ഏറെ സ്ഥലങ്ങളില്‍ ഹരിവരാസനം പാടി അയ്യനെ ഉറക്കുന്നുണ്ട് അതായത്

 കഞ്ചൂര്‍ മാര്‍ഗിലെ എന്‍ സി എച് കോളനിയില്‍ സ്ഥിതി ചെയ്യുന്ന കാനനവാസനെ കാണ്ണാന്‍ ശബരി മല കയറും പോലെ ഏറെ പടി കെട്ടുകള്‍ കടന്നു ശരണ മന്ത്രത്താല്‍ കയറി എത്തുന്ന മലയാളിയുടെ മിനി ശബരിമല ഏറെ ഭക്തരെ ആകര്‍ഷിക്കുന്ന ആരാധനാലയം ആണ് മണ്ഡലമഹോല്‍സവും ഘോഷയാത്രയും ഉണ്ട് , എല്ലാ കൊല്ലവും പെരിയ സ്വാമിയായ ശ്രീ നമ്പിയാര്‍ സ്വാമിയുടെ നേതൃത്തത്തില്‍ തികച്ചും അച്ചടക്കത്തോടെ ഇരുമുടി കെട്ടി കേരളത്തിലേക്ക് തീര്‍ത്ഥാടനം നടത്തുന്നുണ്ട് .നമ്പിയാര്‍ സ്വാമിയെ നേരിട്ട് കാണുവാനും അദ്ദേഹത്തിന്റെ അനുഗ്രഹം വാങ്ങി മാലയിട്ടു എനിക്കും ശബരിമലക്ക് പോകാന്‍ അവസരം ഉണ്ടായിട്ടുണ്ട് .

പിന്നെ എടുത്തു പറയാന്‍ ഏറെ മലയാളിയുടെ ഭക്തിക്കുക്കും അര്‍പ്പണത്തിനും ഉദാഹരണമാണ് മറ്റു പല ക്ഷേത്രങ്ങള്‍ മുംബയില്‍ ഉള്ളത് അതിനെ കുറിച്ചു എഴുതുകില്‍ ഏറെ പറയാന്‍ ഉണ്ട്
 
അയ്യപ്പഗിരി  ശ്രീ  അയ്യപ്പ  ടെംപിൾ , അംബെർനാഥ് വെസ്റ്റ് മുംബൈ   ബംഗുർ  നഗർ  ശ്രീ  അയ്യപ്പ  ടെംപിൾ , മുംബൈ ബോറിവലി  ശ്രീ  അയ്യപ്പ  ടെംപിൾ , മുംബൈ ,സി ബി ഡി  ബേലാപ്പൂർ  ശ്രീ  അയ്യപ്പ  ടെംപിൾ , നവി  മുംബൈ കല്യാൺ  ശ്രീ  അയ്യപ്പ  ടെംപിൾ , മുംബൈ ,മുളുണ്ട്  (West) ശ്രീ  ഗുരുവായൂരപ്പൻ  ടെംപിൾ , മുംബൈ
മീരാ റോഡിലെ അയ്യപ്പ ക്ഷേത്രം ഏറെ ജന ശ്രദ്ധ ആകര്‍ഷിക്കുന്ന ഘടകം അവിടെ ഉള്ള പതിനട്ടാം പടിയാണ്
തനതായ ശൈലിയില്‍ ശബരിമലയിലെ പോലെ പടി പൂജയും വിശുദ്ധിയും നിലനിര്‍ത്തുന്നുണ്ട് അവിടെ .

