Sunday, July 13, 2014

കുറും കവിതകള്‍ 293

കുറും കവിതകള്‍ 293

വയസ്സെത്ര ആയാലും
കണ്ണുകളില്‍ ബാല്യം നിഴലിക്കുന്നു
ഹോ ജീവിതമേ!!

വിതക്കാറുമില്ല  കൊയ്യാറുമില്ല
ദേശാടനത്തിനിടയില്‍ കൊത്തി വിഴുങ്ങുന്നു .
പരസ്പ്പര പൂരകങ്ങളി ജീവനം

കളങ്ങള്‍ എത്ര ഒത്തി ചാടി
അറിയില്ല ഇപ്പോള്‍
ജീവിത കള്ളികള്‍ എണ്ണുന്നു വേദനയോടെ

എല്ലാം അങ്ങിനെയാണ്
ഒരു എത്തി നോട്ടം
സ്നേഹമാണ് ബാല്യം ...

ജീവിതമെന്നത്‌
തുക്കുപാലത്തിലുടെയുള്ള യാത്ര
എന്നാണോ ഇതിനൊരു ഒടുക്കം .

ഇന്നുമെന്‍ ഓര്‍മ്മകള്‍ക്ക്
പച്ചമാങ്ങയുടെ രുചി.
കണ്ണില്‍ ഉപ്പുതേച്ചു നീ എങ്ങുപോയി ?!!

പഴമനസ്സുകളില്‍
പനിനീര്‍ തളിച്ചകുളങ്ങള്‍.
എല്ലാമൊര്‍മ്മ പുസ്തകങ്ങളില്‍.

ഇന്നലെ പെയ്യ്തു ഒഴിഞ്ഞ
മഴ വെള്ളത്തെ തട്ടി തെറിപ്പിച്ചു
ഭൂതകാല ചിന്തകളുമായി മുന്നോട്ടു .

കല്‍വിളക്കും ആലും
അമ്പലവും വീണ്ടുമെന്നില്‍
അവളുടെ ഓര്‍മ്മ ഉണര്‍ത്തുന്നു.

സ്തൂപരൂപത്തിന്‍ ചുവട്ടില്‍
ഉറങ്ങിഉണരാന്‍
ഒരുങ്ങി കിടക്കുന്നു നാളെക്കായി.

മഞ്ഞിന്‍ കുളിര്‍ വകഞ്ഞു
അനന്തതയിലേക്ക്.
ഓര്‍മ്മകള്‍ പിന്‍ തുടര്‍ന്നു.....

1 comment:

Cv Thankappan said...

ഓര്‍മ്മകളില്‍.....
ആശംസകള്‍