ഇല്ലായിരുന്നെങ്കിൽ

ഇല്ലായിരുന്നെങ്കിൽ ....

ശിവൻശിവക്കു കഥയൊന്നു ചൊല്ലി കൊടുത്തില്ലായിരുന്നെങ്കിൽ

രത്‌നാകരൻ ആമരം ഈമരം ജപിച്ചില്ലായിരുന്നെങ്കിൽ

വാല്മീകി ഗ്രന്ഥമത് 

രച്ചില്ലായിരുന്നെങ്കിൽ...

മന്ഥര വാക്യവും കേട്ടു

വരം രണ്ടു വാങ്ങുവാൻ

ഒരുങ്ങിയില്ലായിരുന്നുവെങ്കിൽ

രാമൻ കാടകം താണ്ടുമായിരുന്നോ

രമക്കൊപ്പം , 

മാരീചിമാൻ പേടയിൽ മോഹമുദിച്ചില്ലായിരുന്നെങ്കിൽ

രേഖയൊന്നു താണ്ടിയില്ലായിരുന്നുന്നെങ്കിൽ

മുള്‍മരംബദരം കടിച്ചു നൽകിയിരുന്നില്ലയെങ്കിൽ

പരീക്ഷണം ജയിക്കുമായിരുന്നോ

മോക്ഷപദം ശബരി പൂകുമായിരുന്നു

ജടായുവിൻ ചിറകരിഞ്ഞില്ലായിരുന്നെങ്കിൽ

ചിറകെട്ടി പോയി ചിതയൊരുക്കുമോ

രാവണ ദഹനം നടത്തി അഗ്നിസാക്ഷിയായ്

ദേവി സീതമനം നൊന്തു ഭൂമി ദേവിയിൽ ലയിക്കുമായിരുന്നോ , സരയൂ ഏറ്റു വാങ്ങുമായിരുന്നോ ജലസമാധി രാമനുടെ

ഞാനും നിങ്ങളും അയങ്ങളുടെ പാരായണത്താൽ സന്മാർഗം ലഭിക്കുമായിരുന്നോ . 

മുക്തരാകുക ഈ ലോകത്തിൻറെ

മായാപാശത്തിൻ ബന്ധനത്തിൽ നിന്നും

ജപിക്കുകയിനിയും രാമ രാമ ചേർന്നീടാമിനി

ആത്മാരാമനിൽ ലയിച്ചു മോക്ഷം നേടാo

ജീ ആർ കവിയൂർ

25 03 2022.