ദേവീസ്തുതി ദളങ്ങൾ -48

 ദേവീസ്തുതി ദളങ്ങൾ -48                 

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 48    

കുലശീലജാതി ഗുണാദികളെ കൊണ്ട് 

തുല്യനായൊ മാനിക്കപ്പെടേണ്ട വനായോ 

പൂജിക്കപ്പെടേണ്ടവനായോ മാനിക്കപ്പെടേണ്ടവനായോ 

ഒരുത്തരോടും കൂടാത്തവളേ ദേവി അമ്മേ   

ഓം സമാനാധിക വര്‍ജ്ജിതായൈ നമഃ 236 . 

കാര്യത്തെ അപേക്ഷിച്ച് 

കാരണത്തിന് അധികത്വം 

ഉള്ളതു  കൊണ്ട് സർവ്വത്തേക്കാളും 

ഉന്നതയായി ഉള്ളവളേ ഈശ്വരി തുണ 

ഓം സര്‍വ്വോത്തുംഗായൈ നമഃ 237 . 

നിരവയവയായും നിഷ്‌കാരണയായും 

നിർഗുണയായും  നിരാശ്രയമായും 

നിത്യ ശുദ്ധ ബുദ്ധ മുക്ത സ്വരൂപിയായും 

ഇരിക്കുന്ന തിനാൽ സംബന്ധരഹിതയായവളേ ഭഗവതി 

ഓം സംഗഹീനായൈ നമഃ 238 . 

തുല്യങ്ങളായിരിക്കും ഗുണങ്ങളോടും 

സത്യകാമ സത്യസങ്കൽപാദി കളോടുകൂടിയവളേ 

ത്രിമൂർത്തി സ്വരൂപിണിയായ ദേവി 

സത് ഗുണത്തോട് കൂടിയവളേ ശ്രീ ദേവി 

ഓം സഗുണായൈ നമഃ 239 . 

സകലേഷ്‌ടങ്ങളേയും ദാനം ചെയ്യുവോളെ 

മനുഷ്യാനന്ദം മുതൽ ബ്രഹ്മാനന്ദം വരെ 

ആനന്ദ രൂപങ്ങളായുള്ള സകലഫലങ്ങളേ 

ദാനം ചെയ്യുവോളെ ജന്മമരണാദി ബന്ധകരൂപമായവളേ അമ്മേ തുണ 

ഓം സകലേഷ്ടദായൈ നമഃ 240 . 

ജീ ആർ കവിയൂർ 

19  .04  .2021

300 / 5  = 60 ശ്രുതി ദളം - 48 / 60