ചതയപ്പുലരിയിൽ ഗുരുദേവഗീതം

ചതയപ്പുലരിയിൽ ഗുരുദേവഗീതം

(പല്ലവി)

ചതയപ്പുലരിയിൽ ഗുരുനാമം പാടാം,

ഗുരുദേവ ദർശനം ഹൃദയത്തിൽ ചൂടാം,

ഒരു ജാതി, ഒരു മതം, ഒരു ദൈവമെന്ന

അമരസന്ദേശം ലോകമാകെ പാടാം!

(അനുപല്ലവി)

അരുവിപ്പുറത്തെ ശിവപ്രതിഷ്ഠയാൽ

അറിവിൻ വെളിച്ചം പകർന്ന ഗുരുവേ,

മനുഷ്യനിൽ മനുഷ്യനെ കാണുവാനായ്

മഹാമന്ത്രമായി മാറിയ ഗുരുവേ!

(ചരണം 1)

ആത്മോപദേശശതകം ആത്മദീപം തെളിച്ചപ്പോൾ,

ദൈവദശകം ഭക്തിഗംഗയായി ഒഴുകിയപ്പോൾ,

അദ്വൈതദീപിക ഏകത്വസത്യം വിളിച്ചപ്പോൾ,

ദർശനമാല ജ്ഞാനപഥമായി മുന്നിൽ വന്നപ്പോൾ.

(ചരണം 2)

കുണ്ഡലിനിപ്പാട്ട് ഉള്ളിലെ ശക്തിയെ ഉണർത്തുമ്പോൾ,

ചിജ്ജഡചിന്തനം ചിത്തതത്ത്വങ്ങൾ തെളിയുമ്പോൾ,

ആത്മവിലാസം ആത്മാനന്ദം പകർന്നപ്പോൾ,

സ്വാനുഭവഗീതി സ്വാനുഭവസത്യം പാടുമ്പോൾ.

(ചരണം 3)

നിർവൃതിപഞ്ചകം ശാന്തിയുടെ ഗാനം പാടുമ്പോൾ,

ജീവകാരുണ്യപഞ്ചകം ജീവസ്നേഹം പഠിപ്പിക്കുമ്പോൾ,

അനുകമ്പാദശകം കരുണയുടെ കൈ നീട്ടുമ്പോൾ,

അറിവ് അജ്ഞാനത്തിൻ ഇരുളെല്ലാം നീക്കുമ്പോൾ.

(ചരണം 4)

ജാതിനിർണ്ണയം ജാതിഭേദങ്ങൾ ചോദ്യം ചെയ്തപ്പോൾ,

ജാതിലക്ഷണം മനുഷ്യസമത്വം പ്രഖ്യാപിച്ചപ്പോൾ,

പ്രാർത്ഥന ഹൃദയങ്ങളെ ദൈവത്തിലേക്ക് ചേർത്തപ്പോൾ,

സദാചാരം ജീവിതവഴിയായി മാറിയപ്പോൾ.

(ചരണം 5)

ശിവശതകം ശിവതത്ത്വം ഹൃദയത്തിൽ നിറച്ചപ്പോൾ,

വിനായകാഷ്ടകം വിഘ്നങ്ങളെല്ലാം അകറ്റിയപ്പോൾ,

ഗുഹാഷ്ടകം, ഷണ്മുഖസ്തോത്രം ഭക്തിസ്വരം പകർന്നപ്പോൾ,

ശ്രീകൃഷ്ണദർശനം സ്നേഹഭക്തി പകർന്നപ്പോൾ.

(ചരണം 6)

ശ്രീവാസുദേവാഷ്ടകം നാരായണനാമം പാടുമ്പോൾ,

ജനനീനവരത്നമഞ്ജരി മാതൃമഹത്വം വാഴ്ത്തുമ്പോൾ,

ബ്രഹ്മവിദ്യാപഞ്ചകം ബ്രഹ്മജ്ഞാനം പകർന്നപ്പോൾ,

ഹോമമന്ത്രം യജ്ഞശുദ്ധിയുടെ വഴികാട്ടിയായപ്പോൾ.

(ചരണം 7)

ഈശാവാസ്യോപനിഷത്ത് ഈശതത്ത്വം ചൊല്ലിയപ്പോൾ,

തിരുക്കുറൾ ധർമ്മവഴികൾ മലയാളത്തിൽ മുഴങ്ങിയപ്പോൾ,

വേദാന്തസൂത്രം സത്യത്തിന്റെ ആഴം തുറന്നപ്പോൾ,

ശ്ലോകത്രയം ജ്ഞാനാമൃതമായി പെയ്തിറങ്ങിയപ്പോൾ.

(അവസാന പല്ലവി)

ചതയനക്ഷത്രം പുഞ്ചിരിയോടെ ഉദിക്കട്ടെ,

ഗുരുവിൻ സ്മരണം ഓരോ ഹൃദയത്തിലും നിറയട്ടെ,

സ്നേഹവും ധർമ്മവും സമത്വവും പൂത്തുലയട്ടെ,

ഗുരുദേവൻ കാട്ടിയ വഴിയിൽ ലോകം നടക്കട്ടെ!

രചന: ജീ ആർ കവിയൂർ

28-08-2026

(തിരുവല്ല, കവിയൂർ)