ഞാനൊരു ഗാനമായി ( സിനിമ ഗാനം)

ഞാനൊരു ഗാനമായി ( സിനിമ ഗാനം)

പല്ലവി:

ഞാനൊരു ഗാനമായി നിൻ 

കാതിൽ പാടാം ഈണമോടെ 

നിളതൻ ഓളങ്ങൾ പോലെ തെന്നി 

പാറി നടക്കാം ഇളം കാറ്റിൽ മെല്ലെ 

ഇടനെഞ്ചിൻ താളമോടെ 

ഹൃദയവാതായനം തുറന്നു 

കാത്തിരിപ്പൂ നിനക്കായ് 

വരില്ലേ അനുരാഗ ഭാവമോടെ 

അനുപല്ലവി:

നിദ്രയില്ലാ നേരത്ത് 

നിറമേറിയ കനവോരത്ത് 

നിലാവിൻ്റെ നീലിമയിൽ 

നിഴലായി മാറിയോ നീ...

മഞ്ഞുതിരും യാമങ്ങളിൽ 

നമ്മൾ ഒന്നായ് ചേർന്ന നേരം 

മൂകമാം ഈ മൗനമൊഴികൾ 

പാടിയോ പ്രിയേ ഗീതമായി...

ചരണം:

പൂത്തുലഞ്ഞ വാകതൻ തണലിൽ 

പൂങ്കൊടി പോൽ നീ നിന്നുവോ 

പീലിനീർത്തും പ്രണയവർണ്ണങ്ങൾ 

കണ്ണിൽ കൗതുകം തീർത്തുവോ...

മാഞ്ഞുപോയൊരു കാലമെങ്കിലും 

ഓർമ്മയിന്നും മാധുര്യം... 

കാതോരമെത്തും നേർത്ത കാറ്റിൽ 

നിന്റെ പുഞ്ചിരി തൂവലായ്...

ജീ ആർ കവിയൂർ 

23 04 2026

( തിരുവല്ല, കവിയൂർ)