Sunday, June 30, 2013

വര്‍ണ്ണ വിചിത്രം


വര്‍ണ്ണ വിചിത്രം

വിചിത്രമി പ്രകൃതിയുടെ
വികൃതിയോ മായാജാലമോ
വല്‍മീകങ്ങളില്‍ നിന്നു
വിരിഞ്ഞു പറന്നു പൂക്കള്‍ക്കു
ചുറ്റും മന്സ്സു നിറയെ ആശകളാല്‍
നടക്കുന്നു പ്രണയത്തിന്‍
പിന്നാലെയെന്നു എണ്ണുന്നു
കവികുല ജാലങ്ങള്‍
സത്യമെന്നറിയാതെ
കുറ്റപ്പെടുത്തുന്നു വെറുതെ
ഇവകളെല്ലാം പ്രകൃതിയുടെ
വിരല്‍തുമ്പിന്‍ മുന്നില്‍
കളിപ്പാവകളല്ലേ  എങ്കിലും
വരികളില്‍ നിറഞ്ഞു നില്‍ക്കും
നഷ്ട വസന്തത്തിന്‍ ചേലുള്ള
ശ്വാസനിശ്വാസങ്ങള്‍ ശലഭങ്ങള്‍

Saturday, June 29, 2013

ഒരു ചാറ്റ് വിശേഷം


ഒരു ചാറ്റ് വിശേഷം

അവളെ അവന്‍ വിളിച്ചു ചോദിച്ചു
ചക്കരെ ചോറുണ്ടോ എന്ന്
മറുപടിയായി മൊഴിഞ്ഞു ഇല്ല പഞ്ചാരേയെന്നു
പിന്നെയും പോകാതെ കാല്‍ നഖത്താല്‍
ഭൂമിയില്‍ വരച്ചു നിന്നപ്പോള്‍
അവന്‍ പറഞ്ഞു വൈകാതെ പോയി വരൂ പൊന്നെ
മറുപടി പോയി വരാം തങ്കമേയെന്നു
ഇഷ്ടം എനിക്ക് നിന്നോടു ഉപ്പോളം
അതല്ലേ പറഞ്ഞത് പോയി വരൂ എന്ന്
അവള്‍ ലജ്ജയോടെ മൊഴിഞ്ഞു
എനിക്ക് നിന്നോടു ഇഷ്ടം കടലോളം
അവന്‍ ധൈര്യമായി പറഞ്ഞു, നിന്നോടു
ഈ അന്തമാം ആകാശത്തോളം ഇഷ്ടമെന്ന്
ചിരിച്ചു കൊണ്ട് വീണ്ടു നില്‍ക്കുന്നത് കണ്ടു
അവന്‍ പറഞ്ഞു പിന്നെ നിന്നാല്‍ താളം ഏറും
അനുരഗമേറും,കുറ്റം  പറയാതെ പോയി വരൂ
ഞാന്‍ പോയി വരാം ,അത് കേട്ട് അവന്‍
മകളെ പോയി വരൂ വയറു നിറക്കു
എനിക്ക് നിന്നോടു ഇഷ്ടം കടലലയോളമെന്നു
അത് കേട്ടവന്‍ പറഞ്ഞു ഇനി നിന്നാല്‍
താളം മുറുകും അനുരഗ മേറും
കുറ്റം  പറയാതെ പോയി വരൂ
ഇല്ലേങ്കില്‍ ഇതൊക്കെ ചേര്‍ത്തു ഞാന്‍ കവിത
ഒരുക്കുമേ എന്ന് അത് കേട്ടവള്‍
ഉറക്കെ പറഞ്ഞു അയ്യോ അയ്യോ
പിന്നെ പോയ വഴിക്കവള്‍
തിരിഞ്ഞു വന്നതേ ഇല്ല ?!!



സംശയം

സംശയം 

ഏറുന്നു ദുരിതങ്ങള്‍
രൂഡമൂലമാം അകല്‍ച്ചകളുടെ 
കാണാകാഴ്ചകളായിന്നു 
പരസ്പ്പര പൂരകങ്ങളാകാതെ
ധ്രുവങ്ങളായി വികര്‍ഷിക്കുന്നു 
നൊമ്പരങ്ങള്‍ അവനവന്‍ 
തുരുത്തുകളില്‍ കുഴിച്ചു മൂടി 
അതിന്‍ മേല്‍ തിറതിര്‍ത്തു 
ഫണമുയർത്തി ശത്രു ഭാവേന
കാണുന്നു സ്വയം ആരെന്നു
മനസ്സിലേൽക്കാതെ അഹം
വാഴുന്നു ചക്രവർത്തി കണക്കെ
ഇതിനൊരറുതി വരട്ടെ
അകലട്ടെയി സംശയ ഭൂതം

Friday, June 28, 2013

ഏകാന്തതയുടെ സ്വപ്ന മുഖങ്ങൾ

ഏകാന്തതയുടെ സ്വപ്ന മുഖങ്ങൾ 

സ്വപ്നങ്ങളില്ലാത്ത ലോകത്തെക്കോ 
സ്വയം തിരഞ്ഞും തിരിഞ്ഞു നോക്കി 
സ്വപ്നങ്ങൾ മൃതിയടഞ്ഞാൽ ജീവിതം 
സർവതും നഷ്ടപ്പെട്ട പോൽ അല്ലോ 

