ഉന്നതത്തിൽ വസിച്ചീടും

ഉന്നതത്തിൽ വസിച്ചീടും 

ഉന്നതനാം ദൈവമേ

ഊനങ്ങളെല്ലാമകറ്റിയീഞങ്ങളേ

ഊഴിയിൽ മേവാൻ കനിയു (ഉന്നതത്തിൽ )

ഊഴമറിയാതെ ഉഴറിനടക്കുന്നെൻ 

ഉള്ളിൽ പ്രകാശമായ് നിറയുവോനെ (2)

ഉള്ളറിയുന്നോനെ കാരുണ്യവാരിധേ

ഉണ്ണിയേശുവേ കൃപ ചൊരിയു (2)(ഉന്നതത്തിൽ )

ഉദയത്തിന്നപ്പുറത്തുള്ളവനെ ഉണർത്തുന്നു ഞങ്ങളേ നീയെന്നുമേ (2)

ഉണ്മയാം നന്മകൾഎപ്പോഴും എന്നെന്നും 

ഉലകത്തിനായെന്നും നൽകിയോനെ(2)

ഓശാന  ഓശാന ഓശാന (ഉന്നതത്തിൽ )

ജീ ആർ കവിയൂർ.          09 02 2022