മലയാളത്തിന്റെ കരുത്ത്

മലയാളത്തിന്റെ കരുത്ത്

മലയാള മണ്ണിൽ പിറന്നുവീണ,

മലർമൊട്ടിതൻ ചുണ്ടിൽ വിരിഞ്ഞ പാട്ട്,

മറക്കാതെ സൂക്ഷിക്കണം കൂട്ടുകാരേ,

മഹിതമാം നമ്മുടേതീയ്യുയർന്ന ഭാഷ.

ആഴവും പരപ്പുള്ള കടലല പോലെ,

ആയിരം നൂറ്റാണ്ടുകൾ ഒഴുകിയൊഴുകി,

ഇവിടത്തെ ജനതതൻ ഉച്ചാരണത്തിൽ,

ഇന്നോളം ജീവിക്കും ചൈതന്യഭാഷ.

പട്ടാളമെന്നത് മെറ്റാലിയനായ്,

പരാതിയായി മാറിയ പേർഷ്യൻ മൊഴിയും,

തമിഴകത്തെയരിശി ഒറിസിയായി മാറി,

റൈസായി വന്നതും നാം മറക്കണ്ടല്ലോ.

അരിയോന്നു പോയിട്ടു റൈസതുപോലെ,

അടിവേരു മാറ്റിപ്പിടിച്ചിടുമ്പോൾ,

അപകർഷബോധത്തിൻ ഇരുളടർന്നു,

അടിമയായിടുന്നു നാം അറിയാതെപോലും.

വെള്ളവും ജലവുമെന്നുള്ള പേരുകൾ,

വെറുതെയങ്ങ് തള്ളിക്കളയരുതേ,

ഒന്നല്ല പലവിധം വാക്കുനൽകി,

തഴച്ചുവളർന്നൊരെൻ മലയാളനാദം.

ആകാശസീമകൾ താണ്ടിയാലും,

അടിവേരുറപ്പുള്ള മാവതുപോലെ,

പുറത്തുനിന്നു വളങ്ങൾ കൊണ്ടാലും,

മാവായി നിൽക്കണം എക്കാലവും.

കുരുന്നുകൾ പ്രകൃതിയോടിണങ്ങിടട്ടെ,

കുറുമ്പുകൾ കൂട്ടത്തിൽ പങ്കിടട്ടെ,

മത്സരമില്ലാത്ത പാഠശാലകളിൽ,

മനുഷ്യനായി അവർ വളർന്നു വരട്ടെ.

തെരുവിൽ അലയുന്ന ഉണ്ണിക്കണ്ണന്മാർ,

തളിർത്തുവെളിച്ചമായ് മാറണം എന്നും,

എല്ലാവർക്കും തുല്യമായ അവസരങ്ങൾ,

നൽകണം നമ്മളിതു കർമ്മമെന്നോർത്തു.

പഴയൊരു ചരിത്രവും പാരമ്പര്യവും,

പതിനായിരമാണ്ടുകൾ തീർത്ത പാതയും,

കൈമുതലായിട്ടു മുന്നേറണം നാം,

കൈവിടില്ലൊട്ടു നാം മലയാള ഭാഷയെ.

ഇംഗ്ലീഷ് മഹത്തായ ഭാഷ തന്നേ,

അതിനെ നാം ആദരിച്ചുകൊണ്ടിടാം,

പക്ഷേ നമ്മുടേതായ സ്വന്തം ശൈലി,

പാടെ മറക്കാതെ കാത്തുസൂക്ഷിക്കാം.

ലോകത്തു പലനാടുകളിലെ മൊഴികൾ,

വാടിയുണങ്ങി മറഞ്ഞുപോയി,

നമ്മുടെ ഭാഷയാം അമൃതകുംഭം,

നശിച്ചുപോകാതെ നാം കാത്തിടേണം.

തലമുറ തലമുറ കൈമാറുന്ന,

തലയെടുപ്പുള്ളൊരാ ഈ ഭാഷ നമ്മൾ,

കരുത്തോടെ ജീവിച്ചു വിജയം വരിക്കാൻ,

കൈകോർത്തു നിൽക്കാം മലയാളി നമ്മൾ.

ജീ ആർ കവിയൂർ 

24 08 2026

(തിരുവല്ല, കവിയൂർ)