ചിറകൊടിഞ്ഞ പറക്കാൻ കഴിയാത്ത 
ചെറു കുരുവിയെന്നോണം ദാഹാർത്തയായി
ചുവപ്പാർന്ന മാനം നോക്കി കണ്ണുകളടച്ച് 
ചിത്രം ചമക്കുന്നു ഉയരങ്ങളിൽ പറക്കുവാൻ

തപസ്യ അനുഷ്ടിക്കും ഉഷരമാം ഭൂവിന്റെ
താങ്ങാനാവാത്ത ദുഖങ്ങളുടെ ചിതകൾ
തോള് കൊടുക്കുവാനില്ലത്ത മൃതികൾ
താഴവരങ്ങളിൽ തളർന്നു തേടുന്ന അഭയം

ഇഴഞ്ഞു നിങ്ങും ദിങ്ങളുടെ ദൈന്യത
ഇമയടച്ചു കാണാൻ ആഗ്രഹിക്കാത്ത
ഇളിക്കും മുഖങ്ങൾ ഹോ ക്രൂരം
ഇനിവേണ്ടയി വേദനയുടെ കനവുകൾ .

പെരുമ

പെരുമ 

പൊള്ളയല്ലാത്തൊരുയി 
പെരുമഴ താളം പോലെ 
പെയ്യ്തിറങ്ങുന്ന മലയരാഗം 
പൊങ്ങിയും താണും മോഹിതമാക്കട്ടെ 
പെരുമ്പറ കൊട്ടുമെന്‍ ഹൃദയത്തിന്‍ ഭാഷ 
പൊലിയാതെ മനസ്സിനുള്ളില്‍ ഓളങ്ങള്‍ തീര്‍ക്കും 
പൊലിമ പകര്‍ത്തുന്നു ഓണവിഷു പാട്ടുകളില്‍ 
പൊന്നോമന മക്കള്‍ തന്‍ ചുണ്ടുകളില്‍ കളിയാട്ടട്ടെ 
പെരുമ പരത്തട്ടെ എന്‍ മധുരം മലയാളം

Wednesday, June 26, 2013

മാനസ യാത്ര




മാനസ യാത്ര

ഒരു സ്വപനം വീണു
മഞ്ഞുതുള്ളിയായ്
പുല്‍കൊടി തുമ്പില്‍
സൂര്യ കിരണ കിരണങ്ങളേറ്റു
കണ്ണുകളതു കവര്‍ന്നെടുത്തു
നിമിഷങ്ങള്‍ക്കുള്ളില്‍
സ്വര്‍ഗ്ഗം പൂകിയിവകള്‍
രാവു പിറന്നോടുങ്ങുമ്പോള്‍
പുനര്‍ജജനിക്കുന്നു ഒപ്പം

പറക്കുവാനൊരുങ്ങി
മുഖമുയര്‍ത്തി കാറ്റിന്‍
മര്‍ദ്ദം ഏറ്റുവാങ്ങി
മനസ്സു ഞാന്‍ അറിയാതെ
എങ്ങോ പറന്നകന്നു

കടലിലുടെ ഒഴുകാനൊരുങ്ങി
ആഴമറിയാതെ നില്‍ക്കുമ്പോള്‍
ഞാന്‍ അറിയാതെ മനസ്സിന്‍ യാത്ര
തുടങ്ങി എവിടെയൊക്കെയോ
പോയി നങ്കുരമിട്ടു

മനസ്സിന്‍ പിറകെ പോയി
മലകള്‍ കടന്നു കാറ്റിന്‍ കുളിരറിഞ്ഞു
മഞ്ഞു തുള്ളികള്‍ വീണു തല നനഞ്ഞു
വെയിലെറ്റ് കണ്ണുകള്‍ മഞ്ഞളിച്ചു
ചന്ദ്രന്റെ ചിരിയില്‍ മയങ്ങി
താരകങ്ങള്‍ കണ്ണുചിമ്മി
അവസാനം സൂര്യന്‍
അസ്തമിക്കാതെ ആയി
തിരികെ വരാനാകാത്തവണ്ണം




Tuesday, June 25, 2013

പടു മഴയോട്


പടു മഴയോട്

കദനങ്ങളെയകറ്റും കനവിൻ
കിനിവിൻ കനിയൊ കാതരയോ
ഇദയത്തിൽ ഈണം പകരും
ഇതളഴിയാതെ ഇമയടയാതെ
പ്രതീക്ഷയായ് പ്രാര്‍ത്ഥനയായ്  
പ്രണയ പ്രളയമോ പ്രാണനോ നീ
മണ്ണിൻ മണമായ് വിണ്ണിൻ നിറമായ്‌
മനസ്സിൻ കുളിരായ് വീണ്ടും വീണ്ടും
പെയ്തൊഴിയും നീർമുത്തോ
പടുമഴയായ് മാറിയതോ നീ
വഴിയറിയാതെ നിലയറിയാതെ

