ദേവീസ്തുതി ദളങ്ങൾ -23

 

ദേവീസ്തുതി ദളങ്ങൾ -23      

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 23   

ശക്തി സ്വരൂപിണിയേ ദേവി 

അനേകം വിധശക്തികളോടു കൂടിയവളേ 

ദാനവന്മാരേയും ഭണ്ഡാസുരാദികളേയും 

ഹനിച്ചു വിരാജിപ്പവളേ അനുഗഹിക്കണേ അമ്മേ 

ഓം ഹതദാനവായൈ നമഃ 111 

ബ്രഹ്മ ഹത്യാപാപങ്ങളെ 

ശമിപ്പിക്കുന്നുവോളേ മീനാക്ഷി ദേവി 

മാനസിക ദുഃഖമകറ്റുവോളേ 

മധുരവാണിയോടു കൂടിയവളേ അമ്മേ 

ഓം ഹത്യാദിപാപശമന്യൈ നമഃ 112 

ഇന്ദ്രനാലും ദിക്പാലകന്മാരാൽ സേവിതേ ദേവി 

ഇന്ദ്രീയ സുഖങ്ങളിൽ നിന്നും വിമുക്തി നൽകുവോളേ 

തവ പാദാരവിന്ദ സന്നിധിയിൽ അമ്മേ 

ഇടം നൽകണേ സവേശ്വരി നമിക്കുന്നേൻ 

ഓം ഹരിദശ്വാദി സേവിതായൈ നമഃ 113 

ആനയുടെ മസ്തകങ്ങൾ പോലെ 

ഉന്നതങ്ങളായി ഇരിക്കും 

സ്തനങ്ങളോട് കൂടിയവളേ 

ക്ഷീരാമൃത വർഷിണി നമിക്കുന്നേൻ  

ഓം ഹസ്തികുംഭോത്തുംഗ കുചായൈ നമഃ 114 

ആന തുകലിൽ വിരാചിക്കുവോളേ 

ശിവ കുടുംബിനീ  ശങ്കരി ദേവി 

പ്രീതയായവളേ സുന്ദരിയമ്മേ 

സങ്കടങ്ങളെ അകറ്റുവോളേ  ശ്രീദേവി 

ഓം ഹസ്തികൃത്തി പ്രിയാംഗനായൈ നമഃ 115 

ജീ ആർ കവിയൂർ 

04  .04  .2021

300 / 5  = 60 ശ്രുതി ദളം - 23   / 60