 ,ഇന്ദ്രാണി നദിക്കരയില്‍ ശാസ്താ ഹില്സ് പ്രകൃതി രാമണിയമായ സ്ഥലത്ത് സ്ഥിതി ചെയ്യുന്ന മഹാരഷ്ടത്തില്‍ പുണെയില്‍ ദെഹ്  റോഡ്  അയ്യപ്പ  ടെംപിൾ 1964 ല്‍ തുടങ്ങി വച്ച മലയാളിയുടെ അക്ഷീണ പ്രയത്നവും ഭക്തിയുടെ ആവെശംത്താല്‍ ഇന്ന് ഇവിടെ ചുറ്റമ്പല മതില്‍ കെട്ടും ഗജ  വീഥി , ആനക്കൊട്ടിൽ ധ്വജ പ്രതിഷ്ഠ , വലിയമ്പലം , ചുറ്റമ്പലം ഉള്ള പഞ്ചലോഹ നിര്‍മ്മിതമായ അയ്യപ്പ വിഗ്രഹവും ഉണ്ട് ,ഇതല്ലാതെ പുണയില്‍ ധരോണിയിലെ അയ്യപ്പ ക്ഷേത്രവും ഉണ്ട്

  ബറോഡയിൽ  , ന്യൂ സമ അയ്യപ്പ ടെമ്പിള്‍ ബറോഡ ഉള്ള സ്ഥലത്ത് വളരെ ചെറുതെങ്കിലും നിത്യം പൂജയുള്ളതും അന്ന ദാനം നടന്നു വരുന്ന മലയാളികളുടെ  ഒരു ഒത്തോരുമയുടെ അയ്യപ്പ സന്നധി അതല്ലാതെ ഗുജറാത്തില്‍ വേറെയും ക്ഷേത്രങ്ങള്‍ ഉണ്ട് ശ്രീ  അയ്യപ്പൻ  ടെംപിൾ  (ഗോത്രി ) ,ഗാന്ധിധാം  (കച്ച് ) ശ്രീ  അയ്യപ്പൻ   ടെംപിൾ ഗു ജറാത്ത്  ഹലോൽ  ശ്രീ  അയ്യപ്പ  ടെംപിൾ , ഗുജറാത്ത് ,മെഹ്സാന  ശ്രീ  അയ്യപ്പ  ടെംപിൾ , ഗുജറാത്ത്

മലയാളി അവന്റെ ഉദര നിവര്‍ത്തിക്കും നിലനില്‍പ്പിനുമായി ചേക്കേറിയ ഇടമാണ് മദ്ധ്യപ്രദേശത്തെ ഭിലായ് ബിലാസ് പൂര്‍ ജംഷഡ്പൂര്‍ കോര്‍ബ എന്നി സ്ഥലങ്ങള്‍ അവിടെയും അയ്യപ്പന്‍റെ നാമം ഇന്നും നില നിന്നുപോകുന്നു അതിനായി ഏറെ ഭക്തിയോടെ പണി കഴിപ്പിച്ച ക്ഷേത്രങ്ങള്‍ ഉണ്ട്
ഭിലായ്  ശ്രീ  അയ്യപ്പ  ടെംപിൾ , ഛത്തീസ്ഗഢ് ,ബിലാസ്പുർ  ശ്രീ  അയ്യപ്പ  ടെംപിൾ ,  ബിസ്‌റാംപുർ  ശ്രീ  അയ്യപ്പ  ടെംപിൾ , കോർബ  ശ്രീ  ധർമശാസ്താ  ടെംപിൾ , .ജംഷഡ്‌പൂർ  ശ്രീ  കൃഷ്ണ  ടെംപിൾ

മലയാളി ചെല്ലാത്ത ഇടങ്ങളില്ല ഒപ്പം അയ്യനും
ചണ്ഡീഗഡ്  ശ്രീ  അയ്യപ്പൻ  ടെംപിൾ പഞ്ചാബ് ,,
ഗോപാൽപുര  (മഹാവീർ  നഗർ ) ശ്രീ  അയ്യപ്പ  ടെംപിൾ , ജയ്‌പൂർ ,