കുറും കവിതകള്‍ 107


കുറും കവിതകള്‍ 107

പഴം  കഥയുടെ  പെരുമകൾ
ഇന്നും ഓര്‍മ്മിപ്പിക്കുന്നു കല്ലുകള്‍
ഒരു അച്ഛന്‍ മകളോട് പറഞ്ഞത്

മുന്‍പിന്‍ നോട്ടമില്ലാത്ത കാറ്റിനോടൊപ്പം
കടലവള്‍ ഉയര്‍ന്നു താണു
ഗര്‍ഭത്തിലെ ജീവനെ ഓര്‍ക്കാതെ

വറ്റിയ പുഴയുടെ
അസ്ഥിവാരത്തില്‍ സൂര്യതാപമേറ്റ്
തിളങ്ങുന്ന കല്ലുകള്‍

നിരത്തിലെ പൊരിവയറിന്‍
നോവറിയാതെ
ഇന്നോവയിലേറി കുതിക്കുന്നു.

ഘടികാര കൈകള്‍
കടന്നകന്നു
പ്രായം അറിയിച്ചു കൊണ്ട്

പള്ളി റാസ നീണ്ടു
ആരുടെയും ശ്രദ്ധയിൽ പെടാതെ
ഉറുമ്പുകളുടെ നിരയും

വെള്ളാരം കല്ലുകൾ
നിഴലൊരുക്കുന്നു  ഭിത്തിമേൽ
പുഴയറിയാതെ

ത്രികോണങ്ങളുടെ
പിറകെ പാച്ചിലിൽ
ജീവിതമറ്റു പോകന്നു

Sunday, June 23, 2013

കുറും കവിതകള്‍ 106


കുറും കവിതകള്‍ 106


കാറ്റ് മൂളി
മേഘങ്ങൾ ചിണുങ്ങി
കച്ചേരിക്കൊരുങ്ങി മഴ  

മഴ മേഘങ്ങൾക്കൊപ്പം
കഴുകന്മാർ  വട്ടമിട്ടു പറന്നു
പ്രളയ ഭൂമിക്കുമേലെ


വേനലിൻ അയനം
ഒരു കരിയിലയെ
മഴക്കായി കുമ്പിളുകുത്തി

നിന്നെ പിന്തുടർന്നു
പല്ലുകൾ കടിച്ചു പിടിച്ചുകൊണ്ട്  
പുഴയുടെ ഇരുളിലേക്ക്

പ്രണയം എഴുതാത്ത
വാക്കുകളില്ല  വരികളില്ല
അതാണ്‌ അതിന് ശക്തി

മഞ്ഞു മൂടിയ മലയെ
പൂവുകള്‍ അലങ്കരിക്കുന്നു
കണ്ടു മനസ്സും കുളിര്‍കോരുന്നു


മഴപൂരം
പള്ളിക്കുടത്തില്‍
ദുരിദാശ്വാസ കഞ്ഞി വിതരണം

ആത്മാവിന്റെ കവാടങ്ങളായ
മിഴികളിലൂടെ പ്രവേശിച്ച്
മനസ്സില്‍ മുഴുവന്‍ വ്യാപിക്കുന്നു പ്രണയം.

കുറും കവിതകള്‍ 104

കുറും കവിതകള്‍ 104 

നിൻ മൗനവും 
നിസ്സംഗ ഭാവവും 
ഉറക്കം കെടുത്തി 

ചാറ്റും ചീറ്റും കഴിഞ്ഞു 
വഴിയാധാരമായി പലരും 
പഴിക്കുന്നു മോഹ പുസ്തകത്തെ 

മധുരിച്ചിട്ടു തുപ്പാനും
കയിച്ചിട്ടുയിറക്കാനുമാവാതെ
തികട്ടിവന്നു പ്രണയം

സംഗമം കാത്തു മടുത്ത്
നൊമ്പര പൂവിരിഞ്ഞു
അസഹ്യതയുടെ നാളുകള്‍

നിമിഷങ്ങളുടെ സുഖം
സ്ഖലിച്ചു പോയി
വേദനയുടെ തുടക്കം

കുറും കവിതകള്‍ 105


കുറും കവിതകള്‍ 105


സരിതോർജ്ജ്യം പോരാഞ്ഞിട്ടും
ആപ്പിളും തിന്നു മടുത്തിട്ടും
ഉത്തേജനത്തിന് കുറവൊന്നുമില്ലല്ലോ

