Posts

Showing posts from May, 2019

വിസ്മൃതിയിലേക്ക് ..!!

പുലരുന്നുണ്ടാഴങ്ങൾ തേടുന്നുണ്ട് പകൽ കിനാക്കൾ പടി യിറങ്ങും വരെ ആടി തിമിർക്കുന്നുണ്ട് പൂര പടപ്പെരുക്കങ്ങൾ അറിയാതെയോരോ തൊട്ടകലുന്നുണ്ട് ചക്രവാളചരുവിലെത്തി നിൽക്കുന്ന ചെഞ്ചുവപ്പാർന്ന മോഹങ്ങളുടെ ഭാണ്ഡവുമായ് വരുമെന്ന് വിട പറഞ്ഞു സ്വപ്‌നങ്ങൾ തന്ന് ആഴങ്ങളിലേക്ക് ഇറങ്ങുന്നുണ്ട് നിത്യം വന്നു പുഞ്ചിരി പൂനിലാവ് പൊഴിച്ച് പാർവ്വണം വിളമ്പി ആലോലമാടുന്നുണ്ട് മൂളിപ്പാട്ടുമായ്‌ രാക്കാറ്റ് മന്ദം മന്ദം ഉറങ്ങിയുണർത്തുന്നു ജീവിത സുഖ ദുഃഖ കടലിലൂടെ മറുതീരം കാണാ ശാന്തി തീരങ്ങളിലേക്കു അവസാനം ഒരു മന്ദസ്മിതം ചുണ്ടുകളിൽ നിറച്ചകലുന്നുവല്ലോ വിസ്മൃതിയിലേക്ക് ..!!   

കുറും കവിതകൾ 789

കാറ്റുമ്മ വെക്കും പച്ചിലകളിലെവിടേയോ പ്രണയം വിരുന്നുവന്നുവോ ..!! സന്ധ്യ പിരിഞ്ഞിട്ടും കുട്ടിക്കളി മതിയാവാതെ തീരത്ത് ബാല്യ കൗതുകം ...!! വിശപ്പിന്റെ താളങ്ങൾ തേടുന്നു കണ്ണുകൾ തിരകൾ ഏങ്ങലടിച്ചു തലതല്ലി ..!! വരുവാനുണ്ടാരോ വഴിക്കണ്ണുകളിൽ അകം നിറഞ്ഞ വാത്സല്യം ..!! ഉള്ളിൽ നിറഞ്ഞ നോവിൽ കരിഞ്ഞു ഉണങ്ങിയ വിരഹത്തിൻ നാമ്പുകൾ ..!! ജീവിത മുന്നേറ്റത്തിനായ്  കാത്തിരിപ്പിന്റെ നോവും വിശപ്പേ സ്വസ്തി ..!!  കാവലുണ്ട് ഇളംവെയിലും മീൻമണം ചുറ്റിയടിക്കും കാറ്റും വാലും ചുഴറ്റിയമ്മയുടെ പൂച്ചയും ...!!  ചില്ലനിറച്ചു പൂമണം വസന്തം വിരുന്നുവന്നു ഒപ്പം കുയിൽ പാട്ടും ..!! ഏഴുകടൽ കന്നുവോ   വിരഹ നോവിൽ  കൈവിട്ടു മനം ...!!  ഇരുളിനെ വിഴുങ്ങി കിടക്കും  കാലൊച്ചകൾ കേട്ട്   ഞെട്ടി ഉണരുന്ന ഇടനാഴികൾ ..!! 

വരിക നീ ......

ചൊല്ലാൻ തുടങ്ങിയ നാവിന്റെ തുമ്പത്ത് ചെല്ല  ചെറു സന്തോഷ സന്താപങ്ങൾ ചെപ്പിലൊളിപ്പിച്ച അക്ഷര മണികൾ ചിലമ്പിച്ചു  മെല്ലെ ഉതിർന്നു വീണു നിന്നെ കുറിച്ചുള്ള  കാര്യങ്ങളൊക്കെ നിഴൽ വിട്ടു നിര വിട്ടു വന്ന നേരം നിമിഷങ്ങൾ പോയതറിയാതെയങ്ങു നാമങ്ങളോരോന്നായി കാതിനുയിമ്പം മനസ്സിന്നു  കുളിർമ്മയായ്  മാറിടുമ്പോൾ മറവിതൻ   മൗനം ഭേദിച്ചു മെല്ലെ മാറ നീക്കി വന്ന നേരം ഞാനറിയുന്നു  മരിക്കില്ലൊരിക്കലുമെന്നിലെ  നിൻ മധുരമാർന്ന മണിപ്രവാളം മദന പരവശനാക്കുമെന്നിൽ മഴനിലാവു  കണക്കെ പിച്ചവച്ചു വരുന്നുണ്ടല്ലോ മായികമാം  നിൻ വരവിനി എത്രനാൾ എന്തെ തടസ്സമായി  വരിക വരിക വീണ്ടുമെന്നിൽ  നിറയുക വിരഹത്തിൻ നോവകറ്റുക  എന്നിലെ വിശ്വാസ ആശ്വാസ ങ്ങളുമായ് എൻ കവിതേ ..!!