വിഘ്നേശ്വരാ പ്രണാമം

വിഘ്നേശ്വരാ പ്രണാമം 

(Stanza 1)

വിഘ്നേശ്വരാ നിൻ തൃപ്പാദ കമലത്തിൽ 

പ്രണമിച്ചിടുന്നു ഞാൻ വീണ്ടുമെന്നും...

മനസ്സിലെ ഇരുളൊക്കെ മാറ്റിടുവാൻ 

വന്നീടണേ എന്റെ മുന്നിൽ ദൈവമേ...

(Stanza 2)

സിന്ദൂര തിലകവും ചാർത്തി നിൽക്കും 

ആനന ഭംഗി ഞാൻ കണ്ടുനിൽപ്പൂ...

മോദക പ്രിയനേ നിൻ നാമമെന്നും 

ചൊല്ലി സ്തുതിപ്പൂ ഞാൻ ഭക്തിയോടെ...

(Stanza 3)

തടസ്സങ്ങൾ ഏതും വരാതെ എന്നും 

വഴികാട്ടിയായി നീ കൂടെവേണം...

വിദ്യയും ബുദ്ധിയും നൽകേണേ നീ 

സിദ്ധിവിനായകാ ഗൗരീസുതനേ...

(Stanza 4)

തുമ്പിക്കരത്താൽ അനുഗ്രഹിക്കൂ 

നിൻ ഭക്തജനങ്ങളെ പാലിക്കണേ...

മംഗള മൂർത്തേ മഹാ ഗണപതേ 

എന്നെന്നും തരേണമേ തൃപ്പാദ ഭക്തി...

ജീ ആർ കവിയൂർ 

22 07 2026

(തിരുവല്ല, കവിയൂർ)