കാറ്റാടിക്കായി
കാശിറക്കിയവര്‍ക്കു
സൂര്യ താപത്തിന്‍ പൊള്ളല്‍

കൊലിസ്സിൻ കിലുക്കം
തിരിഞ്ഞു നോക്കാതെ
പുഴയൊഴുകി മനസ്വിനിയെപോൽ

കരിവണ്ടിനെ പോൽ
മുത്തമിട്ട് അകന്നു
മുകിലുകൾ മലയെ

വണ്ടേ നിന്‍ ആശകൊള്ളാം
ചവുട്ടി മെതിച്ചു തേനും
മണവുംകൊണ്ടങ്ങു പോകുമോ

Thursday, June 20, 2013

നിൻ ഭാവങ്ങൾ


നിൻ ഭാവങ്ങൾ

നിൻ മൗനം , നിസ്സംഗ ഭാവങ്ങൾ
എന്നെ വെട്ടയാടികൊണ്ടിരുന്നു
എവിടെ തുടങ്ങണം എവിടെ ഒടുങ്ങണം
ഒന്നുമറിയാതെ നിൻ കണ്ണുകളിലെ
എഴുതിവച്ച ഗസലുകളുടെ ഇശലുകൾ
വായിച്ചുഞാൻ എന്നെ മറക്കുന്നു
കാലം എന്തേ ഇത്രനാൾ അകറ്റിയീ  
ശ്രുതി മീട്ടാനാവാതെ
താളം  ഉൾകൊള്ളാനാവാതെ
എൻ ശ്വാസത്തേക്കാൾ പ്രിയകരം
നിൻ ഓർമ്മകൾ
ഹൃദയമിടിപ്പുകളെക്കാൾ  പ്രിയകരം
 നിൻ മൊഴികൾ
നിനക്ക് വിശ്വാസമില്ലെന്നുണ്ടോയി
ജീവിതത്തെക്കാൾ പ്രിയകരം
നിൻ സൗഹൃദമല്ലോ
മഴയെ നിൻ  ഭാവങ്ങൾ

Wednesday, June 19, 2013

ഉപജീവനത്തിനായി



ഉപജീവനത്തിനായി


വർണ്ണങ്ങളുടെ കിലുക്കങ്ങൾക്ക് കാതോർത്ത്
മഴവില്ലിൻ നിറമാർന്നൊരു  കുടചുടി നിൽക്കും
വെയിലോ മഞ്ഞോ മഴയോ
ഇരുളോ പകലോ എന്നില്ലാതെ  
പുലർത്താനുണ്ട് ഏറെ വയറുകൾ
വഴിയെ പോകുന്നവരൊക്കെ
വിശപ്പടക്കാൻ ഒന്ന് വന്നു കയറി
ഇറങ്ങി പോകുമ്പോഴേ അയാളുടെ
ബാധ്യത ഒഴിഞ്ഞപോലെ സന്തൃപ്തിഉണ്ടാവു
ഇല്ല എങ്കിൽ ശകാര വർഷങ്ങൾ ചൊരിയും
ഹോട്ടെൽ മാനേജർ ,എല്ലാവർക്കും
അവരവരുടെ ധർമ്മം നിറ വേറെണ്ടെ  
ഒരു ചാണ്‍ വയറിനും അതിനു താഴെ ഉള്ള
നാലു വിരക്കിടയുടെ തിരുശേഷിപ്പുകൽക്കായി

(ഗുരുവായൂർ യാത്രയിൽ ചാവക്കാട്ടുള്ള കല്ലട ഹോട്ടലിൻ മുന്നിലെ സെക്യൂരിറ്റി ഏഴുനിറമുള്ള കുടയുമായി നിൽക്കുമ്പോൾ കണ്ട കാഴ്ച ആണ് ഇത് കുറിക്കാൻ ഇടയാക്കിയത് )




വർണ്ണങ്ങളുടെ കിലുക്കങ്ങൾക്ക് കാതോർത്ത്
മഴവില്ലിൻ നിറമാർന്നൊരു  കുടചുടി നിൽക്കും
വെയിലോ മഞ്ഞോ മഴയോ
ഇരുളോ പകലോ എന്നില്ലാതെ  
പുലർത്താനുണ്ട് ഏറെ വയറുകൾ
വഴിയെ പോകുന്നവരൊക്കെ
വിശപ്പടക്കാൻ ഒന്ന് വന്നു കയറി
ഇറങ്ങി പോകുമ്പോഴേ അയാളുടെ
ബാധ്യത ഒഴിഞ്ഞപോലെ സന്തൃപ്തിഉണ്ടാവു
ഇല്ല എങ്കിൽ ശകാര വർഷങ്ങൾ ചൊരിയും
ഹോട്ടെൽ മാനേജർ ,എല്ലാവർക്കും
അവരവരുടെ ധർമ്മം നിറ വേറെണ്ടെ  
ഒരു ചാണ്‍ വയറിനും അതിനു താഴെ ഉള്ള
നാലു വിരക്കിടയുടെ തിരുശേഷിപ്പുകൽക്കായി

(ഗുരുവായൂർ യാത്രയിൽ ചാവക്കാട്ടുള്ള കല്ലട ഹോട്ടലിൻ മുന്നിലെ സെക്യൂരിറ്റി ഏഴുനിറമുള്ള കുടയുമായി നിൽക്കുമ്പോൾ കണ്ട കാഴ്ച ആണ് ഇത് കുറിക്കാൻ ഇടയാക്കിയത് )

