ഓർമ്മകൾ ഇഴചേർന്ന നേരം (ലളിത ഗാനം)

ഓർമ്മകൾ ഇഴചേർന്ന നേരം (ലളിത ഗാനം)

ഓർമ്മകൾ ഇഴചേർന്ന നേരം

ഒരായിരം കനവുകൾ വിടർന്നു

ഒരിക്കലും തിരികെ വരാത്തൊരു

ഓമൽ ചിന്തകളിൽ നീ നിറഞ്ഞു

മധുരം പോലെ കിനിയും പാട്ടുകൾ

വാനമ്പാടികൾ ഏറ്റ് പാടുന്നു

നിമിഷങ്ങൾ മാറിയാലും നീയുണ്ടാകും

ഹൃദയത്തിൽ മഴയായി പെയ്തിറങ്ങി 

പ്രഭാതം വിരഹത്തിനൊരു ശാന്തി

നീലാകാശം പോലെ നീയും ഞാനും

ഈ വഴികളിൽ നിൻ സാന്നിധ്യം

പുലരിയിൽ പൂക്കളായ് വിടരുന്നു 

 

ജീ ആർ കവിയൂർ

06 10 2025

(കാനഡ, ടൊറൻ്റോ)