നാദോപാസനയിൽ (രാഗം: രീതിഗൗള)

(പല്ലവി)

രീതിഗൗള രാഗ ഭാവമേ...

വാത്സല്യ പൂർണ്ണേ, മാമകീയ ജ്ഞാനമേ...

രീതിഗൗള രാഗ ഭാവമേ...

(അനുപല്ലവി)

ത്യാഗരാജ, ദീക്ഷിതർ, ശ്യാമശാസ്ത്രി...

ആ മൂല പരമ്പരയിൽ സുബ്ബരായ ശാസ്ത്രി...

കാരുണ്യക്കടലായെൻ മുന്നിൽ ഉണരൂ അമ്മേ...

നാദോപാസനയിൽ എൻ അരികിൽ അമ്മേ...

(ചരണം 1)

ത്യാഗരാജ ഹൃദയ നിർമ്മലം,

ദീക്ഷിതർ കനവിൽ വീശിയ കാറ്റും,

ശ്യാമശാസ്ത്രി ഭക്തിയിൽ അലിയും,

അമ്മേ, നിൻ ചിന്തകളിൽ...

പ്രാർത്ഥനയായ് പൊഴിയും പുലരി,

നീ എന്റെയുള്ളിൽ...

(ചരണം 2)

സുബ്ബരായൻ പാടിയ നാദധാരയിൽ,

മൂന്നു ഗുരുക്കന്മാരുടെ അനുഗ്രഹ ചാരുതയിൽ,

സകല ജഗത്തിനും തുണയാകും ജനനീ,

സംഗീത സാഗരമായി എന്നെ നയിക്കൂ...

(ചരണം 3)

അക്ഷര ലക്ഷം പൂക്കും എൻ മനസ്സിൽ,

കവിതാ രൂപേണ വാഴും കലൈവാണിയേ...

ശ്രുതിയും ലയവും ഒന്നായ് ചേരും നേരത്ത്,

ഈ ജഗത്തിൽ നീയല്ലാതെ ആരുണ്ട് തുണയായ്...

(മംഗള പല്ലവി)

രീതിഗൗള രാഗ ഭാവമേ...

വാത്സല്യ പൂർണ്ണേ, മാമകീയ ജ്ഞാനമേ...

രീതിഗൗള രാഗ ഭാവമേ...

ജീ ആർ കവിയൂർ

02 07 2026

(തിരുവല്ല, കവിയൂർ)

ആത്മാവിഷ്കാരങ്ങള്‍