ആത്മാവിഷ്കാരങ്ങള്‍

  നെഞ്ചിനാഴങ്ങളിൽ ......(ഗസൽ ) മൗനം നിറയുന്നനേരം ഞാനെന്റെ  കരവലയങ്ങളിലറിഞ്ഞു നിന്റെ  ശിശിരക്കുളിർ  സിരകളിൽ  ഗസൽ ലഹരിയായ് പടരുന്നതു  ഋതു വസന്ത നിലാവിൻ തണലിൽ   ഹൃദയത്തുടിപ്പിൻ താളലയവും    തോളുകളിൽ ചായുന്ന പ്രണയം   എത്രയെഴുതിയാലും തീരില്ലല്ലോ  നിന്നോർമ്മകൾ നിറയ്ക്കുന്ന   മധു ചഷകങ്ങൾ ഇന്നുമെൻ  നെഞ്ചോട് ചേർത്തു ഉടയാതെ സൂക്ഷിക്കും ഹൃദയമൗനങ്ങളിൽ  .... നിൻ ശ്വാസ നിശ്വാസത്തിന്  മൃദുദല സ്പർശനാനുഭൂതിയിൽ  ആത്മാവിന്നാഴങ്ങളിലറിയുന്നു  വിരഹ നോവുകൾ സഖിയേ .... ജീ ആർ കവിയൂർ  03 .09 .2020  4 :30 AM     photo credit to  Shobi Vdm

മദന രാവുകൾ ....(ഗസൽ ) മദന ചന്ദ്രികേ നിൻ മൗനമെന്നിൽ  അധര നൊമ്പരത്തിൻ ഓർമ്മകളുണർത്തി  നിഴലുകളില്ലാതെയായൊരു നിമിഷങ്ങൾ നിലാവ് കംബളം പുതച്ചു നാണം മറച്ചു അഴലിന്റെ അലകങ്ങൾ മറന്നൊരു അഴകാർന്നകന്ന ദിനങ്ങളൊക്കെ   ആഷാഢ വസന്തങ്ങൾ മെല്ലെ പിന്നിട്ട് ശിശിരക്കുളിരെകുമ്പോളറിഞ്ഞു പകരം നൽകാനില്ലയൊന്നുമേ  പഴകിയോർമ്മകൾ നിറച്ചൊരു കനവിൻ തന്ത്രികൾ മീട്ടുമെൻ ഹൃദയമല്ലാതെ വേറെയില്ല പ്രിയതേ നിഴലുകൾ തീർത്ത താളലയമുണർന്നു സിരകളിൽ പടർന്നു ഗസലീണങ്ങൾ മദന ചന്ദ്രികേ നിൻ മൗനമെന്നിൽ  അധര നൊമ്പരത്തിൻ ഓർമ്മകളുണർത്തി... ജീ ആർ കവിയൂർ 12.07.2020