മരിച്ചതാര് (ഗദ്യ കവിത )

മരിച്ചതാര് 

(ഗദ്യ കവിത )

ആൾക്കൂട്ടം കണ്ട് ഞാനും 

എത്തിനോക്കി എന്താണ് 

അതേ പലരും പൊറുത്തു 

ഒന്നും വ്യക്തമല്ല ?!!

ചിലർ വീഡിയോയെടുക്കുന്നു 

ചില ആരെയോ മൊബൈലി വിളിക്കുന്നു 

ചിന്നിച്ചിതറി കിടക്കുന്ന 

ശവമാണ് , ആണോ പെണ്ണോ ?!!

എന്ന് അറിയില്ല ? ഇനി ആരാവുമോ ?

അന്വേഷണമായി മതവും ജാതിയും !!

കടന്നുപോകുന്നവർ നോക്കാതെയായി 

കിടന്നു കിടന്ന് ഈച്ചകൾ വന്നിരിക്കുന്നു 

ഈച്ചകൾ അവരുടെ ധർമ്മം ചെയ്യുന്നു 

അവർക്ക് ഒന്നും അറിയില്ലല്ലോ ?!!

അതെ ആരോ പറയുന്നത് കേട്ടു 

മരിച്ചത് മറ്റാരുമല്ല ആ കിടക്കുന്ന ജഡം മനുഷ്യത്വത്തിൻെറതാണ് 

അതെ മനുഷ്യത്വം മരിച്ചിരിക്കുന്നു ..

ജീ ആർ കവിയൂർ 

07 02 2022