Saturday, June 21, 2014

പരിലസിക്ക നിത്യം

പരിലസിക്ക നിത്യം 



നിലാപ്പന്തലില്‍
നിരയുമാ മുല്ലപ്പൂവിന്‍ 
സുഗന്ധമായി 

സ്വപ്ന കുടീരങ്ങളില്‍
മിന്നിമറയുന്ന
സുഖാനുഭൂതിയില്‍

മയിലാടും കുന്നുകളില്‍
മലരണിയും കുളിര്‍മയില്‍
ചിത്രശലഭമായ്

നീലാകാശ ചുവട്ടില്‍
ഇളം പൂക്കും കാട്ടില്‍
മഞ്ഞിന്‍ കണമായ്

മലമടക്കുകളില്‍
മനസ്സു പുക്കും
കുളിര്‍ തെന്നലായി

കളകളാരവം
പൊഴിക്കും അരുവി
പാടും ഗസലായി

പരിരംഭണത്തില്‍
ഇന്ദ്രിയാനുഭൂതിയാം
പ്രണയമായി

നീയെന്‍ അരികില്‍ പരിലസിക്ക
സുഖ ദുഃഖ സാനുക്കളില്‍ നിത്യം
ആശ്വാസനിശ്വസമായി എന്‍ കവിതേ .....

2 comments:

അമ്പിളി. said...


പരിരംഭണത്തില്‍
ഇന്ദ്രിയാനുഭൂതിയാം
പ്രണയമായി
നീയെന്‍ അരികില്‍ പരിലസിക്ക
സുഖ ദുഃഖ സാനുക്കളില്‍ നിത്യം
ആശ്വാസനിശ്വസമായി എന്‍ കവിതേ .....മനോഹരം. മനോഹരമായ കവിതകൾ ബ്ലോഗ്‌ ലോകത്തിൽ ഉണ്ടെന്നറിയുമ്പോൾ ആശ്വാസം.
ഈ നല്ല കവിതയ്ക്ക്അഭിനന്ദനങ്ങൾ

സൗഗന്ധികം said...

വളരെ വളരെ മനോഹരമാമൊരു കവിത.


ശുഭാശംസകൾ.....