Sunday, June 16, 2013

കുറും കവിതകൾ 103

കുറും കവിതകൾ 103

മഴയത്തിട്ട കൊരണ്ടി പലക
പാഞ്ഞു വന്ന കാറ്റിനു ശമനം
അമ്മുമക്ക് ആശ്വാസം

ബല്യ പ്രണയത്തിൻ
ഓർമ്മ പകർന്നു
പുസ്തകത്തിലെ മയിൽ പീലി

നാടോടി കാറ്റിനു കുസൃതി
കരിലകൾ മുറ്റം നിറഞ്ഞു
അമ്മക്ക് നടുവേദന

ബല്യ കൗമാര ഓർമ്മകൾ
കണ്ണു നിറച്ചു പത്രത്തിലെ
ചരമ വാർത്ത

പ്രണയം ഒരു വൃണം
പ്രായം അതിൻ
രക്തസാക്ഷി

മൂക്ക് പൊത്തി ജനം
പുഴ മാരണമായി
പനി പയ്യത് ഒഴുകി  

കെട്ടിനിന്ന വെള്ളം
കൊതുകൾക്ക് ആശ്വാസം
പനിയുടെ തുടക്കം

സ്വയം പുകഴത്തൽ
ആത്മാവിനെ ഇകഴ്ത്തൽ
കവിതക്കു നൊമ്പരം

സ്വയം ഉള്ളിലേക്കുള്ള നോട്ടം
ഉറവതെടുന്നവന്
ദാഹജലം കണക്കെ

മഴയിൽ നനഞ്ഞ
കണക്കു പുസ്തകം
മനസ്സിലിന്നും അടിയുടെ പേടി  

Friday, June 14, 2013

എന്റെ പുലമ്പലുകൾ 13

എന്റെ പുലമ്പലുകൾ 13

മഴയുടെ നിഴലിൽ പനിയുടെ
മായിക ലോകത്ത് നിന്നും
എന്തെന്നില്ലാത്ത ചില കണ്ടെത്തെലുകൾ
വിത്യസ്ഥമായ തോന്നലുകൾ
വിസ്മൃതിയുടെ തീരങ്ങൾ തേടുന്നതു പോലെ
നിരാശകളുടെ ചിറകിലേറി പറക്കാൻ
കൊതിക്കുകിൽ എങ്ങുമേ എത്തിടാ
കോതി ഒതുക്കി അനുകുലമാം സാഹചര്യങ്ങൾ
വരാതെ ഇരിക്കുകില്ല പ്രത്യാശ കൈവിടാതെ
ധ്യനാത്മകതയിൽ മുങ്ങുന്നു മനം , എല്ലാം അനുകുലമാകും    
ഇഴയാൻ മാത്രം വിധിക്കപ്പെട്ട ജന്മങ്ങൾ
ഇഴ ഒരുക്കുന്നതു കാണുമ്പോൾ   പലപ്പോഴും
പ്രകൃതിയുടെ പ്രതിഭാസങ്ങളുടെ മുന്നിൽ
നമ്രശിരസ്ക്കരാകുന്നു നാം ,
മായയോ മിഥ്യയോ എന്നറിയാതെ    

Tuesday, June 11, 2013

നിമജ്ജനം


നിമജ്ജനം

കാതില്‍ മര്‍മ്മരം ഓതി
കടന്നകന്നു മെല്ലെ
ദൂതുമായി ഒരു തെക്കന്‍ കാറ്റ്

നിലവിളക്കിന്‍ തിരിയാളി
തലക്കലെ രാമനാമം മുറുകി
നിറവാഴയിലയിലെ ഉണരാത്ത ഉറക്കം

മുളം ശയ്യകളൊരുങ്ങി
നാലു  ചുമലുകളുടെ
താങ്ങുമായി ചിതയിലേക്ക്

വെമ്പല്‍ കൊണ്ട് ജന്മ ജന്മങ്ങള്‍
പഞ്ചഭൂതങ്ങളില്‍ ലയിക്കാന്‍
ചുറ്റിതിരിഞ്ഞൊരു ആഗ്രഹങ്ങള്‍

