ദേവീസ്തുതി ദളങ്ങൾ -36

 ദേവീസ്തുതി ദളങ്ങൾ -36         

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 36 

ഹരിയുടെ സോദരി വിഷ്ണുമായേ 

വിശാലാക്ഷിയാം ദേവീ നിത്യം 

വിമലചലം കീർത്തിപ്പവളേ 

വജ്ര രൂപിണി വിശ്വപൂജിതേ അമ്മേ 

ഓം ഹരിസോദര്യൈ നമഃ 176 

ഗന്ധർവ്വന്മാരിൽ വച്ച് മുഖ്യന്മാരായിരിക്കും 

ഹാഹാഹൂഹു മുതലായവരാൽ സ്തുതിക്കപ്പെട്ടവളേ 

ഗണികളിൽ ഗുണങ്ങളേറേയുള്ളവളേ 

ഗണപതിക്ക്‌ മാതാവായുള്ളവളേ അമ്മേ തുണ 

ഓം ഹാഹാഹൂഹൂ മുഖ സ്തുത്യായൈ നമഃ 177 

ജനിക്കുകയും വളരുകയും ക്ഷയിക്കുകയും 

നശിക്കുകയും ചെയുന്ന ശരീര ധർമ്മങ്ങളേ 

കർമ്മം നിമിത്തങ്ങളില്ലാത്തവളുമായ 

നിർവ്വികാര രൂപിണിയേ നമിക്കുന്നേൻ 

ഓം ഹാനി വൃദ്ധി വിവര്‍ജ്ജിതായൈ നമഃ 178 

നവനീതം പോലെ മൃദുവായ് 

പരിണാമ ദ്രവമായ് ഇരിക്കുന്നവളേ 

യോഗി ഹൃദയ കൃപാ രസത്തിന്റെ രൂപമായ് 

പരിണമിച്ചവളെ പുണ്യവതി നമിക്കുന്നേൻ 

ഓം ഹയ്യംഗവീന ഹൃദയായൈ നമഃ 179 

ഹരിഗോപങ്ങളാലും ഇന്ദഗോപങ്ങളാലും 

വർഷകാലത്ത് തിരുവാതിര മകം 

എന്നീ നക്ഷത്രങ്ങളിൽ അരുണമായ് 

ചുവന്ന വസ്ത്രങ്ങളോടു കൂടിയവളേ അമ്മേ നമിക്കുന്നേൻ 

ഓം ഹരിഗോപാരുണാംശുകായൈ നമഃ 180 

ജീ ആർ കവിയൂർ 

12   .04  .2021

300 / 5  = 60 ശ്രുതി ദളം - 36 / 60