Sunday, July 13, 2014

കുറും കവിതകള്‍ 294

കുറും കവിതകള്‍ 294


തലയറ്റുപോകിലും
ചുരത്താന്‍ മനസ്സുള്ള
നോവുമായി അമ്മ മരം.

നിറത്തിനോപ്പം മണവും
മുള്ളുമായി വിടരാനൊരുങ്ങും
മായികമാം മോഹം

ലഹരി ഉദിക്കുന്നു
ചഷകത്തില്‍ മുങ്ങി പൊങ്ങുന്നു
പ്രഭാതം മനസ്സില്‍ .

ധ്യാനം
പ്രഭുദ്ധം
ബുദ്ധമൗനം

തെരുവില്‍ അലയും
ഭ്രാന്തമാം മലയാളം.
ക്യാമറകള്‍ക്കു കാഴ്ചാ സുഖം .!!

ജീവിക്കാന്‍ ശബ്ദവും
വേഷങ്ങളും നടമാടുന്നു.
ഇന്നു ഓണമാണേന്നും..

നഷ്ടമാകുന്നതെന്നതറിഞ്ഞില്ല
കഴിഞ്ഞകന്നു ഓര്‍മ്മകളിലുടെ
പള്ളിക്കുടത്തിലേക്ക് ഒരു പോക്ക് .

വേഷങ്ങള്‍ കെട്ടുന്നു
ജീവിതം പുലര്‍ത്താന്‍ .
കൈത്താങ്ങ്‌ നല്‍കും സ്നേഹം.

പടച്ചവനെ നിന്‍ വെളിച്ചം
എന്നുമെനിക്കു കുട്ടായിരിക്കും
 " അൽഹംദു ലില്ലാഹ്"

നിന്‍ വിരിമാറിലെത്ര
കണ്ണുനീര്‍ പൂവിരിഞ്ഞു പൊലിയുന്നു .
എന്നിട്ടും സുന്ദരി കാശ്മീരമേ !!

സ്നേഹത്താല്‍  പദ്മിനിയെന്നു വിളിച്ചു
യാത്രകളൊക്കെ നടത്തി
നീയി ന്നെത്ര ക്രൂരന്‍ !!

എരിഞ്ഞടങ്ങുന്നു
ദുഖത്തിന്‍ തിരികൾ.
മനസ്സിന്നു സന്തോഷം.!!
   
മുഖപുസ്തക ക്കടലിലെ
സുഹൃത്തുക്കളാകും തിരമാലയിലേക്ക്  
മൂന്നു വരി കുറിച്ച് കാത്തിരുന്നു തീരത്ത്‌ ..

1 comment:

Cv Thankappan said...

തിരമാലകള്‍......
ആശംസകള്‍