തലസ്ഥാന നഗരിയിയിലും അയ്യന്റെ നാമം ഉയര്‍ന്നു കേള്‍ക്കുന്ന മലയാളിയുടെ ഭക്തി തെളിയിക്കുന്ന ക്ഷേത്രങ്ങള്‍ ഉണ്ട്
ശ്രീ അയ്യപ്പ ടെംപിൾ ആര്‍ കെ പുരം ഡല്‍ഹി, എന്‍ സി ആര്‍ , ലോർഡ്  അയ്യപ്പ  മന്ദിർ ,മയൂര്‍ വിഹാര്‍ അയ്യപ്പ മന്ദിര്‍ , അയ്യപ്പ ടെമ്പിള്‍ രോഹിണി  , അയ്യപ്പ റെമ്പ്ലെ ദ്വാരക  അയ്യപ്പ  ടെംപിൾ  പുഷ്പ്  വിഹാർ ഡല്‍ഹി.

 ഡല്‍ഹിയും യുപി അതൃത്തിയില്‍സ്ഥിതി ചെയ്യുന്ന ബ്രിജ് വിഹാര്‍ അയ്യപ്പ ടെമ്പിള്‍ ഗാസിയാബാദ് ,നോയിഡയിലെ ഇൻഡസ്ടറിയല്‍ ഏരിയയിലെ അയ്യപ്പ സേവാ സമിതി നടത്തുന്ന അയ്യപ്പ ക്ഷേത്രം
ഹരിയാനയിലും അയ്യപ്പന്‍റെ ക്ഷേത്രം ഉണ്ട് അയ്യപ്പ  ടെംപിൾ  ഗുർഗാവുണ്‍ ,

ദേവനഗരിയായ് ഹരിദ്വാരിലും അയ്യപ്പ നാമം ഉയര്‍ത്താന്‍ മലയാളി മറന്നില്ല.ഹരിദ്വാര്‍ അയ്യപ്പ സമിതിയാല്‍
1988 ൽ പണി പൂര്‍ത്തിയാക്കപ്പെട്ട  അയ്യപ്പ ടെമ്പിള്‍ ഹരിദ്വാര്‍

എസ് എം നഗര്‍ ശാസ്താ സമിതി അയ്യപ്പ ടെമ്പിള്‍ സര്‍ക്കാര്‍ പുല്‍ കൊല്‍ക്കത്ത .ഒരു പറ്റം മലയാളികളുടെ അക്ഷീണ പ്രത്നത്താല്‍ മുടങ്ങാതെ 36 വര്‍ഷമായി അയ്യപ്പ പൂജ നടത്തി വരുന്നു ഒപ്പം എടുത്തു പറയേണ്ടത് അരെക്കര്‍ സ്ഥലത്ത് ഒരു അയ്യപ്പ ക്ഷേത്രവും ഭജന മണ്ഡപവും ഉയര്‍ത്തി അയ്യന്റെ നാമം വംഗദേശത്ത് മുഴങ്ങി കേള്‍ക്കുവാനും ബംഗാളികളെ നമ്മുടെ അയ്യനെ അയ്യപ്പനെ മനസ്സിലാക്കി കൊടുക്കുവാനും കഴിയുന്നുണ്ട് ഇവര്‍ക്ക്
ഇതിനു പുറമേ വേറെയും അയ്യപ്പന്റെ നടകള്‍ ഉണ്ട് കൊല്‍ക്കത്തയില്‍
ശ്രീ  ഗുരുവായൂരപ്പൻ  സമാജം  കൽക്കട്ട  ലോർഡ്  അയ്യപ്പ  ടെംപിൾ ,ശാസ്താ  സമൂഹം ,ലേക്ക്  അവന്യൂ  കൊല്‍ക്കത്ത ,

മറുനാടന്‍ മലയാളി ശരണമന്ത്രം ഉതിര്‍ത്തു നല്ലൊരു നാളെക്കായി കഴിയുന്നു

സ്വാമിയേ ശരണമയ്യപ്പ ...!!

