Wednesday, October 14, 2015

മുറിവേറ്റ നക്ഷത്രങ്ങള്‍

മുറിവേറ്റ നക്ഷത്രങ്ങള്‍

നക്ഷത്രങ്ങള്‍ നിറം പിടിപ്പിച്ചു
ശലഭ ചിറകിലാകെ നിറഞ്ഞു
തണുത്ത സുഖകരമായ
രാത്രിയുടെ ആകാശമാകെ
അറിയുന്നു സ്നേഹത്തിന്‍
ചെറു മാലാഖകള്‍ കൂട്ടം കൂട്ടമായി
പൊലിഞ്ഞു പോകുന്നു
കൂട്ടി മുട്ടലുകളിലുടെ പകര്‍പ്പില്‍
പരസ്പരാലിംഗ ബദ്ധരായി
മകരന്ദം പങ്കുവച്ചു
താഴേക്കു നിപതിക്കുമ്പോള്‍
ആത്മ നൊമ്പരം
രാത്രി മാറി പുലര്‍കാലം വരേക്കും
ദൃശ്യമാമി കാഴ്ച
ചാരമായി മരത്തിലും
മണ്ണിലും പറ്റി പിടിക്കുമ്പോള്‍
അറിയാതെ ഇഹലോകം
വിട്ടകലുന്നു ചെറു പ്രാണികള്‍
അപ്പോഴും ഇതൊന്നുമറിയാതെ
സുഖമായി ഉറങ്ങി ഉണരുന്നവനു
നേരെ വീണ്ടും പുഞ്ചിരി തൂകി
നില്‍ക്കുന്നു താരകങ്ങളോരായിരം