എന്തു ചെയ്യും രാമാ ( കർണാടക സംഗീത ശൈലിയിൽ പ്രാർത്ഥന ഗാനം.)

എന്തു ചെയ്യും രാമാ 

( കർണാടക സംഗീത ശൈലിയിൽ പ്രാർത്ഥന ഗാനം.)

(പല്ലവി)

എന്തു ചെയ്യും രാമാ - എന്തു ചെയ്യും രാമാ

കരുണ ചെയ്യൂ രാമാ - കൃപ ചെയ്യൂ രാമാ

ഈ മനമൊന്നു ശുദ്ധമാക്കാം - അഹങ്കാരം നീക്കി

നിൻ പാദമല്ലാതെ - ആശ്രയമില്ല രാമാ

(അനുപല്ലവി)

ദുർവാക്കുകൾ മാറ്റി - സൽബുദ്ധി നൽകൂ

ദുർനടപടി മാറ്റി - സന്മാർഗ്ഗമേകൂ

ആത്മ ചിന്ത ഉണർത്തു - കൃപയേ

ശരണം പ്രാപിക്കുന്നു - ശ്രീ രാമചന്ദ്രാ

(ചരണം 1)

ചപലമാം മനസ്സിൻ - ചലനങ്ങൾ മാറ്റൂ

മായാ പ്രപഞ്ചത്തിൻ - മോഹം വെടിഞ്ഞു

നിൻ രൂപം കണ്ടു - ലയിക്കുവാൻ വരം താ

ശരണം പ്രാപിക്കുന്നു - ശ്രീ രാമചന്ദ്രാ

(ചരണം 2)

ക്ഷമയോടെ കാക്കണം - കാരുണ്യ സാഗരാ

ദുഷ്ട ചിന്തകൾ അരുതേ - മംഗള രൂപ

അജ്ഞാനം മാറ്റി - സുജ്ഞാനം നൽകു

ശരണം പ്രാപിക്കുന്നു - രാഘവാ രാമാ

(ചരണം 3)

രാമായണ മാസത്തിൻ - പുണ്യമേകി

വരം തരിക രാമാ - കനിവോടെ കാത്തു

പാടുവാൻ ശക്തി നൽകുക രാമാ

അഭയം നൽകൂ രാമാ - അരുളുക കൃപയേ

(അവസാനം)

ശരണം രാമാ - സുഖം തരു രാമാ

സൗമ്യ രൂപനെ - വന്ദിക്കുന്നു ഞാൻ

ജീ ആർ കവിയൂർ 

12 08 2026

(തിരുവല്ല, കവിയൂർ)