  

കുറും കവിതകള്‍ - 678

കുറും കവിതകള്‍ - 678

ഓര്‍മ്മകളില്‍ രസമെത്ര
പുളിക്കുന്നെന്‍ ബാല്യമിന്നും
കാറ്റിനുമുണ്ടോരു തേങ്ങല്‍ ..!!

പാറി പറന്നൊരു ശലഭം
പൊന്‍ കിനാവായി വളര്‍ന്നു
കതിര്‍ മണ്ഡപത്തോളമിന്നു ..!!

ഉരുകുമിന്നുമെന്‍ ഉള്ളം
പടവുകളെത്ര കയറിയാച്ഛന്റെ
കൈപിടിച്ചു കണ്ടൊരു ലോകമേ ..!!

കൈവരികള്‍ക്ക്  കുറുകെ
ഒഴുകുന്നുണ്ട് സുഖദുഖങ്ങള്‍
സന്ധ്യാംബര ചക്രവാള കടലിലേക്ക് ..!!

ചോദ്യമിന്നില്ല കാക്കയോടു
കൂടെവിടെ എന്ന്
നേരമില്ലയൊന്നിനുമേ  ..!!


വിശപ്പിനു ഇരയാകുന്നു
ഒന്നിനുവേണ്ടി മറ്റൊന്ന്
എല്ലാമൊരു ജീവിത നാടകം ..!!

തുള്ളികളില്‍ നിഴലിക്കുമൊരു
ശലഭ കണ്ണുകള്‍ തേടുന്നു
മഴവസന്തം  മോഹനം ..!!

മലരുന്നാകാശം
മേഘ പൂക്കളില്‍ .
ചിത്തം നിറച്ചു  പ്രകൃതി ..!!

നീലപ്പീലിവിടര്‍ത്തിയാകാശം
ഇലയില്ലാ കൊമ്പില്‍
വേഴാമ്പല്‍ സന്തോഷം ..!!

കരീലയിലൊരു ഞരക്കം
കാതോര്‍ത്തു കിടന്നു
ഇനി വണ്‍ശംഖിന്‍ ഊഴം ..!!

പ്രാതലുകളുടെ സ്വപ്നം

പ്രാതലുകളുടെ സ്വപ്നം

പ്രാതലിനു കടലു പോലെ കടലക്കറി
അതില്‍ വിശപ്പെന്ന അപ്പം മുങ്ങി പൊങ്ങുന്നു
പല്ലിന്‍ കോട്ടയില്‍ എല്ലില്ലാ സ്വാദ് നുണയുന്നു
ചായക്കോപ്പയ്ക്കുള്ളിൽ, മധുരമില്ലാ കൊടുങ്കാറ്റ്
കാത്തിരിപ്പിന്റെ നങ്കുരമിട്ടു കീശയുടെ പ്രധിഷേധം
ചില്ലറയില്ലാതെ വല്ല്യയറയായ് പനിനീര്‍പ്പൂ നിറത്തില്‍
ഗാന്ധിജിയുടെ പല്ലില്ലാ മോണകാട്ടി നിഷ്കളങ്കഭാവം
ചില്ലറക്കായി ചില്ലിട്ട കൂട്ടിലിരുന്നു വീര്‍പ്പുമുട്ടുന്ന
ബോണ്ടാ വേണ്ടായെന്നു നിഷേധമറിയിക്കുന്ന, മനം
തഴുതിട്ട കാലിലെ ബാറ്റാ ചെരിപ്പിന്‍ ഞെരുങ്ങി
ഉച്ചത്തില്‍ ഉച്ചക്കുള്ള വകനോക്കണമെന്നു
അകലെ മച്ചിലിരുന്നൊരു മൊബൈല്‍
പല്ലിപോലെ ചൊല്ലി അതോ അശരീരിയോ
''കവി മതിയാക്കുകയീ കപിയുടെ അക്ഷര
എറുമ്പുകളുടെ ഈ നീണ്ട ഘോഷയാത്ര.
അന്യന്റെ മുന്നില്‍ വിളമ്പാന്‍ തിടുക്കപ്പെട്ടു
കാത്തു നില്‍ക്കുന്നു മുഖപുസ്തക താളുകളും
വയ്യാവേലി കടന്നു വായും പിളര്‍ന്ന വാട്ട്സാപ്പും
അന്യന്റെ അഭിപ്രായ ഭിക്ഷയും ഇഷ്ടമെന്ന
തള്ളവിരലുകളുടെ എണ്ണം എടുക്കലും കഴിയുമ്പോഴേക്കും
ഓ...!! അത്താഴത്തിന്റെ താഴ് തുറക്കാറായല്ലോ
ഉറക്കത്തിന്റെ സൂത്രവാക്ക്യം മറക്കാതിരിക്കാന്‍
ശ്രമിച്ചു അറിയാതെ കണ്ണടഞ്ഞു പോകുന്നു
അടുത്ത പ്രാതലിന്‍ സ്വപ്നം കണ്ടു കൊണ്ട് ...!!

