കാലാതീതമായ നിമിഷം

കാലാതീതമായ നിമിഷം

ഘടികാരത്തിൻ സൂചികൾ നിശ്ചലമായ,

ഒരു നിമിഷം കടന്നുവന്നു,

കാലത്തിന്റെ കണക്കുകൾ മറന്നുപോയി,

ഹൃദയം മാത്രം സംസാരിച്ചുനിന്നു.

പെയ്തൊഴിഞ്ഞൊരു മഴയ്ക്കുശേഷം,

ഇലത്തുമ്പിൽ തുള്ളി തിളങ്ങി,

കടന്നുപോയ കാലത്തിന്റെ ഓർമ്മയിൽ,

മൗനമൊരു ഗാനം മൂളി.

പിരിഞ്ഞുപോയ വഴികൾക്കപ്പുറം,

ഒരു സ്നേഹസ്പർശം ബാക്കിയായി,

മാഞ്ഞുപോയ മുഖങ്ങളുടെ ഇടയിലും,

ഒരു പുഞ്ചിരി തെളിഞ്ഞുനിന്നു.

പിടിച്ചുനിർത്താനാവാത്ത കാലം,

പിന്നെയും മുന്നോട്ട് ഒഴുകുമ്പോൾ,

ജീവിതം സമ്മാനിച്ച ചില നിമിഷങ്ങൾ,

എന്നും ഉള്ളിൽ മരിക്കാതെ നിലക്കും.

രചന: ജീ ആർ കവിയൂർ

25-08-2026

(തിരുവല്ല, കവിയൂർ)