കാത്തു നിന്നു  ആത്മാവു
നിമജ്ജനം കൊതിച്ചു
മോക്ഷത്തിനായി കാക്കയും

വരവും കാത്തു


വരവും കാത്തു

ഇന്നലെ പോലെ തന്നെ
മച്ചിലെ ഓടില്‍
താളംപിടിച്ചു മഴ

താളം മുറിയാതെ അത്
ഏറ്റു കൊട്ടി മുറ്റത്തെ
ഒഴിഞ്ഞ മണ്‍ചട്ടി

ചീവിടുകള്‍ ശ്രുതി മീട്ടി
തവളകള്‍ തുടര്‍ന്നു
തനിയാവര്‍ത്തനം

മനസ്സു മാത്രം
അവന്റെ സാമീപ്യം
കൊതിച്ചു കിടന്നു ഉറങ്ങാതെ

ഒരു അവധൂതാന്വേഷണം


ഒരു അവധൂതാന്വേഷണം

മഴയും വെയിലും കാറ്റും
ആകാശവും താഴവാരങ്ങളും
ആരുമറിയാത്ത നിന്‍ കഥ പറഞ്ഞു

നിന്‍ ഉള്ളിലെ
കടലിരമ്പലുകള്‍
കണ്ണിലെ തിരകളിലുടെ കണ്ടു

കുറുനിരകളുടെ ചാഞ്ചാട്ടത്താല്‍
സ്നേഹത്തിന്‍ മണവും
കാറ്റിന്റെ ദിശയുമറിഞ്ഞു

കുന്നിനും താഴ്വാരങ്ങള്‍ക്കും
പുതുമഴയുടെ പച്ചിപ്പ്
നിന്‍ ചിരിയില്‍ അറിഞ്ഞു

ജന്മ ജന്മങ്ങളായി
സുഖദുഃഖങ്ങളൊക്കെ
കാത്തു നില്‍ക്കുന്നു നിനക്കായി

ഋതുക്കള്‍ കാണിച്ചു തന്നതും
കവികള്‍ പാടിയതും
എല്ലാം നിന്നെ കുറിച്ചായിരുന്നു


ഹര്‍ഷണിയോ അമൃതവര്‍ഷിണിയോ
ഹൃദയേശ്വരിയോ ഈശ്വരിയോ
നിന്നെ തേടിയിന്നും

അലയാത്ത നാടുകളില്ല
പെടാത്ത പാടുകളില്ല
എല്ലാം നിനക്കു വേണ്ടിയല്ലോ


Monday, June 10, 2013

കുറും കവിതകള്‍ 102

കുറും കവിതകള്‍ 102

മുക്കണ്ണനായി ഇപ്പോള്‍
എന്‍ ഉപദ്രവസഹായിക്കു *
ചെവി ,വായ ,കണ്ണ്
* മൊബൈല്‍ -(3 G )

അദ്വാനിക്കാതെ നടന്നിട്ട്
ഏറെ മോദിയിട്ടു കാര്യമില്ല
സമയം തെളിയിക്കട്ടെയിനി

മോണകാട്ടി
കള്ളമില്ലാത്ത
ഒരു കുട്ടിത്തം

കല്ലുഭിത്തിയുടെ മാറിടം പിളർന്നു
മഴയോടൊപ്പമെത്തിയ കടൽ
ശേഷിപ്പിച്ചതു ദുരിതം മാത്രം

മഴ ഒഴിഞ്ഞ മാനം
പുഞ്ചിരിച്ചു ഒപ്പം വെയിലും
കുളിര്‍ത്തു മനവും

കല്ലു ഭിത്തിപദ്ധതിയെ വകവെക്കാതെ
കവച്ചുകടന്ന കടല്‍ കുടിലും കൊണ്ട്
ദുരിതം വിതച്ചു തിരികെ പോയി

മഴക്ക് പെയ്യാനല്ലേ കഴിയു
പനിയെ കുറിച്ച് അറിയില്ലല്ലോ
ആശുപത്രി നിറഞ്ഞല്ലോ

ബാറില്‍ നിന്നും കാറിലേക്ക്
ഭാരമില്ലായിമ്മയുടെ
ഒരു സുഖമേ

ഒരു ഇല അനക്കത്തിന്റെ മര്‍മ്മരം പോലും
സഹിക്കാത്ത വണ്ണം സ്നേഹത്തിന്റെ
വാലാട്ടും കാവല്‍ക്കാരന്‍

Sunday, June 9, 2013

കുറും കവിതകള്‍ 101


കുറും കവിതകള്‍ 101

വിഷാദം വിട്ടകലും
വസന്തമായി നീ വന്നു
വിശേഷങ്ങളിനിയും എന്താ പറയുക

കണ്ണടച്ചു തുറക്കുമ്പോഴേക്കും
ഗ്രാമങ്ങള്‍ നഗരങ്ങളിലേക്ക്
ചേക്കേറുന്നു

നാളികേരവും വറ്റലും
പെറുക്കി എടുക്കാനൊടിയ
അമ്മുമ്മയെ കബിളിപ്പിച്ചു മഴ


ഉണങ്ങാനിട്ട തുണിക്കായി
അമ്മയുടെ ഓട്ടം
മഴയുടെ  കുസൃതി

തുള്ളിമഴക്കു തുണിയെന്നോ
തലയെന്നോ ഉണ്ടോ
അടര്‍ന്നു വിഴുകതന്നെ

അടര്‍ത്തി അകറ്റി കൊണ്ട് പോയില്ലേ
കടലവള്‍ കരയും പിന്നെ പലപ്പോഴായി
പരസ്പ്പരം സ്നേഹിക്കുന്നവരെയും