ജീ ആര്‍ കവിയൂര്‍
13 -൦1-2017
ഒരു സെഫ്ലി ചിത്രം

മൊഴിയുക

മൊഴിയുക

മൊഴിമുട്ടി പോയാല്ലോ..!!
മോരും മുതിരയും പോലെയാവല്ലോ ..!!
മൊഞ്ചത്തിയെന്തെ നിൻ
മുല്ലപ്പൂ പുഞ്ചിരി ഇല്ലാത്തതു
മാനത്തു വിരിഞ്ഞത് മറയാറായി
മുരടനക്കുകയൊന്നു കേൾക്കട്ടെ
മൗനമിനി എത്രത്തോളം
മതിയാക്കുകായീ മണിയൊന്നു
മുഴക്കുക മണിമുത്തേ മലർമുത്തേ..!!
മഴയൊക്കെ പോയി മാനം തെളിഞ്ഞല്ലോ
മനസ്സിലിനിയുമെന്തേ മാറാതെ മേഘപടലങ്ങൾ
മഴവില്ലിനിയും വരും മയിൽ നൃത്തമാടും
മടിയാതെ വന്നീടുക മൊഴിയുക വീണ്ടും ......!!

ജീ ആര്‍ കവിയൂര്‍
08 -01 -2017
ചിത്രം ഗൂഗിളിനോടു കടപ്പാട് ..

ഉത്സവ രാവുകൾ ..!!

ഉത്സവ രാവുകൾ ..!!

അന്നിനുമിന്നിനുമെത്ര മാറ്റമെന്നോ
അന്നൊക്കെ മിന്നാമിന്നികളായിരുന്നു
മനസ്സിന്റെ ഉള്ളിലാകെ മത്താപ്പു പൂത്തിരി
മാനത്തു മിന്നുമൊരു മിന്നാര കിനാക്കളായിരുന്നു
ഇന്നിന്റെ നിറങ്ങൾക്ക് എത്ര മികവെന്നോ
മായാമയം എല്ലാം മിനിഞ്ഞാന്നിന്റെ
മഞ്ഞളിച്ച മായുന്ന മുഖങ്ങൾ
ഉത്സവരാവിന്റെ മായികഭാവം
ഉത്സാഹം വീണ്ടെടുക്കാനെവിടേയോ
നിന്നും ഊർജ്ജം തേടുന്ന ദിനങ്ങൾ
ഉയർത്തെഴുന്നേൽക്കുമിനിയും
മൈനാകമാകും ശക്തിയുക്തനായി
ഹനുമാനാവുമെന്നു ഉറച്ച കാലടികളോടെ
പടികളേറി തനവും മനവും ഉന്മേഷമേകി
തഴുകിയകന്നു ഒരു കിഴക്കൻ കാറ്റ് ...!!

ജീ ആര്‍ കവിയൂര്‍
17-1-2017
കവിയൂര്‍ അമ്പലത്തിന്റെ കിഴക്കേ നടയില്‍ നിന്നും മൊബൈല്‍ ചിത്രം

നിന്‍ അരികില്‍ ..!!

