അദൃശ്യസാന്നിധ്യം

അദൃശ്യസാന്നിധ്യം

മറഞ്ഞുപോയ നാളുകൾ മനസ്സിൽ തെളിയും  

മറയാത്ത മുഖങ്ങൾ മുന്നിൽ തെളിയും  

പഴയൊരു സ്നേഹത്തിൻ ചൂടേറ്റിടുമ്പോൾ  

നിറയുന്നു മിഴികൾ നിശ്ശബ്ദമായി  

തറവാട്ടുമുറ്റത്ത് തുളസിക്കതിരായ്  

പ്രാർത്ഥനയോടെ ഞാനിന്നു നിൽക്കും  

പിതൃസന്നിധിയിൽ സമർപ്പിക്കും ഞാനീ  

സ്നേഹത്തിൻ അർപ്പണം കൈകൂപ്പി മാത്രം  

ആകാശവീഥിയിൽ ചിറകുകൾ വീശി  

വിരുന്നെത്തുമെന്നൊരു വിശ്വാസമുണ്ട്  

അന്നത്തിൻ കണികയിൽ ആത്മബന്ധത്തിൻ  

അദൃശ്യസ്പർശം അറിഞ്ഞിടുന്നു ഞാൻ  

കാലം കടന്നാലും ബന്ധങ്ങൾ മായില്ല  

ജന്മാന്തരങ്ങളിൽ സ്നേഹം തുടരും  

പൂർവ്വികരേ, നിങ്ങളുടെ അനുഗ്രഹമൊന്നാൽ  

ഈ ജീവിതപാതയും പുണ്യമാകട്ടെ  

ജീ ആർ കവിയൂർ 

12 08 2026

(തിരുവല്ല, കവിയൂർ)