ഉണരുക ലോകമേ തളിരുകൾക്കായി

 ഉണരുക ലോകമേ തളിരുകൾക്കായി

ഈ യുദ്ധങ്ങൾ ആർക്ക് വേണ്ടി?

ഇന്ധനം എന്ന ധനത്തിനോ?

ഇടനെഞ്ച് നീറുന്നു വേദനയിൽ,

ഈറൻ അണിയുന്നു കണ്ണുകൾ.

ഞാനാണ്? നീയാണ്? ആരാണ് കേമൻ?

ഞാറ്റൊലി മുഴങ്ങുന്നു രക്തവായുവിൽ.

ഞെരിഞ്ഞു അമർന്നു ജീവൻ നിലവിളിക്കുന്നു,

ഞെട്ടറ്റു വീഴുന്നു തളിരിലകൾ.

പ്രകൃതി എല്ലാം കാണുന്നു,

പ്രതികരിക്കും — നാളെ കണ്ട് കൊൾക.

പ്രകമ്പനം കൊള്ളുന്നു ഭൂമിയാകെ,

പ്രതികാരം ഇതാരോടാണ്?!

മൗനം ഇനി മതിയാക്കൂ,

മറക്കൂ, പൊറുക്കൂ.

മനനം ചെയ്യൂ — മനുഷ്യനാകൂ.

മരണം ഏറെയായി; എഴുന്നേൽക്കൂ,

മരിക്കുന്ന കുരുന്നുകൾക്ക് വേണ്ടി ശബ്ദമാകൂ.

ഇന്ന് തന്നെ നിർത്തൂ ഈ യുദ്ധങ്ങൾ,

ഇല്ലെങ്കിൽ നാളെ ചരിത്രം നിങ്ങളെ ചോദ്യം ചെയ്യും.

ഇനി വേണ്ട ശബ്ദങ്ങൾ ഒന്നടങ്ങു 

ഈ ലോകം ഇരുകാലിയുടെ മാത്രമല്ല

കൺ തുറക്കുക ലോകമേ

നീർത്തു ഹേ യുദ്ധങ്ങൾ, മനുഷ്യാ

ജീ ആർ കവിയൂർ 

28 02 2026

( കാനഡ , ടൊറൻ്റോ)