നിന്‍ അരികില്‍ ..!!

അരികില്‍ നീ വരുമോ എന്‍ ഹൃദയ പൂങ്കൊടിയേ...
അകലെ നീ നില്‍ക്കുന്നുവോ പൂനിലാവിന്‍ തേന്‍ങ്കണമേ
അഴകേ നിന്നെ ഓര്‍ക്കാത്തൊരു നാളുമില്ലിനിയുമറിക
അണയാന്‍ അറിയാതെ  തുടിക്കുന്നു എന്‍ കരളേ .....

അലിയാമിനി നിന്നില്‍ പെയ് തിറങ്ങാനൊരു
ആലിപ്പഴ മഴയായ്  ഓര്‍മ്മകളെന്നില്‍ നിറയുന്നു
ആ നാളിനിയെന്നു വരുമെന്ന് കാത്തിരിപ്പു മനമൊരു
ആലിലയായി ഇളകി നില്‍പ്പു കുളിര്‍ കാറ്റലയില്‍ .....

ആഴക്കടലുകള്‍ കണ്ടു നിന്‍ കണ്ണിണകളില്‍
അറിയാതെ ചിമ്മും കണ്പോള തിരകളായ്
അലയായ് തഴുകി നിന്‍ സ്നേഹ മണല്‍ തരികള്‍
അടുക്കും തോറുമകലുന്നുവോ  നീ എന്‍ കനവുകളായിരമായ് .......

ജീ ആര്‍ കവിയൂര്‍
24 -1- 2017

Sunday, January 8, 2017

വിടതരിക


വിടതരിക

ഉദയാസ്തമയങ്ങൾക്കിടയിൽ
ഒഴുകി നീങ്ങുന്നുണ്ടു
ജീവിതവഞ്ചി ..!!

എങ്കിലും അറിയുന്നു ഞാനിപ്പോൾ
എന്റെ ഉള്ളിൽ നീ വിടര്‍ന്നു നില്‍പ്പു
ഒരു ഓർമ്മ പുഷ്പമായ്  ..!!

എപ്പോഴും നീ മൗനവാല്മീകത്തിലായിരുന്നു
നിന്‍ കൃഷ്ണമണികളുടെ ചലങ്ങള്‍ എന്റെ
തൂലികക്കു തുണയേകിയിരുന്നു ..!!

നിന്‍ പ്രണയത്തിന്റെ സ്വാദ്
എന്‍  വിരഹത്തിന്‍ വിശപ്പ്‌
അറിയിക്കുന്നു അക്ഷര നോവിലുടെ ..!!


എന്റെ കൈകുമ്പിളിലെ ജലവും
കാല്‍ചോട്ടിലെ മണ്ണും
കണ്ണുകളിലെ അഗ്നിയും

ചിദാകാശവും നേരിന്റെ ശ്വാസവും
എന്നെ വിട്ടകലും പോലെ
ഇനി വിടതരിക .....

എന്‍  ആത്മാവിന്റെ
ആഴത്തിലേക്ക് അലിയട്ടെ
നീയും ഞാനുമെല്ലാമൊന്നെന്നു അറിയുന്നു ...!!

ജീ ആര്‍ കവിയൂര്‍
8-1-2017

എന്റെ മൊബൈല്‍ ചിത്രം മെട്രോ സ്റ്റേഷന്‍ esplanade കൊല്‍കത്ത

Thursday, January 5, 2017

തു ഫെലെ ....... (രവീന്ദ്ര സംഗീതം മൊഴി മാറ്റാന്‍ ഉള്ള ഒരു എളിയ ശ്രമം )

തു ഫെലെ .......

(രവീന്ദ്ര സംഗീതം മൊഴി മാറ്റാന്‍ ഉള്ള ഒരു എളിയ ശ്രമം )


നീ ആരെയാണോ വിട്ടുവന്നിരിക്കുന്നതു മനമേ
മനമേ, എൻ മനമേ .........മനമേ..!!
ആ ജന്മവുമകന്നുവല്ലോ ശാന്തിയുമെന്തേ കിട്ടിയില്ലല്ലോ
മനമേ,.... എൻ മനമേ .........മനമേ ...!!

ഈ വഴികളിലൂടെ അല്ലോ നീ നടന്നകന്നത് മറന്നകന്നോ
നീയെങ്ങിനെയാണോ   ...ആ പടിവാതിലിലേക്കു വീണ്ടുമെങ്ങിനെ
തിരികെ നടക്കുക പറയു മനമേ ...എൻ മനമേ ...മനമേ ..!!

നദിയിലെ നീരൊഴുക്കിൽ ശ്രദ്ധ മാറിമറിഞ്ഞുവോ......
പ്രാണൻ വിറപൂണ്ടതെപ്പോൾ മനമൊന്നറിഞ്ഞതേയില്ല
പൂവിന്റെ മൊഴിയറിയാന്‍  ശ്രമിക്കും മനം
വഴിതേടുന്നു സന്ധ്യാംബര താരകങ്ങള്‍ക്കുമപ്പുറം
മനമേ, എൻ മനമേ .........മനമേ ..!!

വിവര്‍ത്തനം : ജീ ആര്‍ കവിയൂര്‍
മൊബൈല്‍ ചിത്രം ധര്‍മതോല (ആള്‍ ആളെ വലിക്കും റിക്ഷയില്‍ )

കല്‍ക്കണ്ട നഗരമേ നന്ദി

കല്‍ക്കണ്ട നഗരമേ നന്ദി

മാൻ മിഴി നോട്ടവും                       
ഇരുളിലൊരു മെഴുകുതിരി വെട്ടം                     
മുനിഞ്ഞു കത്തുന്ന മനസ്സ്                       
ജീവിതത്തെ ചഷക സമാനമാക്കിയ ചിരി                    
അതിൽ നിറയുന്ന ലഹരിയിൽ
എല്ലാമൊരു  നിസ്സംഗ ഭാവം                      
അറിവിന്റെ ആകത്തളങ്ങളിൽ
നിറച്ച പൂത്തിരിയുടെ പ്രഭ                    
വെണ്ണിലാവിനെ മറക്കും
മേഘ ഇരുളിൽ ഒരു മിന്നാ മിന്നി                       
ഇനിയെന്തു പറയണമെന്നറിയില്ലയെനിക്ക്
നിഴലുകളിൽ വേണ്ടാത്തതോ
അക്ഷര തിളക്കം മായാതെ നിൽക്കട്ടെ
അതിൽ മുങ്ങി കുളിക്കും നിന്നെ കാണാൻ ഏറെ അഴക്
പൊലിയാതെ ഇരിക്കട്ടെ ഈ ഓർമ്മ താളിലായി
സൗഹൃദ സമ്പത്തെ ഓ കൽക്കണ്ട 
 നഗരമേ നന്ദി....!!

Wednesday, January 4, 2017

മുഖമില്ലായിമ

മുഖമില്ലായിമ

രാവിൻ ഇടനാഴിയിലൂടെ നടന്നുമെല്ലെ
അങ്ങ് നക്ഷത്രങ്ങൾ മിന്നി തീരുവരേക്കും
മേഘതിരമാലകിളിലൂടെ നീന്തി
ജീവിച്ചു ഇരുളിന്റെ മനോഹാരിതയിൽ

ഞാൻ ഒഴിഞ്ഞുമാറുവാൻ ശ്രമിച്ചു
ഓർമ്മകൾ കൊണ്ടെത്തിച്ചോരു
അവനവൻ തുരുത്തിലൂടെ പ്രകൃതിയുടെ
നഗ്നസത്യങ്ങളറിഞ്ഞു പ്രപഞ്ചതന്‍മാത്രകളില്‍
മനസ്സിലാക്കി ജീവിത നാടകങ്ങള്‍കണ്ടു
ഓരോ നിമിഷ സഞ്ചാരങ്ങളില്‍ എന്നെയറിയുന്നു

