മഴവാസനയുടെ വഴി

മഴവാസനയുടെ വഴി

ആദ്യമഴയുടെ ഗന്ധം

മണ്ണിൽ മെല്ലെ ഉണർന്നപ്പോൾ,

മറന്നുപോയ കാലങ്ങളുടെ

കാലൊച്ചകൾ മടങ്ങിയെത്തി.

കാറ്റിൻ കൈകളിലേറി

ഓർമ്മകൾ പുഞ്ചിരി വിരിച്ചു,

കാണാത്ത വഴികളിലൂടെ

ഹൃദയം വീട്ടിലേക്കു നടന്നു.

മഴ പെയ്തത് ഭൂമിയിലല്ല,

ഉള്ളിലെ വരണ്ട നിലങ്ങളിലായിരുന്നു,

ഒരു ചെറു ഗന്ധത്തിനുള്ളിൽ

ജീവിതം വീണ്ടും പൂത്തുലഞ്ഞു.

ജീ ആർ കവിയൂർ 

06 08 2026

(തിരുവല്ല, കവിയൂർ)