ലോകത്തിൻ പാപങ്ങൾ മായ്ച്ചവനേ

ലോകത്തിൻ പാപങ്ങൾ മായ്ച്ചവനേ

പല്ലവി:

കാരുണ്യക്കടലായ് പെയ്തിറങ്ങി

കരുണതൻ ഉറവയായ് വാണവനേ

കുരിശിലെ ബലിയായ് സ്വയം സമർപ്പിച്ചു

ലോകത്തിൻ പാപങ്ങൾ മായ്ച്ചവനേ.

അനുപല്ലവി:

ആഴിയും കാറ്റും അടക്കി നിന്നോൻ

അലയും തിരമാല ശാന്തമാക്കി

തളരുന്ന തോണിക്ക് തുണയായി നീ

തകരുന്ന ഹൃദയത്തിന് ആശ്വാസമായി.

ചരണം 1:

നല്ലൊരു ഇടയനായ് കൂടെ വന്ന്

ചിതറിയ ആടുകളെ ചേർത്തു നിർത്തി

പാതകൾ തെറ്റാതെ കാത്തു പരിപാലിക്കും

സ്നേഹത്തിൻ ദീപമായ് നാഥൻ വന്നു.

ചരണം 2:

വിണ്ണിലെ മാലാഖമാർ വാഴ്ത്തി പാടും

പരിശുദ്ധ നാമത്തിൻ സാന്ത്വനമേ

കണ്ണുനീർ തുടയ്ക്കും കരം നീട്ടി നീ

മണ്ണിലെ മക്കൾക്കു മോക്ഷമായി.

ജീ ആർ കവിയൂർ 

12 04 2026