എന്തിനു വിളിച്ചു കൂവണം അര്‍ത്ഥമില്ലാത്ത
വാക്കുകള്‍ തീര്‍ക്കുന്ന പല്ലിന്‍ കോട്ടയിലെ
എല്ലില്ലാ മാസ്ലമൃതുല തന്തികള്‍ മീട്ടണം
ചിന്തിക്കുന്നത് ഒന്നും പ്രാവര്‍ത്തികം വേറൊന്നും
എങ്ങുമെത്താതെ നാം ഉഴലുന്നുവല്ലോ
അസത്യ പാതകളില്‍ എങ്കിലും അറിയുന്നുവല്ലോ
ഉള്ളിന്‍റെ ഉള്ളിലെവിടെയോ മറഞ്ഞിരുന്നു
മൂളുന്നു മുഴക്കുന്നു ഞാനും എന്റെ എന്നും
സ്വാര്‍ത്ഥതയുടെ കാല്പനികത

നോക്കാമിനിയും ആത്മാവിന്‍
ഉള്ളിലെ പ്രതിബിംബങ്ങളെ
സത്യത്തിന്‍ ബീജങ്ങള്‍ അംഗുരിക്കുന്നത്
അറിഞ്ഞും അറിയാതെയും മോഹങ്ങളുടെ
മായാ ബന്ധങ്ങളില്‍ പെട്ട് നട്ടം തിരിയുന്നു

കണ്ണുകള്‍ തുറക്കുക ഉള്ളിലേക്ക് നോക്കുക
പറയുന്നത് ചിന്തിക്കുന്നതും പ്രവര്‍ത്തിക്കുന്നതും
തമ്മില്‍ ഐക്യമുണ്ടാവട്ടെ വരൂ ഇനിനമുക്കു
തുടച്ചു നീക്കാം മുഖമില്ലാത്ത ജീവിതം ...

Monday, January 2, 2017

ഞാനിന്നു കണ്ട നഗരി

ഞാനിന്നു കണ്ട  നഗരി
കാളികാത്തവരേ നിങ്ങള്‍തന്‍
മണ്ണും  മണവും പെണ്ണും പണവും
മത്സ്യവും മാംസളമായതിന്‍  പിന്നാലെ
പായുമ്പോഴും രവിന്ദ്ര സംഗീതവും
ബാബുല്‍ ഗീതങ്ങളും ഉത്സവവാത്സല്യ
പേരുമകളും ഇല്ലായിമ്മയിലും
കലപില പറഞ്ഞു കല്‍ക്കണ്ട മധുരം
നുണയാനാവാതെ ഓരോരുത്തരുടെയും
പരക്കം പാച്ചിലുകള്‍ കാണുമ്പോള്‍
ഇവരല്ലോ കടം കയറും അളങ്ങളില്‍
വന്നു പങ്കാളിയായി പെണ്‍ കാലന്മാരാവുന്നത്
മൂത്ത് നരക്കാറാവുമ്പോളല്ലോ മാഗല്യയോഗം
കണ്ണെത്താ ദൂരത്തോളം ഗംഗയൊഴുകുന്ന
കറുത്ത മണ്ണിന്‍ ഉടമയിവര്‍ മലയാളിയുടെ
അംഗീകരിക്കാത്ത സ്വഭാവത്തിനു മുന്നില്‍
എത്രയോ ലളിതമാണിവരുടെ ജീവിതങ്ങള്‍ .....!!


മൊബൈയില്‍ ചിത്രങ്ങള്‍
കൊല്‍കത്ത ബിര്‍ള മന്ദിര്‍ ,കാളിഘാട്ടില്‍ നിന്നും
ജീ ആര്‍ കവിയൂര്‍
1.1.2017