ദേവീസ്തുതി ദളങ്ങൾ -45

 ദേവീസ്തുതി ദളങ്ങൾ -45              

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 45   

സകാരയുക്തയായിരിക്കുന്നവളേ 

ശ്രീവിദ്യാൽ പേരോടു കൂടിയവളേ ഭഗവതി 

ശിവാത്മികായൈ ശിവമാന്യായൈ 

ശങ്കകളെ അകറ്റുവോളെ ശങ്കരി തുണ 

ഓം സകാരാഖ്യായൈ നമഃ  221 .  

ഏകമായ ഇരിക്കുന്ന രസസ്വരൂപിണി 

പ്രപഞ്ചത്തിങ്കൽ സ്ഥിതി ചെയ്യുന്നവളേ 

ജീവേശ്വരന്മാരെ വേദാന്ത ശ്രവണം കൊണ്ട് 

അഹം ബ്രഹ്മാസ്‌മി എന്ന  തത്വത്തേ കാട്ടിക്കൊടുക്കുന്നവളേ അമ്മേ 

ഓം സമരസായൈ നമഃ 222 . 

ഇതിഹാസ പുരാണാദികളോടും കൂടിയവളേ 

സാംഗോപാംഗങ്ങളോടും കൂടിയവയായ് 

ഇരിക്കുന്ന ആഗമങ്ങളാൽ അനുഗ്രഹീതയാം 

ശുദ്ധ ചൈതത്വ സ്വരൂപിണി മോക്ഷകാരിണി നമിക്കുന്നേൻ 

 ഓം സകലാഗമസംസ്തുതായൈ നമഃ 223 .

തത്വമസ്യാദി മഹാവാക്യങ്ങളുടെ 

താല്പര്യത്തിന് ഭൂമിയായ്‌ ഉള്ളവളേ 

മോക്ഷ ഹേതുകമായ ജ്ഞാനമുണ്ടാക്കുന്നവളും 

വേദാന്ത തല്പരേ ദേവി ഭഗവതി നീയേ തുണ 

 ഓം സര്‍വ്വവേദാന്ത താത്പര്യഭൂമ്യൈ നമഃ 224 .

പഞ്ചഭൂതാദികൾക്ക് അധിഷ്ഠാന ഭൂതയായ് 

സർവ്വദാ  ശ്രീദേവിതന്നെ സത്തയെ 

പ്രകാശിപ്പിക്കുന്നവളേ പ്രത്യക്ഷമായുള്ളവളേ 

സർവ്വവ്യാപിയാം അമ്മേ നീയേ തുണ 

ഓം സദസദാശ്രയായൈ നമഃ 225 .

ജീ ആർ കവിയൂർ 

18   .04  .2021

300 / 5  = 60 ശ്രുതി ദളം - 45 / 60