എൻ്റെ മഴപ്പെണ്ണ്

എൻ്റെ മഴപ്പെണ്ണ് 

ചിന്ന ചെറു തുള്ളിവീണ്,

വീഥികൾ വെള്ളി നിറമാക്കുന്നു,

കരിമേഘം നൃത്തമാടി,

എന്നെ തേടി വിളിക്കുന്നുവല്ലോ 

മൂടൽമഞ്ഞിൻ ചിരിയുമായി,

മഴത്തുള്ളി മുത്തുമുത്തായ്,

പൊഴിഞ്ഞു ചിതറുമ്പോൾ 

കള്ളിപ്പെണ്ണ് മഴപ്പെണ്ണായ്.

ഓ മഴപ്പെണ്ണേ, നൃത്തമാടി,

ആകാശത്തിൻ സ്വാതന്ത്ര്യത്തിൽ,

ഓരോ തുള്ളിയും സംഗീതം,

മഴപ്പെണ്ണേ, പാടിയാടി നിൽക്കൂ എൻ മുൻപിൽ.

മഴ ഇല്ലാതെ ഭൂമിതൻ,

കരിഞ്ഞൊരുമണ്ണു മാത്രമേ,

മഴപ്പെണ്ണേ വരവുമായ്,

ജീവൻ നിറയ്ക്കൂ ഹൃദയമേ.

ഓ മഴപ്പെണ്ണേ, നൃത്തമാടി,

ആകാശത്തിൻ സ്വാതന്ത്ര്യത്തിൽ,

ഓരോ തുള്ളിയും സംഗീതം,

മഴപ്പെണ്ണേ, പാടിയാടു എൻ മുൻപിൽ.

ജീ ആർ കവിയൂർ

13 08 2025

(കാനഡ ,ടൊറൻ്റോ )