ഗുരുവായൂരപ്പാ... കനിഞ്ഞീടണേ

ഗുരുവായൂരപ്പാ... കനിഞ്ഞീടണേ

പല്ലവി

ഗുരുവായൂരപ്പാ കനിഞ്ഞീടണേ,

കണ്ണീർ തുടച്ചു നീ കാത്തീടണേ;

ഗുരുവായൂർ വാഴും എൻ കൃഷ്ണാ,

അരികിൽ വന്നു നീ അനുഗ്രഹിക്കണേ.

ചരണം 1

അറിവില്ലാതെൻ കരളിലെ ഭാരങ്ങൾ

അറിയാതെയെന്നെ പുണരുന്ന കൃഷ്ണാ,

ഗുരുവായൂർ വാഴും എൻ കണ്ണാ നീ

കനിവോടെ എന്നെ കാത്തീടണേ.

ചരണം 2

കുചേലൻ നൽകിയൊരു പിടിയരി പോലെ,

അല്പമെന്നുള്ളതു കൈക്കൊള്ളണേ;

എൻ കണ്ണിലെ സങ്കടം തീർത്തു നീ,

അരികിൽ വന്നു നീ രക്ഷിക്കണേ.

ചരണം 3

വേദനയേറെ മനസ്സിലുണ്ടെങ്കിലും,

അതോർത്തു ഇനി വിഷമിക്കില്ല;

ഗുരുവായൂരപ്പന് സങ്കടമാകുമ്പോൾ,

അതുമാത്രം എനിക്കു സഹിക്കില്ല കണാ.

ചരണം 4

ഗോപികമാർ അന്നു പ്രാർത്ഥിച്ചതുപോലെ,

എനിക്കും നിന്നെ എന്നും പ്രാർത്ഥിക്കണം;

നിൻ പാദപങ്കജം ചേർത്തണച്ചീടുവാൻ,

സദാകാലവും ഞാൻ വണങ്ങീടണം.

ചരണം 5

എന്റെ ഗുരുവായൂരപ്പാ നീയൊന്നു വന്നെൻ,

കണ്ണീർത്തുള്ളികൾ തുടച്ചീടണേ;

അരികിൽ വന്നു നീ പുണർന്നെന്നെ,

അഭയം നൽകി അനുഗ്രഹിക്കണേ.

ചരണം 6

പ്രാണനിൽ തുളുമ്പുന്ന സ്നേഹത്തോടെ,

ജന്മജന്മാന്തരം പാടീടാം ഞാൻ;

ഗുരുവായൂർ മണ്ണിലെ ദിവ്യജ്യോതിയേ,

കണാ കൃഷ്ണാ ശരണം ശരണം.

സമാപനം

ഗുരുവായൂരപ്പാ കനിഞ്ഞീടണേ,

കണ്ണീർ തുടച്ചു നീ കാത്തീടണേ;

എൻ ഹൃദയത്തിൽ വാഴും കൃഷ്ണാ,

കണാ കൃഷ്ണാ ശരണം ശരണം.

രചന: ജീ ആർ കവിയൂർ

21-08-2026

(തിരുവല്ല, കവിയൂർ)