മയൂകങ്ങള്‍ മയൂഖങ്ങളെ കണ്ടു
മനോഹര നൃത്തം വച്ചു
മനസ്സിന്‍ മോഹങ്ങളും


അലക്ഷ്യമില്ലാതെ
ലക്ഷ്യത്തിയല്ലോ
മോക്ഷം സാഫല്യം

അട്ടപ്പാടിയില്‍
മന്ത്രിമാരുടെ
ശിശു മന്ദഹാസം


കൊലിസ്സിന്‍ കൊഞ്ചല്‍
പടര്‍ത്തി മനസ്സില്‍
പ്രണയത്തിന്‍ ലാഞ്ചന

പൊന്നില്‍ കുളിച്ച കണി
കൊന്നപൂപോലെ നില്‍പ്പു
 നീ കതിര്‍ മണ്ഡപത്തില്‍

ഓര്‍മ്മവസന്തത്തിന്‍
സുന്ദര നിമിഷങ്ങളില്‍
നീ മാത്രമെന്തേ വന്നില്ല



കവിത ഒഴുകി പുഴപോലെ
നീന്തി തുടിക്കാന്‍ ആവാതെ
പാവം വായനക്കാര്‍



Saturday, June 8, 2013

മരണം


മരണം

ആഗ്രഹങ്ങളുടെ
വിനിമയനഷ്ടാവസ്ഥയും
ജടിലതയാര്‍ന്ന വിഷണ്ണതയും
സ്ഥൂലതയില്ലായിമ്മയുടെ അഭിനിവേശവും
എല്ലാത്തിനുമൊടുക്കം
ദേഹ ദേഹികളുടെ അകല്‍ച്ചയുടെ
തിരികെ വരാന്‍ കഴിയാത്ത
ജൈവനഷ്ടമല്ലോ മരണം
ഇനി മരണം എന്നൊരു വാക്കിനെ
പിരിക്കുകില്‍ മ- ര -ണം
മണി മുഴക്കുമി മരണത്തെ
മൂടുവതിനു മരം അനിവാര്യം
മരണതിനു  മണം ഉണ്ടോ
രണത്തിന്റെ ആണോ
എല്ലാ മനനങ്ങൾക്കുമപ്പുറം
ആണോ ഈ മരണത്തിൻ നില ആവോ ?!!!


Thursday, June 6, 2013

കാത്തിരിപ്പ്‌


കാത്തിരിപ്പ്‌

രണ്ടു ബിന്ദുക്കൾ ചേർന്ന് പോയി
സമാന്തരമായി വരച്ച രേഖകൾ
ലംബമായി മാറാൻ ഏറെ ആഗ്രഹിച്ചു
കാലം അനുവദിച്ചില്ല  , അകറ്റി കൊണ്ടിരുന്നു
കാറ്റും മഴയുംഇടിയും മിന്നലും
ആകാശവും കടലും ചക്രവാളങ്ങളും
മരവും പൂക്കളും കായും കിളികളും
തുണയായിരുന്നു പക്ഷെ
കുറെ പേർ മാത്രം സമ്മതിക്കുന്നില്ല  
അവർ ഇപ്പോഴും ജന്മ ജന്മങ്ങളായി
പെയ്യ് തൊഴിഞ്ഞു തീരാൻ  
സംഗമ ഭൂവിനായി കാത്തിരിക്കുന്നു

Tuesday, June 4, 2013

കുറും കവിതകള്‍ 1൦൦


കുറും കവിതകള്‍ 1൦൦


നൂര്‍എടുക്കാന്‍ ഏറെ ചിന്തിച്ചു
അവസാനം കുറുക്കി നൂറായി
മാറിയല്ലോയി അക്ഷര കൂട്ടിന്‍ രസങ്ങള്‍

ജീവിത പാതകള്‍
പലപ്പോഴും മാറ്റി മറിക്കാറുണ്ട്
മണികിലുക്കങ്ങള്‍


ചലിക്കാൻ ശേഷി
ഉണ്ടായിരുന്നുയെങ്കിൽ ഇവ
ഇരുകൈ ഉയർത്തി ഇങ്കുലാബു വിളിക്കില്ലേ


ഞാനാരു കൂവേ കാഞ്ഞിരത്തിന്‍ വേരോ
പൊള്ളയാം പാഴ്മുളം തണ്ടോ
ഇന്നലെ പെയ്യ്ത മഴക്ക് കുരുത്ത തകരയോ



