Saturday, December 26, 2015

നിറയട്ടെ സന്തോഷം

നിറയട്ടെ സന്തോഷം


ഉദിച്ച സൂര്യന്റെ
കിരണങ്ങള്‍ തലോടി
ഉണര്‍ത്തുന്ന പകലിന്റെ

മൃദുലതയില്‍ നിന്നും
ഫണം വിടര്‍ത്തിയാടുന്ന
കാമനകളുടെ നടുവില്‍

ഓര്‍മ്മകള്‍ മേയ്യുന്ന
മേച്ചില്‍ പുറങ്ങളില്‍
ആരും  കാണാതെ

കണ്‍തുടച്ചു പീലി വിടര്‍ത്തി
മുഖത്തെ കരിമേഘങ്ങളാം
ദുഃഖങ്ങള്‍ ഉള്ളിലൊതുക്കി

ആഗ്രഹങ്ങളെ മനസ്സിലിട്ടു
പ്രതിക്ഷണം വച്ചു വന്നു
കൈകൂപ്പി കണ്ണടച്ചു നിന്നു

പൂവും പ്രസാദവും
കൈകളിലേന്തി
മനസ്സിന്റെ  പ്രാര്‍ത്ഥനകളില്‍

വേദനകള്‍ വേദാന്തത്തിന്‍
അകപ്പോരുളില്‍ നിദ്രയടയട്ടെ
സന്തോഷത്തിന്‍ ലഹരി പടരട്ടെ

അകലെ കഴിയും
നിനക്കെന്നുമലതല്ലട്ടെ
അകതാരില്‍ സന്തോഷത്തിന്‍ അലകള്‍




No comments: