മനം

*മനം* 

#####

മഞ്ഞിൻ മുത്തു കണത്തിലൂടെ സൂര്യകിരണങ്ങളേറ്റു തപിച്ച്

സ്വർണം പോലെയാവട്ടെ പവിത്രം !

ഈ മനം ! നിന്റെയും  എന്റെയും !

ഇത് സ്വച്ഛവും നിർമ്മലവുമായ ആകാശത്തുനിന്നു പതിയ്ക്കും മേഘം  !

മധുരവും ചവർപ്പും കൈപ്പുമാർന്ന

ഈ മനം നിന്റെയും എന്റെയും ! 

പക്ഷികളുടെ ലാഘവതയും !

ഗഗനം പോലെ വിശാലവും !

സഹനശീലയാം  ധരയെപ്പോലെ !

ഈ മനം നിന്റെയും  എന്റെയും !

പാപ പുണ്യങ്ങളുടെ പ്രശ്നങ്ങളിലുഴറാതെ സംഘർഷമാവാതെയിരിയ്ക്കട്ടെ മനസ്സിനുള്ളിൽ പാകമാവട്ടെ ! സുപ്രഭാതം പോലെ ! 

ഈ മനം നിന്റെയും  എന്റെയും !

വരിക ഇതിനെ മഥനം ചെയ്യാം !

ഇതിൻ  വിഷമിറക്കി പരിപാവനമാക്കാം ! അമൃതകലശ സമാനമാക്കാം !

ഈ മനം നിന്റെയും  എന്റെയും !

ഇല്ല ! ഇതിനു പരിചയം സത്യത്തോട് 

ഇല്ല ! കളവിനോടേറെ യടുപ്പം !

ഒന്നും നഷ്ടപ്പെടേണ്ടതായില്ല  ! വ്യാകുലം

ഇല്ല ! വീണ്ടേടുക്കുവാനുള്ള ത്വരയും !

വേണ്ട ! സങ്കോചവും ഭയപ്പാടും !

ഈ മനം നിന്റെയും  എന്റെയും !

ഈ മനസ്സിന്റെ നിമഞ്ജനം നടത്താം ! 

നടത്താം ഒരു പുതിയ മനസ്സിൻ പുനർജീവനം ! ആവട്ടെ  ! അത് എഴുതാത്ത കടലാസ് പോലെ !

 ഈ മനം നിന്റെയും  എന്റെയും !

ജീ ആർ കവിയൂർ 

19 02 2022