"നീ മഴയായോന്നു വന്നെങ്കിൽ

"നീ മഴയായോന്നു വന്നെങ്കിൽ

ഇന്നലെ എൻ്റെ സ്വപ്നത്തിൻ

വാതിലിൽ വന്ന് മുട്ടിവിളിച്ചില്ലേ,

തുറക്കാനൊരുങ്ങിയ നേരം,

പിടിവിട്ടു കണ്ണ് തുറന്നു പോയല്ലോ...

കിനാവിന്റെ വഴികളിൽ നാം

തമ്മിൽ കണ്ടു മുട്ടിയ നേരം ,

പകലിലവയെ തേടിയപ്പോൾ

നിഴലായി മങ്ങിയതെന്തിനു നീ?

കാറ്റായ് വന്നു തഴുകിയപ്പോൾ

ഹൃദയം തുടിച്ചു മന്ദം, നീ

അകലയുമില്ല അരികിലുമില്ല

ഈ സ്നേഹം എവിടെ മറഞ്ഞു?

പാതിരാവിൻ നിലാവിൽ ഞാൻ

നിന്നോർമ്മകളാലൊരു ഗാനം പാടിയപ്പോൾ,

ഒറ്റക്കായ നിമിഷങ്ങളിലേക്കു

നീ മഴയായ് വന്നാൽ മതി, പ്രിയതെ...

ജീ ആർ കവിയൂർ

14 03 2025