അയ്യഞ്ചു വര്‍ഷകൊണ്ട്
കീശ നിറക്കാന്‍ മുഖമെറെ
പാവം കങ്കാണി ജനം



അനീതി മുടിയഴിച്ചാടുന്നു
ചിരിക്കുന്ന ഗാന്ധിയുടെ
മറവില്‍ ഭയമില്ലാതെ


മണിയടി ഒച്ചകേട്ട്
കൊതിയോടെ പാല്‍ ഐസിനായി
ഓടിയ ബാല്യം ഇന്ന് ഓര്‍മ്മയില്‍


മഴയെ കാത്തു കര്‍ഷകനും
കറന്റു കട്ട് വെറുത്ത വീട്ടമ്മയും
ഇറങ്ങി നനയാന്‍ കുട്ടികളും


വന്നില്ലേല്‍ കുറ്റം
വന്നാല്‍ കുറ്റം
പഴി മഴക്കുതന്നെ


പുറത്ത് മഴത്തുള്ളികള്‍
അകത്ത് വിപ്ലവാരിഷ്ടം
ലോകം തലചുമടിലും

നാലാള്‍ കൂടും ചായക്കടയിലെ
നാലുമണി ചായയും
നല്ല ചൂടുള്ള പരദൂഷണവും


ചക്രവാള സീമയില്‍
പുതു മഴവില്ലുവിരിയട്ടെ
കവിത ഉണരട്ടെ


മണ്‌ഡൂകങ്ങൾ കച്ചേരി നടത്തട്ടെ
അവരതിന് നിയുക്തരല്ലോ  
പ്രകൃതിയുടെ നിയമല്ലോ  

പാവം ഗാന്ധിജി
ഗോഡ്സേയായി മാറുന്നു
നോട്ടു കെട്ടുകളിലുടെ പലപ്പോഴും


Sunday, June 2, 2013

കുറും കവിതകള്‍ 99


കുറും കവിതകള്‍ 99


ഒരു ദേശത്തിന്റെ കഥ
ഓര്‍മ്മകളില്‍ ഉണര്‍ത്തുന്നു
പൊറ്റകാടുകള്‍

മയ്യഴി പുഴയോരം
എഴുത്തിന്റെ വഴിയിലുടെ
മനസ്സറിഞ്ഞു മുകുന്ദ ലോകം


ആകാശത്തെ വിതാനിക്കാന്‍
പുഷ്പങ്ങളോരുങ്ങി ചില്ലയില്‍
കണ്ണും മനസ്സു കുളിര്‍ത്തു


വേവാത്ത ബലി ചോറിന്റെ
പരാതി അറിയിച്ചു കൊണ്ട്
കാക്കകള്‍ മാവിന്‍ കൊമ്പില്‍

പകിട കട്ടതിരിഞ്ഞു
ജീവിതത്തിന്‍ കോണിയെറി
തൊണ്ണുറ്റി ഒന്പതിന്റെ പമ്പ് കടിച്ചു


ഇരുളിന്‍ എത്തിനോട്ടം
പകലോന്റെ യാത്രാമൊഴി
കുയിലിന്‍ പാട്ടില്‍ ശോകം


കണ്ണാടിയിലെ പൊട്ട്
ഓര്‍മ്മകളുടെ താഴവാരങ്ങളില്‍
ഇക്കിളി ഉണര്‍ത്തി

ക്രൂരമാം വിധി
മഴയോടൊപ്പമുള്ള മിന്നലില്‍
കൊണ്ടാകന്നു അച്ഛനെയും


കുലച്ച വാഴയും
തെങ്ങും കമുകും
കടപുഴകികൃഷി സ്വപ്നങ്ങള്‍

ആ ബാല്യമിങ്ങു വന്നെങ്കില്‍
വളയമുരുട്ടി പീപ്പി ഊതി
മിഠായിനുണഞ്ഞു നടക്കാം


ചുറ്റും റെക്കോര്‍ഡ്
ഗാനം തുപ്പും കോളാമ്പി
നോക്കിഇരിക്കും പട്ടി!


ജാലക കാഴ്ചകള്‍
എന്നോടൊപ്പം
യാത്ര ചെയ്യുമ്പോല്‍


അസ്തമയ സൂര്യന്റെ
രാഗാംശുയെറ്റ് കനവു കണ്ടു
സന്തോഷത്തോടെമിഥുനങ്ങള്‍


അത്രക്കു തൊട്ടാവാടിയോ
ഈ മനസ്സും ശരീരവും
മഴക്കും വെയിലിനും എന്തുമാകാം


സ്വപ്നങ്ങളെന്നും
കൈ തൊടാനാവാതെ
മോഹങ്ങളുണര്‍ത്തിയകലുന്നു
 
മഴക്കൊപ്പം
നിറഞ്ഞു ദുരിതങ്ങള്‍
പള്ളിക്കൂടത്തിന്‍ ഉള്ളിലും ഉമ്മറത്തും

അകത്തും പുറത്തും
ഒരുപോലെ മഴ
പള്ളികുടത്തിനു അവധി

പര്‍ദ്ദ മറച്ച കൃഷ്ണ വിഗ്രഹത്തിനു
നീര്‍മാതള ഇലപച്ചയാല്‍
ഒരു ശവക്കച്ച

മഴയോടൊപ്പം
പാറ്റയും തേളും പാമ്പും
അഭയാര്‍ത്ഥികള്‍

Saturday, June 1, 2013

കുറും കവിതകള്‍ 98

കുറും കവിതകള്‍ 98 

കടത്തിണ്ണയിലെ
ഉറങ്ങിയ കടവായില്‍ 
ഈച്ചകളുടെ സ്നേഹ പ്രകടനം 

നീ കോറിയിട്ട ഓർമ്മകൾ 
വേട്ടയാടി കൊണ്ടിരുന്നു 
നിദ്രയില്ല രാവുകൾ 

നിറമെന്തെന്നു അറിയാതെ
പിന്തുടരുന്നു വെളിച്ചത്തോടോപ്പം
വലുതായും ചെറുതായും നിഴലുകള്‍

വിഷാദം ഉള്ളിലോതുക്കും
വൈഢൂര്യ തിളക്കമാം
ബിന്ദുവോ നീ

ഇടവേള തീര്‍ക്കാന്‍
ചുങ്കം വാങ്ങിയ
പരസ്യക്കാര്‍ക്ക് തിടുക്കം

ചുണ്ടാലുരച്ച് തൂവലൊതുക്കി
അന്തികൂട്ടിന്നു കാത്തിരുന്നു
ഇണക്കിളിയുടെ ചേക്കേറിനായി...!

കറ കളഞ്ഞ രഹസ്യങ്ങളൊക്കെ
കൂടുവീട്ടു കൂടുമാറുന്നു
ഇരുളിന്‍ മറയില്‍

അടര്‍ന്നു വീഴുന്നു സംഗീതം
മൌനമായൊരു മഴനീര്‍
പഴയൊരു കലത്തിലേക്ക്