പൂർണ്ണതയുടെ പൊരുൾ തേടി

പൂർണ്ണതയുടെ പൊരുൾ തേടി

ആവർത്തനങ്ങൾ 

ജീവിതാന്ത്യം വരേക്കും 

എത്രയോ തവണ മടുത്തു എങ്കിലും 

നിലനിർത്തി പോരേണ്ടത്..

ജീവന്റെ കണികകൾ..?

ജല്പനങ്ങൾ, കൊടിയ വിഷലിപ്ത വാചകങ്ങൾ, 

വാർത്തകൾ, വഴിയോര കാഴ്ചകൾ...

ഇവയ്ക്കപ്പുറം, എവിടെയോ ഒളിച്ചിരിപ്പുണ്ടാകാം-

മടുപ്പുകളെ വീണ്ടും വീണ്ടും

മായ്ക്കുന്നൊരു പുഞ്ചിരി തൻ കണിക.

വാക്കുകളുടെയീ കോലാഹലങ്ങൾക്കിടയിലും,

മനസ്സിന്റെ കോണിലൊരു മൗനം തിരയുന്നു.

യന്ത്രം കണക്കെയോടും ജീവിതപ്പാച്ചിലിൽ,

തളരാതെ കാക്കണം ഉള്ളിലേ സ്പന്ദനം.

പൂർണ്ണമാണ് എല്ലാം, എന്നാൽ പൂർണ്ണമല്ലതാനും-

എന്നാൽ പൂർണ്ണമായിട്ടുള്ളതാണ് പൂർണ്ണം.

ആ പൂർണ്ണതയുടെ പൊരുൾ തേടിക്കൊണ്ട്,

ജന്മജന്മാന്തരങ്ങളായി ഈ തീര ഭൂവിൽ...

ജീ ആർ കവിയൂർ 

13 07 2026

( തിരുവല്ല , കവിയൂർ)