മാശിഹാ കർത്താവേ സ്തുതി

മാശിഹാ കർത്താവേ സ്തുതി 

ആശ്രിതരായവർക്കൊക്കെ കൃപയേകും

ആശ്രിത വത്സലൻ ശ്രീ യേശുനാഥൻ പരിപൂജിതം

ആരാധ്യനാം ദിവ്യ തേജസ്വിനേ

ആലംബമേ അനുഗ്രഹ പുണ്യമേ

അജപാലകനെ അറിയുന്നു നിൻ

സ്നേഹ സന്ദേശം ഭക്തി ദായകം

മാലോകർക്കായി മരകുരിശ് ഏറിയ

മാശിഹാ കർത്താവേ നിനക്ക് സ്തുതി

ആത്മസുഖം നല്കുന്നവനേ,

ആവാഹനം ഞങ്ങൾ അർപ്പിക്കുന്നു

 നിൻ പാദതാളത്തിൽ,

കരുണാനിധിയേ, ദിവ്യരക്ഷകനേ,

കൈകോർത്തു നീയേ നടത്തണമേ.

കുരിശിൻ നിഴലിൽ നിത്യശാന്തി,

കർത്താവിൻ പ്രേമം ഹൃദയത്തിൽ,

ദുഃഖത്തിൽ ആശ്വാസം നീയല്ലോ,

ദയാനിധിയേ, യേശുനാഥാ.

വിശ്വാസവെളിച്ചം വിതറി നീ,

മാനവഹൃദയങ്ങളിൽ ശാന്തി പകരുവോനെ,

നിനക്കായെൻ ജീവിതം സമർപ്പിച്ചിടും,

ശ്രേയാഭിലാഷമേ, രക്ഷകനാഥാ.

ആത്മാവിൽ നീ നിറഞ്ഞിടണമേ,

ആലാപനമായ് പ്രണയതാളത്തിൽ,

നീയാണ് ജീവൻ, നീയാണ് മാർഗം,

നിത്യതേജസേ, നിനക്ക് സ്തുതി.

പ്രേമസാഗരമേ, കൃപാനിധിയേ,

പാപികളായ ഞങ്ങൾ രക്ഷിക്കേണമേ,

പിതാവിൻ സിംഹാസനത്തിൽ ഇരിക്കുന്നവനേ,

മാശിഹാ കർത്താവേ — സ്തുതി! സ്തുതി

ജീ ആർ കവിയൂർ

09 10 2025

(കാനഡ, ടൊറൻ്റോ)