ദേവീസ്തുതി ദളങ്ങൾ -37

 ദേവീസ്തുതി ദളങ്ങൾ -37          

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 37  

ലകാരയുക്തമായിരിക്കുന്ന 

മൂലമതം ആഖ്യയായ് 

ഇന്ദ്രബീജത്തിന്റെ അർത്ഥമായുള്ളവളേ 

ശ്രീദേവി അമ്മേ നമിക്കുന്നേൻ 

ഓം ലകാരാഖ്യായൈ നമഃ 181 

പരമപതിവ്രതകളായ 

അരുന്ധത്യാദി സ്ത്രീകളാൽ 

സ്ഥിരമാംഗല്യത്തിന്നായ് സ്വേഷ്ട ദേവതാരൂപണേ പൂജിതേ 

ശബരീ , വനദുർഗ്ഗായേ നമിക്കുന്നേൻ 

ഓം ലതാപൂജ്യായൈ നമഃ 182 

ജഗത്തിന്റെ സൃഷ്‌ടിസ്ഥിതി 

പ്രളയങ്ങൾക്ക് ഈശ്വരിയായ് 

ആദ്യമായ് ലയശബ്‍ദമായ 

പ്രപഞ്ചത്തിന്റെ അനാദിത്വത്തേയാർന്നവളെ അമ്മേ 

ഓം ലയസ്ഥിത്യുദ്ഭവേശ്വര്യൈ നമഃ 183 

സർവസമാനത്വം കൊണ്ട് 

അവരവരുടെ കർമ്മനുസരിച്ചു 

ഫലം കൊടുക്കുന്നോളേ ലാസ്യത്തിന്റെ 

ദേവതാദികളാലും  വാരാംഗനകളാലും പൂജിതേ അമ്മേ 

ഓം ലാസ്യ ദര്‍ശന സന്തുഷ്ടായൈ നമഃ 184 

പ്രാപിക്കപ്പെടാത്തതിനെ പ്രാപിക്കുന്നലാഭം 

യത്‌നം ചെയ്തിട്ടു ലഭിക്കാത്തത് 

നിത്യ തൃപ്തയാൽ നേടുന്നവളേ 

ശിവപ്രയായവളേ അമ്മേ തുണ 

ഓം ലാഭാലാഭ വിവര്‍ജ്ജിതായൈ നമഃ 185 

ജീ ആർ കവിയൂർ 

14   .04  .2021

300 / 5  = 60 ശ്രുതി ദളം - 37 / 60