ഹിരോഷിമയുടെ ഓർമ്മകളിൽ

ഹിരോഷിമ തൻ ഓർമ്മകളാൽ

കണ്ണീരിലാവുന്നു പാരും,

തീമഴ പെയ്തൊരു കാലത്തിന്റെ

നോവുകൾ മായുകയില്ലിന്നും.

ഒരു നിമിഷം കൊണ്ട് ഇല്ലാതായി

ആയിരം ആയിരം ജീവനുകൾ,

കണ്ണീർക്കടലായി മാറി പ്രകൃതി,

കരഞ്ഞുപോയി ആ നീലാകാശം.

ഇനിയൊരു യുദ്ധം വേണ്ടേ വേണ്ട,

തോക്കുകൾ മണ്ണിൽ പൂഴ്ത്തിടാം,

സ്നേഹവുമൊന്നായ് പങ്കുവെക്കാൻ

കൈകൾ പരസ്പരം കോർത്തിടാം.

സമാധാനത്തിൻ വെള്ളിപ്രാവുകൾ

വാനിൽ സ്വതന്ത്രമായി പറക്കട്ടെ,

യുദ്ധമില്ലാത്തൊരു നല്ല നാളെ

ഈ ഉലകിൽ പൂത്തുവിടരട്ടെ.

ജീ ആർ കവിയൂർ

06 08 2026

(തിരുവല്ല, കവിയൂർ)

ആത്മാവിഷ്കാരങ്ങള്‍