Tuesday, October 13, 2015

ഇനിയെന്ത് നല്‍കണം

ഇനിയെന്ത് നല്‍കണം

അകലെ നിന്ന്‍ കളകളാരവമുതിക്കുന്നയരുവിയില്‍
കുളിരുകോരുമി മഴനിലാവിന്‍ അരികിലായിവന്നു
പാടിയൊരു പ്രണയഗാനത്തിനീണമായി
പടരുന്നു കരളിലാകവേ നിനവിന്‍ ശ്രുതിലയം

ഇലകളില്‍ നനവു പടര്‍ത്തുമാ ഹിമകണം
ഇഴയടുപ്പത്തിന്‍ സുഖകരമാമൊരു മധുര നൊമ്പരം
പലവുരു കണ്ടുമറന്നതെങ്കിലുമിന്നും ഉണരുന്നു മോഹം
പഴയ പാട്ടിന്റെ വരികളില്‍ ലയിച്ചുപാടും സുഖകരം

പാതിരാവിന്‍ മൗനമുടച്ചു  കിനാക്കളതി നൊമ്പരം
പറഞ്ഞു തീരും മുന്‍പേ പടികടന്നകലുന്നു ദുഷ്ക്കരം
പറന്നകന്നു പിടിതരാതെ വഴുതിയകന്നു വിസ്മയം
പറയുയിനി നിനക്ക് ഞാനിനി എന്ത് തരണം പ്രണയമേ

No comments: