ഭക്തിപുഷ്പങ്ങൾ

ഭക്തിപുഷ്പങ്ങൾ

ഗുരുവായൂരപ്പന്റെ അരികിലായി,

മനസ്സിൽ നിറയും സ്നേഹവുമായ്,

ഒരു ചെറു പുഷ്പം ചാർത്തീടാൻ,

വന്നെൻ മനസ്സും വിങ്ങുന്നു.

ഗുരുവായൂരപ്പന്റെ അരികിലായി,

മനസ്സിൽ നിറയും സ്നേഹവുമായ്!

മഞ്ജുള തീർത്തൊരു മാലപോലെ,

വാടാത്ത ഭക്തി തൻ സുഗന്ധവുമായ്,

കണ്ണന്റെ പാദത്തിൽ അർപ്പിച്ചാൽ,

ഒരിക്കലും അതൊന്നും മായുകില്ല.

ഗുരുവായൂരപ്പന്റെ അരികിലായി,

മനസ്സിൽ നിറയും സ്നേഹവുമായ്!

സുദാമാവ് നൽകിയ അവലതുപോലെ,

സ്നേഹത്താൽ നൽകുന്ന കാണിക്കകൾ,

ഭഗവാന്റെ ഹൃദയത്തിൽ ചെന്നണയും,

ജീവിതസൗഭാഗ്യമായ് മാറും.

ഗുരുവായൂരപ്പന്റെ അരികിലായി,

മനസ്സിൽ നിറയും സ്നേഹവുമായ്!

പ്രേമത്തിന്റെ പൂക്കൾ നാം കോർത്തെടുക്കാം,

കണ്ണനു ചാർത്താൻ ഓടിയെത്താം,

ഒരു പിടി സ്നേഹം നൽകീടുമ്പോൾ,

നമ്മുടെ ദുഃഖങ്ങൾ മാഞ്ഞുപോവും.

ഗുരുവായൂരപ്പന്റെ അരികിലായി,

മനസ്സിൽ നിറയും സ്നേഹവുമായ്!

ജീവിതമാകും ഈ നേദ്യമെല്ലാം,

കൃഷ്ണന്റെ തൃപ്പാദത്തിൽ വച്ചീടാം,

ഗുരുവായൂരപ്പന്റെ കൃപയൊന്നാൽ,

ധന്യമായ് തീരട്ടെയീ ജന്മം.

ഗുരുവായൂരപ്പന്റെ അരികിലായി,

മനസ്സിൽ നിറയും സ്നേഹവുമായ്!

ജീ ആർ കവിയൂർ 

22 07 2026

( തിരുവല്ല, കവിയൂർ)