ഗാനം ഞാനിവിടെ

ഗാനം  ഞാനിവിടെ 

നാം കണ്ടു പിരിഞ്ഞൊരാ വഴിയിൽ ഞാനിന്നും 

നിന്നോർമകളിൽ ഉറങ്ങിടുന്നു

വേദനയോടെന്നും കണ്ണുനീർ തൂകി

ഞാൻ ഇവിടെതന്നെ കാത്തിരിക്കും (നാം )

മഴയുടെ കണ്ണുനീർ കുതിച്ചുയരുമ്പോൾ

നീയറിയുക ആ കണ്ണീരെന്റേതെന്നു 

അപ്പോൾ അസ്വസ്ഥയായ് തോന്നിയാൽ കരുതണേ 

കണ്ണു തുറന്നു ഞാൻ ഉറങ്ങിയെന്ന് 

ഉടഞ്ഞു ചിതറിയ കണ്ണാടിപോലെന്റെ

മനസ് പൊടിഞ്ഞതും നിനക്ക് വേണ്ടി(നാം )

വഴിയരികിൽ കാണും ഉടഞ്ഞൊരു കല്ലിനും

ചൊല്ലുവാനൊത്തിരി കാര്യമുണ്ട്

ഒറ്റപ്പെടുത്തലിൻ നൊമ്പരമെത്രയോ

മറക്കുവാനാകില്ല മരണം വരേ (നാം )

എപ്പോൾ ഞാൻ ഈ നദീതീരത്ത് വന്നാലും

ഇളക്കിമറിക്കുമെൻ ഓർമ്മകൾഓളമായ്

വെള്ളത്തിലൂടെ യിറങ്ങി നടന്നിട്ടും

മനസിലോ ഭയത്തിൻ തിരയടികൾ 

മണലിൽ ഇരുന്നു നാം തീർത്ത മൺകൂനകൾ

ഇന്ന് ഞാൻ എല്ലാം ഉടച്ചു തീർത്തു (നാം ) 

ജീ ആർ കവിയൂർ

29 03 2022