ദിനങ്ങൾ വന്നുപോകും

ദിനങ്ങൾ വന്നുപോകും

പൂക്കളുടെ ദിനമായാലും,

മുള്ളുകളുടെ ദിനമായാലും,

ചെമ്പരത്തിപ്പൂവായാലും,

കാട്ടുചെമ്പകം പൂത്താലും—

ദിനങ്ങൾ വന്നുപോകും,

ദിനങ്ങൾ വന്നുപോകും!

എന്തിനീ ഭയം ദിനങ്ങളെച്ചൊല്ലി,

എന്തിനീ വിങ്ങൽ നാളെയെച്ചൊല്ലി?

വന്നതെല്ലാം കടന്നുപോകും,

പോയതെല്ലാം പുതുതായ് വരും;

കാലചക്രം തിരിഞ്ഞുകൊണ്ടിരിക്കും,

ദിനങ്ങൾ വന്നുപോകും!

നേരം പ്രതികൂലമായാൽ,

കലയുടെ മികവെന്തു ചെയ്താലും?

മണ്ണുപോലും പൊന്നായ് മാറും,

പൊന്നുപോലും മണ്ണായ് തീരും;

സമയത്തിൻ കൈകളിൽ കിരീടങ്ങൾ വീഴും,

ദിനങ്ങൾ വന്നുപോകും!

രാജാക്കന്മാർ മാറിമറിയും,

രാജ്ഞിമാരും മാറിമറിയും;

ഇന്നലെ വാഴ്ത്തപ്പെട്ടവർ,

നാളെ പെരുവഴിയിലായ് നിൽക്കും.

രാജാ ഹരിശ്ചന്ദ്രനും ദാഹിച്ചൊരു നാൾ—

കുടിനീരിനായ് കാത്തൊരു നാൾ!

ദിനങ്ങൾ വന്നുപോകും!

അതിനാൽ എന്തിനു ഭയക്കുന്നു ദിനങ്ങളെ?

എന്തിനീ നൊമ്പരം നാളുകളെച്ചൊല്ലി?

ഇരുളും വെളിച്ചവും മാറിമാറി,

ജീവിതവീഥിയിൽ വന്നും പോയി—

വരുന്നതെല്ലാം കടന്നുപോകും,

പുതിയൊരു പുലരി വന്നണയും;

ദിനങ്ങൾ വന്നുപോകും...

ദിനങ്ങൾ വന്നുപോകും!

ജീ ആർ കവിയൂർ 

12 08 2026

( തിരുവല്ല, കവിയൂർ)