കവിത - നാളെയുടെ ഭൂമിക്ക് വേണ്ടി

ആമുഖം

ഈ കവിത ഭൂമിയുടെ നിലവിളിയാണ് — മനുഷ്യന്റെ അനാസ്ഥ മൂലം നശിച്ച് പോകുന്ന പ്രകൃതിയോടുള്ള ഒരു ആഹ്വാനം.

ഇന്നത്തെ ചെറു ശ്രദ്ധ നാളെയുടെ വലിയ പ്രത്യാശയായി മാറും.

മരങ്ങൾ, പുഴകൾ, കാറ്റ്, മഴ — ഇവയെ സംരക്ഷിക്കുന്നത് നമ്മുടെ കടമ മാത്രമല്ല,

നമ്മുടെ മക്കളുടെ ഭാവിക്ക് നൽകുന്ന ഏറ്റവും വിലപ്പെട്ട സമ്മാനമാണ്.

ഭൂമിയോടുള്ള ഈ സ്നേഹവാക്കുകളാണ്

കവിത - “നാളെയുടെ ഭൂമിക്ക് വേണ്ടി.”

ഇലകൾ ഉണങ്ങുന്ന കാലം വരരുതേ,

പുഴകൾ ഉണങ്ങുന്ന ദൃശ്യം കാണരുതേ.

കാറ്റിൽ വിഷവാസന പടരാതിരിക്കട്ടെ,

മഴത്തുള്ളി കണ്ണീരാകാതിരിക്കട്ടെ.

പക്ഷികൾക്ക് പാട്ടില്ലാത്ത പ്രഭാതം ഭയമാണ്,

കാടില്ലാത്ത ഭൂമി വേദനയുടെ നാളമാണ്.

കുട്ടികളുടെ ശ്വാസം മങ്ങരുതെ കണ്മണേ,

നമ്മുടെ പിഴവിന് അവരെ ശിക്ഷിക്കരുതേ.

നീളുന്ന നഗരങ്ങൾ പച്ചപ്പിനെ മറക്കരുത്,

പുതിയ വഴികൾ പ്രകൃതിയെ തകർക്കരുത്.

ഇന്നേ നമുക്ക് തുടങ്ങാം സംരക്ഷണം,

നാളെയുടെ ഭൂമിക്ക് പകരം സ്നേഹമാകട്ടെ.

ജീ ആർ കവിയൂർ

18 10 2025

(കാൻഡ, ടൊറോൻ്റോ)

ആത്മാവിഷ്കാരങ്ങള്‍