ഹരേ കൃഷ്ണാ ഭഗവാനേ,

ഹരേ കൃഷ്ണാ ഭഗവാനേ,

ഹനിക്കുക ദു:ഖങ്ങൾ ഭഗവാനേ,

ഗുരുവായൂരപ്പാ, കാരുണ്യം നൽകൂ...

കണ്ണൻ്റെ കണ്ണിലെ തിളക്കം

കടം കൊണ്ടു നക്ഷത്രങ്ങൾ

മയിൽപ്പീലി അഴക് മാരിവില്ലും

പുഞ്ചിരിശോഭ കവർന്നു താമരയും (2)

ഹരേ കൃഷ്ണാ ഭഗവാനേ,

ഹനിക്കുക ദു:ഖങ്ങൾ ഭഗവാനേ,

ഗുരുവായൂരപ്പാ, കാരുണ്യം നൽകൂ...

കണ്ണൻ്റെ മുരളിരവത്തിൽ നിന്നും

കുയിലുകൾ കേട്ട് പകർന്നു

മഞ്ഞപ്പട്ട് കണ്ട് മോഹിച്ചു

കർണികാരം നിറം പകർത്തി(2)

ഹരേ കൃഷ്ണാ ഭഗവാനേ,

ഹനിക്കുക ദു:ഖങ്ങൾ ഭഗവാനേ,

ഗുരുവായൂരപ്പാ, കാരുണ്യം നൽകൂ...

കാടും മലയും താഴ് വാരങ്ങളും

കടലും മേഘവും കണ്ണൻ്റെ 

വർണ്ണം കണ്ട് വിസ്മയം പൂണ്ട്

തന്നിലേക്ക് ആവാഹിച്ചുവല്ലോ(2)

ഹരേ കൃഷ്ണാ ഭഗവാനേ,

ഹനിക്കുക ദു:ഖങ്ങൾ ഭഗവാനേ,

ഗുരുവായൂരപ്പാ, കാരുണ്യം നൽകൂ...

കണ്ണാ കണ്ണാ നിൻ ചന്തം കാണാൻ

കണ്ണുകൾക്ക് കുളിർമ നൽകും

ആ ആനന്ദ ചിന്മയത്തിൽ ലയിക്കാൻ

മനവും തനവും വല്ലാതെ കൊതിക്കുന്നു(2)

ഹരേ കൃഷ്ണാ ഭഗവാനേ,

ഹനിക്കുക ദു:ഖങ്ങൾ ഭഗവാനേ,

ഗുരുവായൂരപ്പാ, കാരുണ്യം നൽകൂ...

ജീ ആർ കവിയൂർ

18 10 2025

(കാൻഡ, ടൊറോൻ്റോ)