ശിശിരകുളിരിൽ മനം മൂളി

ശിശിരകുളിരിൽ മനം മൂളി

( ഇന്ന് മഞ്ഞ് പെയ്ത വഴികളിലൂടെ ഒന്ന് പോയി)

ശിശിരകുളിരിൽ മനം മൂളി,

ശാരികയില്ലാ കൊമ്പുകളിൽ…

നിശ്ശബ്ദം തൂങ്ങി നിൽക്കുന്നു

വെളുത്ത മഞ്ഞിൻ ശ്വാസത്തിൽ.

ശിഖരങ്ങളിൽ ഇലയില്ല,

മരങ്ങൾ പഠിപ്പിച്ചു സഹനം;

വേദനയുടെ ഭാഷ ഞാൻ അറിഞ്ഞു

വിരലുകൾ നൊന്ത നിമിഷത്തിൽ.

കൈയുറയുടെ പുറത്തേക്ക് നീണ്ട

ആ വിരലുകളിൽ തീ പാളി,

കുളിരിന്റെ കാവ്യം അന്ന്

രക്തത്തിൽ വരെ എഴുതപ്പെട്ടു.

മഞ്ഞു വീഴും തടാകതീരത്ത്

മനം മാത്രം ചൂടോടെ നിന്നു,

ജീവിതം പഠിപ്പിച്ചു ശിശിരം —

സൗന്ദര്യം വേദനയോടൊപ്പം എന്ന്.

ജീ ആർ കവിയൂർ 

28 12 2025 / 1°c 11:30 am

(കാനഡ, ടൊറൻ്റോ)