ദേവീസ്തുതി ദളങ്ങൾ -59

 ദേവീസ്തുതി ദളങ്ങൾ -59                       

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 59 

ഹ്രീംകാരമാകുന്ന മുത്തുച്ചിപ്പിക്ക് 

മുക്താമണിയായ് നൻമുത്തായിയുള്ളവളേ ദേവി 

സർവ്വ ദേശങ്ങളിലും മേഘത്തിൽനിന്ന് പതിക്കും ജലബിന്ദുക്കൾ പോലെ 

ചിപ്പിയിൽ വീഴും മുത്തായ്‌ പരദേവതാ ചൈതന്യമേ അമ്മേ തുണ 

ഓം ഹ്രീംകാര ശുക്തികാ മുക്താമണയേ നമഃ 291 . 

ഹ്രീംകാരത്താൽ മൂലമന്ത്ര മാർഗ്ഗമായ്  അറിയിക്കപ്പെടുന്നവളേ 

അദ്വൈത സ്വരൂപിണിയായ് ശോഭിക്കുന്ന 

ശ്രീമഹാത്രിപുര സുന്ദരി ദേവിയമ്മേ 

നിൻപാദാ൦ബുജത്തിൽനമിക്കുന്നേൻ 

ഓം ഹ്രീംകാര ബോധിതായൈ നമഃ 292 . 

ഹ്രീംകാരമാകുന്ന സൗവർണ്ണ സ്തംഭത്തിൽ 

പവിഴപ്പാവയായ് ശോഭിക്കുന്നവളേ ദേവി 

ഹ്രീംകാരത്തിന് ജഗത്ഭാരവാഹിത്വമുള്ളവളേ 

തദു പാസകനേയും ഉപാസകദേശത്തേയും പരിപാലിക്കുന്നവളേ അമ്മേ 

 ഓം ഹ്രീംകാരമയ സൗവര്‍ണ്ണസ്തംഭ വിദ്രുമ പുത്രികായൈ

നമഃ 293 .

ഹ്രീംകാരമാകുന്ന വേദത്തിൽ ഉപനിഷത്തായ് 

പ്രധാനഭൂതയായ ബ്രഹ്മവിദ്യയായ് ഉള്ളവളേ ദേവി 

ജീവൻ അജ്ഞാനത്തെ നശിപ്പിച്ചു ബ്രഹ്മസ്വരൂപമായ് 

പരിണമിക്കുന്നവളേ ശ്രീദേവി തുണക്കുക നിത്യം അമ്മേ 

ഓം ഹ്രീംകാര വേദോപനിഷദേ നമഃ 294 . 

ഹ്രീംകാരമാകുന്ന യാഗത്തിന് ദക്ഷിണയായ് 

സമാപ്‌തി സാധനമായ് ഉള്ളവളേ ശ്രീദേവി 

ഹ്രീംകാര ജ്ഞാനയജ്ഞത്തിൽ പ്രസാദമായ് 

സാധകനു ബ്രഹ്മരൂപത്തേ പ്രധാനം ചെയ്യുന്നവളേ ഭഗവതിയമ്മേ 

 ഓം ഹ്രീംകാരാധ്വര ദക്ഷിണായൈ നമഃ 295 .

ജീ ആർ കവിയൂർ 

26   .04  .2021

300 / 5  = 60 ശ്രുതി ദളം - 59 / 60