Wednesday, October 28, 2015

ജീവിത തീരങ്ങളില്‍ നിന്നും

ജീവിത തീരങ്ങളില്‍ നിന്നും

കനല്‍ക്കാടുചുറ്റി
പതിക്കുന്ന കാറ്റിന്റെ
ഹുങ്കാര ധ്വനികള്‍

വെയിലേറ് കൊണ്ട്
നിണം വറ്റിയ നീലിച്ച
ശുഷ്ക്കിച്ച ഞരമ്പുകള്‍

കുളിര്‍ക്കാറ്റിന്‍
കനവുകള്‍ക്കു
ദാഹിച്ച മനം

ഫണം ഉയര്‍ത്തി
ഭാന്തമാം ചിന്തകള്‍
വിഷം ചീറ്റുവാനൊരുങ്ങുന്നു

അന്നം വിട്ടു
മുന്നം തേടുന്നു
മറകരയിലെ തുടിപ്പിനായി

വയറു മുറുക്കി
കയറ്റി  ഇറക്കുവാനൊരുങ്ങുന്നു
ഒട്ടകത്തെ സൂചി കുഴയിലുടെ

നിറഞ്ഞ ഭാണ്ഡവും മനസ്സുമായി
മറുകരക്കെത്തിയുടനെ
ആരായുന്നു മടക്കമെന്നുയെന്നു

ഞെട്ടി തരിച്ചു പോകുന്നു
മനസ്സു വീണ്ടും
മണലാരണ്യം തേടി 

No comments: