കൃഷ്ണാ ഗുുവായൂരപ്പാ

കൃഷ്ണാ ഗുരുവായൂരപ്പാ

കർണ്ണൻ്റെ കർണ്ണങ്ങൾക്ക്

ശല്യമായ് മാറിയ ശല്യർ,

തേരു തെളിയുമ്പോൾ

അങ്ങേപ്പുറത്തു അവിടുന്നല്ലോ കൃഷ്ണാ..!!

ചമ്മട്ടിയാലേ തേർ തെളിച്ചു,

പ്രോത്സാഹിപ്പിച്ചു വിജയനെ,

വിജയത്തിലേക്ക് നയിച്ചതും

സാക്ഷാൽ ശ്രീകൃഷ്ണൻ തന്നേയല്ലോ.

ഈ ഭക്തനെയും കൈ പിടിച്ചു,

ഗീതോപദേശത്താൽ

ജീവിതതേർ തെളിച്ചിടുന്ന

ഗുരുവായൂരപ്പാ, രക്ഷിക്കണമേ.

ഭക്തവത്സല തവ കാരുണ്യം,

മുറുകെ ചേർത്തിടും നാഥാ,

സ്മരണമാത്രത്തിൽ ഹൃദയങ്ങളിൽ

എപ്പോഴും ഒഴുകുന്നു കൃപാമൃതം.

വഴികാട്ടി നില്ക്കുമ്പോൾ,

കഷ്ടം വന്നാലും ഭയമില്ല;

അനന്തം നിറഞ്ഞുണരുമ്പോൾ

സന്ധിഗ്ധതകൾ ഇല്ലാതാകും.

ജീ ആർ കവിയൂർ

16 09 2025

(കാനഡ , ടൊറൻ്റോ)